قدمت استقالتى من عشر ايام اعتبارا من اخر شهر 6/2010 وبيشقطونى لبعض النهاردة !اعمل ايه
دلوقتى ياجماعا عايز نصيحة
انا شغال محاسب ف شركة لاداعى من ذكر اسمها المهم الشركة دى كبيرة جدا ومن اكبر الشركات ف مصر
اتعينت 1/2007 والحمد لله ربنا اكرمنى واثبت كفائتى فيها والناس كلها بتشهد بكده
المهم نظرا لظروف الدنيا وحال الشباب فديما الواحد بيدور على تحسين وضعه سواء ماديا او معنويا .....
علشان بردو الواحد داخل على جواز فده بردو ليييه اولويات
المهم تم قبولى ف شركة تانية الحمد لله وقدمت استقالتى يوم 20/6 اعتبارا من 30/6
طبعا انا مش عارف زى ميكون حد مات للمدير بتاعى وده مش حب فيا اكيد لمصلحة الشغل وانا احترم فيه ده رغم ا فى كل الاجتماعات كلامه ان الباب يفوت جمل واللى عايز يمشى يمشىى ف ساعتها والشركة مش بتبقا على حد والشغل مش هيقف يعنى اللى يقول كلام يبقا قده .
بس لقيت الدنيا خربانة لدرجة انه مش راضى يقبل استقالتى
بعد مجادلات وتحايلات تفضل مشكورا وقبلها
جه الدور بقا على تسليم شغلى لللى هيستلمه علشان اخلاء الطرف
مش موافقين على اى حد وزى ميكون موقفينها ف وشى مع ان فيه ناس كتير احسن منى
طبعا الوقت بيمر وانا المفروض استلم شغلى الجديد ف 1/7
كل مااكلم مديرى يثبتنى بكلمتين ومتقلقش واحنا مش هنقف ف وش مصلحتك والحوار بيخلص
النهاردة قلت مبدهاش بقا كلمت مدير حسابات الشركة وطبعا هوا عارف انى قدمت الاستقالة
بس لما كلمته رده انه ميعرفش حاجة عن الموضوع نهائى ..:majd(4):
طب الزاى يمين شمال مش عارف اعمل ايه وطبعا هوا من اول الناس اللى عرفت
بس مش عارف ايه سبب موقفه ده وللعلم الراجل ده محترم جداا وهوا اللى معينى ف الشركة بس مش فاهم سبب الموقف .
المهم انا مش عارف اتصرف الزاى
وميفعش يحصل انى اسيب الجمل بما حمل وامشى
دى حسابات فرع كامل مسؤل عنها ومحدش هيرضى يستلمها وبعدين المكان ده ليه فضل كبير عليا ومقدرش اسيبه بموقف زى ده
ايه الحل ؟:36_7_4[1]:دماغى هتنفجر
