الموضوع: معى اكسينت وعاوز bud f3 هام

فى شهادة اسمها o e mوهى تعنى ان المنتج مطابق للمواصفات الاصلية وبمراجعة من شركتة الاصليي وبناء على تجربتها اى يتم انتاج هذا المنتج تحت اشراف الشركة الام المصنعة والمصممة وهذا هو الحال مع موتور byd منتج تحت اشراف شركة ميتسوبيشى اليابان واذا كانت العفشة فى 80/ من قطعها متماثلة مع عفشة التويوتا كرولا وقابلة للاستبدال باسعار مقبولة فاين هى المشكلة فى هذة السيارة اراها جيدة جدا ميتسوبيشى على كرولا وباالمناسبى الهيونداى بدات بمواتير ميتسوبيشى فى التمانينات وربما من اواخر السبعينات وكذلك العفشة وهذا واضح جدا من اشتراك العديد من قطع غيار موتور الهيونداى اكسل مع الميتسوبيشى البطة وكذلك شركة كيا بدات بمواتير مازدا وشركة بروتون بدات وحتى عام 2006 بمواتير ميتسوبيشى وباالمناسبة موتور الbyd هو نفسة موتور البروتون واجا من عام 2000 وحتى 2006 قبل شراء شركة بروتون لشركة لوتس الانجليزية واستخدام مواتيرها الكامبرو وباالمناسبة مواتير الكامبرو اكثر استهلاكا للبنزين وعزمه الاقصى على عدد لفات موتور عالية اى لن تستفيد بعزم الموتور سوى على الطرقات السريعة ومع السرعات العالية عكس موتور4g18المستخدم فى الواجا القديم والbyd والذى يعطى اعلى عزم لة على 2750 لفة فى الدقيقة اى بامكانك الاستفادة من عزم الموتور على سرعات منخفضة داخل المدينة مثل مطالع الكبارى مع تشغيل التكييف و الحمولة الكاملة المهم عشان منبعدش عن موضوعنا كل الشركات دى بدات بتكنولوجيا يابانى وطورتها مع الوقت مع العلم انة نفس اسلوب التطوير اليابانى الحالى بس المشكلة على ما اعتقد واللة اعلم ان كلمة صينى هى اللى عاملة الشعور بعدم الاطمئنان ولكن مش كل الصينى ردىء وبعدين هى العربية اية غير موتور وعفشة والصاج دة سهل كلة يابانى وكورى وصينى خفيف وليهم فلسفة فى خفة الصاج وهى ان المواتير اكترها 1600 من 90 الى 112 حصان يعنى فى عالم المواتير تعتبر مواتير متواضعة مش محتاجة صاج تقيل تخانة.8 مللم وركاب مليانة كل دة عبىء على الوتور مبخلهوش يدى اعلى كفاءة ممكنة لذلك قللوا من سمك الصاج واستخدموا الالمونيوم بكثافة فى الموتور عشان برضة يخفوا وزنة ويخففوا من حمل العربية / وكمان الصاج خفيف عشان لما تحصل حادثة الالصاج يمتص الصدمة ويتحطم عشان لوصاج جامد هيبقى عزم الصدمة فى الصدر والكابينة

المشاركة الأصلية كتبت بواسطة maiasn2000

يا صاحبي انا هاقول لك ملحوظه بسيطه شوف في الشارع كده كام عربيه بايد فيه وكام عربيه اكسنت!!!
انت راكب حتة دهب بالنسبه لفئتها هي العربيه تاعباك؟؟؟؟؟؟؟
لو تعبتك غيرها بس ادرس الاول ايه اللي تجيبه احسن منها ده تفكيري البسيط لما احب اغير العربيه احاول اعليها باحسن منها لكن صيني انا اسف مافيهوش غير التيجو بس هو اللي ممكن تجيبه بدل الاكسنت او تغير وتروح لللانسر دي نصيحتي وبرضه انت حر بجد واللي بيركب الصيني بيركبه زيرو ياخد طعمه ولما تبدأ العربيه تزهقه يبيعها وخد رايي باقي الاعضاء وشوف هايقولا لك ايه
طيب مادام ناوي تغير الفيرنا تبقي احسن من البايد ليه صيني يعني الكوري ارقي يا راجل

الف الف شكر عبى الرد والاهتمام انا معك ميه فى الميه ان اللانسر ممكن تكون الخطوه الى بعد عربيتى بس اكيد فارق السعر هيكون كبير وانا عربيتى مش تعبانى الفكره انا محتاج حاجه اكبر شوبه ومش لاقى حاجه معقوله وانا دورت وشوفت نوبيرا وبصراحه حسيت انا عربيتى احسن النوبيرا اكبر واوسع بس مش عارف مهضمتهاش وموان شوفت سفيا وسبكترا بس كتير خوفونى من سبم\كترا وان الناس بتطلب اسعار غليه على العربيات دى اما التيجو فنصيحه شخصيه ابعد عنها ودى مى ابن خلتى وكمان واد جارى ومحدش شكر فيها ولا فى التوكيل وانا رحت معه التوكيل مره ولاقت عربيات كتير موجوده وكمان واحد بقله 15 يوم بيشتكى كش عارف يستلم عربيته وممكن تشوف شكاوى الناس فى المنتدى انا اسف للايطاله وبالنسبه للبى واى دى زي ما حضرتك شيف انا شيف انها انسب لى وعلى شان كده طارح الموضوع للمناقشه لاخد قرارى واكيد نصيحتك وانت والاصدقاء الذين ساهمو فى الموضوع رئيهم على راسى واكيد هعمل بيه ولك الف شكر

واللة لم اغضب من كلامك بل انا سعيد جدا جدا براى حضرتك لانة راى صادق ويعبر عن صاحبة ومن هنا يجب احترامة ---------- الحكاية ان انا عندى وجهة نظر فى العربية وواللة انا باذن اللة هشتريها وعشان نزيل الشك انا واللة كمان مرة مش مندوب لشركة الامل ومليش حدفيها وعمرى ماشفت ولا قابلت حد هناك الا الحارس العرباوى فى توكيل الصحراوى فى اسكندرية الساعة6 صباحا من سنة وكنت بتفرج على العربية---------------- بس انا حبيت اطمن الزميل اللى ناوى يشترى ان مش كل الصينى وحش ووضحت لة انا بفكر ازاى ووجهة نظرى بنيتها على اية------------بس للعلم السيارة اجتازت اختبار الامان الاوربى وتم الاعلان عن ذللك فى اعلان الاهرام عدد الجمعة قبل الماضى وهذ الاختبار من اصعب اختبار ات الاامان للسيارات------------ وساحاول من خلال المنتدى التاكد من معلومة عدم وجود قضبان حديدية داخل الابواب وساوافى حضرتك وكل الزملاء باالرد فى حال الوصول الى شىء //////////////// على فكرة ملحوظة سيادتك مهمة جدا جدا ويجب اخذها فى الاعتبار وهو دة الهدف من حوارنا فى المنتدى وسعيد بمداخلتك وببملاحظاتك ////شكراااااااااااااااااااااا اااااااااااا

المشاركة الأصلية كتبت بواسطة maiasn2000

مع الاحترام الكامل رلرأي العضو في وصف البايد لكن الملاحظات الاتيه تاخذ في الاعتبار
واسمحوا لي
اولا : ماهي عوامل الامان والسلامه في السياره بايد ؟؟؟ كم قضيب فولاذي يحمي كابينة السائق؟؟؟؟
هل اترك روحي وارواح من معي تحت رحمة صاج ضعيف وعدم وجود حمايه للكابينه بحجة تخفيف وزن السياره!!!!!!
ماهو العمر الافتراضي لقطع الغيار الاسايه والاكسسوارت ؟؟؟؟
ثانيا : هل االمكون في المحرك صيني ام ياباني ام كوري؟؟؟؟؟
ثالثا : ماهي اسعار قطع الغيار في السياره؟؟؟ وما مدي توافرها في اي مكان في مصر؟؟؟؟؟
رابعا : عندما تقارن بايد بمثيلتها في نفس الفئه مثل الفيرنا او الانسر اين موقعها من الاعراب؟؟؟؟؟؟؟
خامسا : في اعادة البيع كم يبلغ سعرها مقارنه بسعر الشراء وماهي نسبة الفقد في قيمة السياره بالمقارنة مع الهيونداي او اللانسر
سادسا : هل تفضل منتج ياباني مكون ومنتج ؟ ام كوري مكون ومنتج او صيني مكون ومنتج؟؟؟؟؟
اعتقد ان الخلاط الياباني غير الكوري غير الصيبيييييييييييييييييييي ي .
مع تحياتي لجميع الاعضاء واعتقد انني لم اتسبب في اغضاب احد

عزيزى قمت باالسؤال عن موضوع القضبان الحديدية ووجدتة فى بورشور السيارة فى موقع الشركة الام فى الصين وباالفعل توجد قضبان ونقاط تقوية ///////////////////////كما انقل لسيادتكم مشاركة الزميل العزيز abojessy ,وهى مداخلة فيها الرد الشافى الوافى واسمح لى ان انقلها بعد اذن سيادتة كما هى


عزيزى .. mmmmgogommmm .. عندى صورة للهيكل الأساسى للسيارة تظهر نقاط التقوية وعوامل الأمان فى الهيكل . وتظهر بها بوضوح قضبان الحماية الجانبية بالأبواب . فلا تقلق من هذة الناحية . لأن جسم السيارة والشاسية بالكامل .. Copy _Paste .. من تويوتا كورولا حتى 2007 . ولاتندهش لو قلت لك أنظر داخل مقدمة السيارة خلف الرادياتير ستجد دعامات تقوية للشاسية من اليمين واليسار غير موجودة فى التويوتا نفسها . أما عن باقى الأسئلة . فأترك لغيرى الرد عليها . فرغم أن عندى فكرة عن الأجابة الا أنى لا أحب أن أتكلم عن شئ لا أتأكد منة 100% . ولك أطيب تحياتى .

المشاركة الأصلية كتبت بواسطة mmmmgogommmm

عزيزى قمت باالسؤال عن موضوع القضبان الحديدية ووجدتة فى بورشور السيارة فى موقع الشركة الام فى الصين وباالفعل توجد قضبان ونقاط تقوية ///////////////////////كما انقل لسيادتكم مشاركة الزميل العزيز abojessy ,وهى مداخلة فيها الرد الشافى الوافى واسمح لى ان انقلها بعد اذن سيادتة كما هى


عزيزى .. Mmmmgogommmm .. عندى صورة للهيكل الأساسى للسيارة تظهر نقاط التقوية وعوامل الأمان فى الهيكل . وتظهر بها بوضوح قضبان الحماية الجانبية بالأبواب . فلا تقلق من هذة الناحية . لأن جسم السيارة والشاسية بالكامل .. Copy _paste .. من تويوتا كورولا حتى 2007 . ولاتندهش لو قلت لك أنظر داخل مقدمة السيارة خلف الرادياتير ستجد دعامات تقوية للشاسية من اليمين واليسار غير موجودة فى التويوتا نفسها . أما عن باقى الأسئلة . فأترك لغيرى الرد عليها . فرغم أن عندى فكرة عن الأجابة الا أنى لا أحب أن أتكلم عن شئ لا أتأكد منة 100% . ولك أطيب تحياتى .

عشرة على عشرة دة رد مقنع جدا وعلى فكرة انا دخلت على موقع من فترة لا اتذكر اسمة الان وطلبت مقارنة بين البى واى دي والياريس وكانت المقارنة لصالح البى واي دي من حيث السلامة والامان وحصلت على نجوم اكثر من الياريس

الأكسنت بتاعتك اوتوماتك؟

المشاركة الأصلية كتبت بواسطة uubaby2000

الأكسنت بتاعتك اوتوماتك؟

لا منيوال ممكن اعرف سبب السؤال