الموضوع: النوبيرا هل هي مظلومة ؟؟

النوبيرا منتشره جدا - ايه اللي مخليك معتقد انها مش واخده حقها؟ - قصدي حقها اللي هو ايه؟ مبيعات؟ ولا رأي الناس فيها؟

النوبيرا عربية محترمة جدا و منتشرة اوي و سمعتها حلوة اوي في السوق بس يمكن موضوع الشكوي من عفشتها بالمقارنة باللانوس هي دي الحاجة الوحيدة اللي بتتكرر بين الناس و غير كده هي عربية زي الفل

عربيتى نوبيرا وعربية والدى صنى...النوبيرا اوسع من الصنى وبحس ان امكانيات النوبيرا من الداخل اذكى من الصنى يعنى ممكن تلاقى زراير كتير فى الصنى ,النوبيرا لماها فى عدد زراير اقل وبيعملو نفس الوظيفة

النوبيرا مرسيدس الكورى زى مابيقولو التطور الطبيعى لل132

المشاركة الأصلية كتبت بواسطة aly10

انا فعلا حاسس ان من كلامكم على العربية دى فيها عيوب كتير ومقلق اشتريها

لا مش للدرجة دي
نوبيرا من أحسن العربيات في ال 10 سنين اللي فاتوا

المشاركة الأصلية كتبت بواسطة tlrsiap

و ان كانت كمالياتها اقل شوية من بعضهم

الكماليات واحده فى العربيات اللى ذكرتها كلها تقريبا...ازاز كهرباء تكيف مرايات كهربه سنتر انذار باور كاسيت وخلافه

المشاركة الأصلية كتبت بواسطة hanycapoo

النوبيرا مرسيدس الكورى زى مابيقولو التطور الطبيعى لل132

الليجانزا تعتبر اعلى فئه وهيا فعلا اللى مرسيدس الكورى.....وانا رأى ان النوبيرا لا تقل كفائه عن العربيات اللى اتقالت دى....بس الموضوع ان بقالها اكتر من 10 سنين بتنزل والناس زهقت من شكلها وعايزه تغير للاجدد....دة غير اللى يقلك ان شكلها شكل عربيه من 20 سنه واللى يقل عربيه عجوزه واللى واللى...عشان كده الناس مش بتفكر فيها
انا معايا العربيه من 2008 وعامل لحد دلوقتى 34 اللف
وانا راى انا العربيه دى الصراحه جيده جدا وليست بممتازه (زى برضه معظم العربيات اللى اتقالت وبصراحه مفيش عربيه فى الفئه السعريه دى نقدر نقول عليها ممتازه)

مميزتها:
1-كبيره وواسعه
2-صيانتها مش مكلفه
3-ثباتها معقول جدا جدا..انا جبت بيها 190 وكانت طلقه وماسكه نفسها بجد
4-موتور قوى وتكيف ممتاز وعلى فكره مواتير الدايو بتعيش عن عربيات تانيه كتير
5-سهوله اعاده البيع
6-قطاع غيار متوفره


العيوب بتاعت العربيه ضعف الصاج وصوت الشكمان..وصوت دبدبه فى المساعدين الخلفين مش عارف علاجهم ايه ولا ال........وانا شايف ان العفشه بتاعت العربيه بتستحمل...وانا مصادفتش مشاكل فى جلب المقصات او مشاكل فى الموتور الحمد لله
واسف للاطاله........