الموضوع: عربيتك اوتوماتيك؟؟ عايز تركن صف تاني؟!! الحل

يا جماعه الحل العلمى بقى كله يوسع :)

هو فى حلين
اولا ممكن فى التوكيل تقولهم يفصلو الدايرة دى( المفتاح ميطلعش الا لو على ال P) ودى حاجة سهله جدا بس اعتقد اغلبنا مش هيحب كده
ومنصحش بيها لو العربيه مفتاحها من غير شفره كده العربيه ممكن تدور وتمشى بسهوله يعنى اسهل فى السرقه

الحل التانى: اغلب العربيات الحديثه بيبقى فيها تحت وش الفتيس اللى مكتوب عليه الحروف حاجة زى lock لو ضغط عليه بصباعك او بمفك بيسمح لعصا الفتيس التحرك
يعنى تشيل المفتاح وهو على ال P بعد كده تشيل وش الفتيس وتضغط على اللوك وتحرك العصا هتلاقيها بتمشى معاك وسيبها على ال N
ودى المصنع بيعملها عشان لو حصل عطل فى الدايرة اللى شرحتها فى الاول(مع انى ماشرحتش حاجة)

اسف للاطاله وارجو انى اكون افدت الجميع
مع العلم انى ساكن فى الجيزة وديما مش بلاقى مكان اركن فيه بس عمرى ما بركن صف تانى
اولا عشان مضايقش الناس اللى راكنه صف اول
ثانيا عشان مزحمش الشوارع اكتر ما هى مزحومه
ثالثا هترجع هتلاقيها على حدود ليبيا مش فى المكان اللى انت كنت سايبها فيه خالص
رابعا لو فى سايس بيكسل يزق عربيه عربيه, هو بيفضل يزق اول عربيه وكل عربيه تزق اللى قدمها او اللى وراها يعنى هترجع هتلاقى الاقصدامات مع السلامه

شكلى طولت عليكوا تانى
انا همشى احسن
شكرا