نغسى لمبت التنك تنور مرة فى حياتها

**mohamed9999** · 29-06-2010 02:46 PM

بس هى عموما مش فارقه عشان انا المؤشر شغال و قبل الربع الاخييييييير بمون

**wesam_salom** · 29-06-2010 03:00 PM

مره واحده بس اللى شوفتها منوره

وكانت العربيه قاطعه بنزين

بس كان العداد عند الربع

عرفت ان العداد بتاعى مسطول من ريحه البنزين

ولحد دلوقتى لسه مفاقش

**magomago** · 29-06-2010 03:14 PM

المشاركة الأصلية كتبت بواسطة mmamdouh

جوة تنك البنزين

mmamdouh

انا باسمع صوت الطلمبه وهى بتحضر مع فتح الكونتاكت تحت الكنبه
مش هى دى طلمبة البنزين برده ولا دى حاجه تانيه؟

وموضوع اللمبه دى هى عندى بتنور لما المؤشر يبقى قرب يوصل للاسفل تماما يعنى بتعدى الاحمر بكتير

.

**MMamdouh** · 29-06-2010 03:36 PM

المشاركة الأصلية كتبت بواسطة magomago

انا باسمع صوت الطلمبه وهى بتحضر مع فتح الكونتاكت تحت الكنبه
مش هى دى طلمبة البنزين برده ولا دى حاجه تانيه؟.

مضبوط كدة

.

وموضوع اللمبه دى هى عندى بتنور لما المؤشر يبقى قرب يوصل للاسفل تماما يعنى بتعدى الاحمر بكتير

.

ما احنا اتفقنا ان المؤشر مش دقيق يعنى مش معنى انة دخل على الاحمر و مشى شوية يبقى العربية فاضل فيها 2 لتر بنزين... اللمبة المفروض تنور لما يبقى فيه 6 لتر فى التنك

MMamdouh

**alexcdx** · 30-06-2010 02:47 AM

المشاركة الأصلية كتبت بواسطة mmd3

الجزء المسئول عن اللمبة دي هو عبارة عن حاجة كدة قد عقلة الصباع وموجودة علي طرف اخر العوامة اللي فيها من جوة طلمبة البنزين ولو الجزء دة مش متوصل بالسلوك بتاعتة او الفيشة اللي طالعة من العوامة فيها خلل او متاكلة مش هيلقط معاك وبالتالي لمبة الاحتياطي الصفراء مش هتنور
يبقي لازم تتغير العوامة كلها

انا معايا صورة ليها انا مصورها بس مش عارف ارفعها

+1
بس مش لازم تغير العوامه كلها

المشاركة الأصلية كتبت بواسطة jojowork1

من الاخر فكره تشغيل لمبه البنزين في الدايوا عقيمه شويه بس هو عامل كده عشان يعمل امان تام وتفادي اي شراره جوه التنك حاطط مقاومه من ماده معينه بتتغير مع البنزين شبه الكربون كده لو فكتها لونها اسود وزي المقاومه العاديه في الشكله المشكله ان لازم البنزين يبعد عن المقاومه ديه وتفضل فطره عشان تنشف خالص وكل ما البنزين بينشف منها كل ما تبدي تنور يعني بتنور بالتدريج وغالبا عشان رجه التنك وكل شويه تتبل بنزين تاني اللمبه بتنور بسيط خالص علي حسب التغير في المقاومه ديه
وفي حاجه تاني مره حصلت مع واحد صحبي المقاومه ديه داخله في حاجه كده زي صباع نحاس والصباع ده في 3 خروم صغيره في الاخر عشان يفضي البنزين منه ويصعب دخول البنزين مع الرجه مره الخروم ديه اتسدت بسبب رواسب وكانت مش بتصفي البنزين اللي فيها عشا كده عمرها ما هتنور حتي لو التنك فضي خالص
لو عاوز تتاكد بمنتهي البساطه فك الطرومبه وديه حاجه ساهله خالص وارفعها وسبها تصفي البنزين منها خالص وخلي الكابل واصل وافتح الكونتاكت وشوف اللمبه هاتنور ولا لا

+1
ممكن تغيرها من طلمبه أستعمال (خرده)
وهى فعلا بتنور بسيط فى الأول و بعدين بتعلى الأضاءه

**hon** · 30-06-2010 03:03 AM

مش فارقة معايا الصراحة
تقريبا مبسبش العربية لما تفضى الى فيها
ومش محتاج أشوف لمبة التانك منورة وخلى بالكو كاتبين فى كتيب الدايو بلاش البنزين
يفضى من التنك عشان مش يبوظ علبة البيئة
ملحوظة: أنا شفت لمبة التانك دى منورة مرة واحدة فى حياتى لما كنا مستلمين العربية زيرو وكانوا حاطين فيها يادوبك ال يمشيها لأقرب محطة بنزين
خليك فى الامان وخلى تنكك مليان وبلاها اللمبة دى