هو حب تاني عيل ..زي حب أول عيل !!!!! سؤال لأصحاب العيال 2 فما فوق

**Ahmed Samy** · 01-07-2010 04:46 AM

المشاركة الأصلية كتبت بواسطة mido777

جويل جايه من jewelry ..... وهو معروف اكتر فى لبان والخليج

طب و الله جميل ربنا يحميهالك

اما نشوف نوسة دي هايطلع اسمها ايه

**MaZaGAngeE** · 01-07-2010 05:54 AM

ألف مبروك و يتربوا فى عزك إن شاء الله

أول ما عرفت ان المدام حامل كنت فرحان جدا و الدنيا مش سايعاني من الفرحة عشان أنا وحيد على بنتين و كنت مش عايز أعرف نوع الجنين ايه عشان يكون مفاجأة لما يوصل بالسلامة بس بقى المدام ماكانش عندها صبر و أول ما عرفت ان مريم جاية زعلت جدا و قلتلها " جايبالي بنت أعمل بيها ايه " و اهتمامي بمراتي قل جدا و اهتمامي بالمتابعة بتاعة الحمل كمان قل .... لحد ما ولدت و في المستشفى الممرضة خدتني دخلتني الحضانة و قالتلي جاتلك بنت زي القمر و جت تديهالي أشيلها مرضيتش و هيه كانت طبعا مستنية الحلاوة و أنا بصيت على مريم كده بصة بزعل و سبتها و مشيت , طلعت الأودة باركت لمراتي و مامتها كده من غير نفس بس مش مبين زعلي .... قعدت على كده 3 أو 4 شهور مش حاسس بيها خالص و لا مهتم بيها يعني بعاملهم عادي كإن مفيش حاجة جديدة دخلت حياتي ..... و يا باشا أول ما مريم ابتديت تلاغي و تضحك و تحرك راسها كده زي ما يكون اتحولت لواحد تاني خالص كل أجازاتي في مصر ( أنا بشتغل في المنيا و بيتي في م نصر ) مع مريم طول الوقت بنلعب مع بعض و دلوقتي عندها سنة و نص بنخرج لوحدينا مع بعض و نجري و نلعب مع بعض و أول ما تصحى الصبح تروح نازلة من السرير و جاية تقرا الجرايد و تشرب الشاي معايا ....
و دلوقتي لما بقعد أفكر كده أقول في نفسي ايه ده أنا ازاي كنت قلت جايبالي بنت أعمل بيها ايه ... ايه الهبل اللي أنا كنت فيه ده ....

دلوقتي هتجنن على طفل تاني و بتمنى من ربنا ولد بس لو جت بنت هفرح بيها جدا بس مش عارف هحبها زي مريم و لا أقل و لا أكتر ... مفكرتش في ده و لا جه في بالي .....

ربنا يرزقنا كلنا بالخلف الصالح ....

و دي كام صورة كده لمريم اللي مش بعرف اشتغل من عمايلها فيا ....

Anmelden | Facebook