بجد اللي بيطلعوا من الصور دول عايزين ضرب الـ^%$##%^ !!!
انا طريقي فيه عربياااااات بتطلع من السور اللي زي دا
عرض للطباعة
معظم بتوع الموتسيكلات بيعملوا الحركة دي
ولسة حالا شايف واحد بيعدى الطريق وانا مروح حالا
اكيد فهلوى برضوة ;) :))))
دة غير كمان اللى بيعدوا لمؤاخذة المواشى طيب الموتسيكل سريع الى حد ما لكن الجاموسة لا مؤاخذة :)))
لما تعدى بتعدى ولا اكنها فى الغيط قدام الضورة دول برضوة فهلوية ولا اية
أنا من الكروديات اللي اقتنعوا بعد وقت طويل إنه كروديا فعلا من اللي بيحبوا يسيبوا مسافة بينه وبين اللي قدامه, وببقي ماشي على سرعته يعني مش بكون ابطأ منه وبركز جدا في موضوع السرعة ده عشان الالتي, من يوم مركبت العربية وانا بتشتم من جميع أنواع الفهلاوية. ساوقين مكروباص, ناس عادية دا حتي الستات العواجيز شتموني وكسروا عليَّ عشان ال3 متر اللي بحب اسيبهم وانا ماشي على أكتر من 20. اقل من كده بلزق في اللي أدامي عشان مايطولنيش ماهو أصعب من الشتيمة. ال3 متر دول أنا اتهانت بسببهم كتير وبجد لولا موضوع حضرتك كنت هلغيهم وامشي زي كل الفهلوية.
متشكر جدا
كروديا كان هيبقي فهلوي بس بيحمد ربنا دلوقتي على نعمة إنه كروديا.
ربنا يرحم امواتنا جميعا
الموضوع حلو اوى
بس المشكلة ان دا خلاص بقى فى مجارى الدم بتاعة الناس
الفهلوة بقت ادمان
دا انا حصل معايا برضة موقف فهلوى زى الفل
مبلف من يو تيرن على اسكندرية الزراعى
والاقى واحدبتاع ميكروباص بيحمل فى اليوتيرن نفسة
وانا واقف عايز اعدى ومش شايف الللى جاى فى وشى كنت هانزل ا............... لحد ماغار فى ستين داهية وعديت
ولسه ياما هانشوف
الله يرحمنا كلنا و يغفرلنا ذنوبنا
الفهلوي دخل من خرم السور خرج من خرم الأوزون
قطاع الطرق الجدد ..ربنا يرحمهم كلهم يا رب
ما أكثر الفهلوية فعلا علي الطريق الزراعي
في رمضان اللي فات حصل نفس الموضوع قدامي وكنت ورا الحادثة علي طول وطبعا الناس عمالة توقف فيا علشان يقفلو الطريق وخلاص زي مكون هنزل اصحي الميت ومحدش مراعي ان الناس صايمة والمغرب خلاص علي وشك وبالفعل بعد ما مشيت ببص في المراية لاقيتهم قفلو الطريق ، العربية اللي خبطتة اتخرشمت في الحارة الشمال والموتسيكل مرمي بعديها بمسافة كبيرة جدا اقصي يمين الطريق
وبيحصل معايا كتير جدا بالليل انك تلاقي حد معدي الطريق من منطقة ضلمة واحيانا في منزل كوبري ومتكونش شايفة وهو بيتمشي براحتة علي الأخر ومتشوفوش الا وانت خلاص قدامة أو تتفاجئ بية وهو بيقطع عليك الطريق
والموقف بقي الأكثر غباءاً علي الزراعي شاب عبقري بيعدي من اليمين للشمال وشايل شوال علي كتفة الشمال بارز لقدام و لورا يعني هو مش شايف اي حاجة اطلاقا في الناحية اللي جاي منها العربيات ومش باصص أساسا
عدي أول حارة وانا كنت جاي في النص كلاكس محترم لحد ما الحيوان وقف ولف بيبص علي شمالة روحت كابس بنزين اكتر وداخل فية شايطة وهو ما شاء الله تقريبا كان بيلعب بالية وهو صغير لأنة تقوس لورا بشكل عجيب علشان يتفادي العربية ويدوب بينها وبينة كام سنتيمتر وتلاقية اول ما روح غير البنطلون المبلول وقرر يبطل فهلوة
أنا حصل معايا نفس الموقف بتاع الشوال ده, ومعرفش ليه الفهلوي ابن الفهلوي ده مابيعرفش يشيل الشوال غير في الناحيه اللي العربيات بتيجي منها؟؟؟؟؟؟؟؟؟؟!!!!!!
بس كان منظر كوميدي جدا وهو حاطط ديل جلابيته في بقه وبيجري وهو شايل الشوال على كتفه وبيعدي على الدائري بالليل
ومره تانيه كان في واحد بيعدي قدامي بيقرا الجرنان, بس ده مكانش على طريق سريع الحمد لله
تقريبا كان بيقرا (حظك اليوم: سياره تصدمك بعد 3 ثواني)
توب علينا يا رب
الحكايه دي حصلت معايه مره بس حظ بتاع الموتسيكل اني مكنتش ماشي بسرعه وكمان الطريق كان فاضي من جمبي
وحط حمار لا ينطبق عليه غير كلمه حمار معدي الموتسيكل من وسط الرصيف وسبحان الله ظهر علي فجأه كان جي بسرعه لا والاغرب في الموضوع قام رامي شتيمه ومشي
بصراحه مش عارف كميه الغيظ سعتها الي فيا كان سعتها عايز اخبطه
بس الحمد الله علي كل شيئ