استكملا لمسلسل الكروديات والفهلوية
النهاردة ال10:30 ص
طريق مصر اسكندرية الزراعى
واحد من الفهلوية راكب سوزوكى 7 راكب(التمناية)
واقف فى يو تيرن علشان يعدى
وجنبة كذا عربية تانية برضة عايزة تعدى بس هوة واقف فى الاخر
وانا وجاى وكام عربية تانيين فى طريقنا عادى
اللى هما احنا الكوروديات
الباشا طلع مرة واحدة من اليوتييرن قدامنا
انا لحقت نفسى وهديت قبل منه
اخر الطريق من ناحية الترابة دخلت فيه عربية جامبو قلبتة
والعربية الجامبو اتبهدلت
وانا شايف فيلم الاكشن دا ادام عينى والله اعلم اذا كان فيه اموات ولا لا
انا منزلتش من العربية من الصدمة وكملت طريقى ومن بوظان اعصابى
فوت الفتحة اللى كنت رايح منها على الصحراوى
بس للاسف بقى انا كوروديا
اضطرريت انى اكمل للاخر ولف اليوتيرن وارجع الف يوتيرن تانى وشوية حورات اخدت من ربع ساعة علشان ارجع على سكتى المظبوطة
مع انى كان ممكن ارجع دقيقتين فى المخالف بضهرى زى بقيت الفهلوية
بس هاعمل ايه بقى
ربنا خلقنى كدة
ولسة ياما هانشوف
المفضلات