الموضوع: كروديا كروديا بس أعيش

المشاركة الأصلية كتبت بواسطة m.osman

بجد اللي بيطلعوا من الصور دول عايزين ضرب الـ^%$##%^ !!!
انا طريقي فيه عربياااااات بتطلع من السور اللي زي دا

ده تقف وبعدين تمور عربيتك وتشغل انتظار وبعدين ترفع فرامل يد وتفتح بابك وتروح عنده

تبص من شباكه وتقوله مساء الخير وتتف فى وشه وترجع تركب عربيتك وتتوكل على الله

معظم بتوع الموتسيكلات بيعملوا الحركة دي
ولسة حالا شايف واحد بيعدى الطريق وانا مروح حالا
اكيد فهلوى برضوة ;) :))))

دة غير كمان اللى بيعدوا لمؤاخذة المواشى طيب الموتسيكل سريع الى حد ما لكن الجاموسة لا مؤاخذة :)))
لما تعدى بتعدى ولا اكنها فى الغيط قدام الضورة دول برضوة فهلوية ولا اية

أنا من الكروديات اللي اقتنعوا بعد وقت طويل إنه كروديا فعلا من اللي بيحبوا يسيبوا مسافة بينه وبين اللي قدامه, وببقي ماشي على سرعته يعني مش بكون ابطأ منه وبركز جدا في موضوع السرعة ده عشان الالتي, من يوم مركبت العربية وانا بتشتم من جميع أنواع الفهلاوية. ساوقين مكروباص, ناس عادية دا حتي الستات العواجيز شتموني وكسروا عليَّ عشان ال3 متر اللي بحب اسيبهم وانا ماشي على أكتر من 20. اقل من كده بلزق في اللي أدامي عشان مايطولنيش ماهو أصعب من الشتيمة. ال3 متر دول أنا اتهانت بسببهم كتير وبجد لولا موضوع حضرتك كنت هلغيهم وامشي زي كل الفهلوية.
متشكر جدا
كروديا كان هيبقي فهلوي بس بيحمد ربنا دلوقتي على نعمة إنه كروديا.

الله يرحمنا كلنا و يغفرلنا ذنوبنا

الفهلوي دخل من خرم السور خرج من خرم الأوزون
قطاع الطرق الجدد ..ربنا يرحمهم كلهم يا رب

أنا حصل معايا نفس الموقف بتاع الشوال ده, ومعرفش ليه الفهلوي ابن الفهلوي ده مابيعرفش يشيل الشوال غير في الناحيه اللي العربيات بتيجي منها؟؟؟؟؟؟؟؟؟؟!!!!!!
بس كان منظر كوميدي جدا وهو حاطط ديل جلابيته في بقه وبيجري وهو شايل الشوال على كتفه وبيعدي على الدائري بالليل

ومره تانيه كان في واحد بيعدي قدامي بيقرا الجرنان, بس ده مكانش على طريق سريع الحمد لله
تقريبا كان بيقرا (حظك اليوم: سياره تصدمك بعد 3 ثواني)

توب علينا يا رب