| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 50

  1. #1

    الصورة الرمزية electrondevil

    رقم العضوية : 41554

    تاريخ التسجيل : 31May2009

    المشاركات : 153

    النوع : ذكر

    الاقامة : Ontario - Canada

    السيارة: لا يوجد

    السيارة[2]: 2006 Dodge Charger R/T

    دراجة بخارية: لا يوجد

    الحالة : electrondevil غير متواجد حالياً

    افتراضي كروديا كروديا بس أعيش - Facebook Twitter whatsapp انشر الموضوع فى :

    hasad">

    السلام عليكم يا شباب,
    يمكن الموضوع عنوانه غريب شويه بس لما تقروا الموضوع هاتعرفوا أنا قصدي إيه.
    أولا أحب أعرفكم على شخصيه ظريفه جدا: "المواطن المصري الفهلوي" ودي شخصيه متكرره, يعني كل واحد فينا بيقابل يوميا ما لا يقل عن 3 فهلويه. (ده مايمنعش إن الفهلويه بيقابلوا بعض برضه).

    "إيه يا نجم, إنت بتتريق ولا إيه؟"
    لأ يا سيدي مش بتريق, هاشرحلك وهاتفهم.

    إسمع بقى يا سيدي, من يومين شفت حادث مروع على محور 26 يوليو (هاحكيلكوا عليه كمان شويه) خلاني أفكر ووصلت لتعريف علمي دقيق للشخص الفهلوي.

    الشخص الفهلوي: هو شخصيه مصرية الأصل, مولود بقناعه داخليه تؤكد له يوميا أنه شخص فريد من نوعه لأنه أذكى من معظم الناس, وأنه أفضل من باقي الناس. وهو يصنف الناس إلى نوعين: فهلويه و كروديات.

    "مش فاهم حاجه يا عم"
    لسه مش فاهم؟ تعالى أفهمك.
    تخيل معايا المشهد ده:

    محور 26 يوليو الساعه 8:15 صباحا
    سايق عربيتي ورايح شغلي (زي باقي الكروديات لامؤاخذه) في إتجاه القريه الغبيه, شفت إيه بقى؟ خير اللهم اجعله خير.
    أنا ماشي في أقصى الشمال, جنب السور اللي في النص, وشايف الناحيه التانيه عربيه سايقها واحد كروديا (أنا مش بشتمه, أنا قصدي إنه مش فهلوي, إحنا اتفقنا ان الناس نوعين) برضه ماشي جنب السور, وعلى يمينه بس قدام بحوالي 2 متر عربيه مكروباص. عادي جدا.
    وهنا يدخل الفهلوي على المسرح, ده واحد راكب موتوسيكل نازل من أكتوبر رايح ميدان لبنان وبعدين إكتشف إنه المفروض يرجع أكتوبر تاني. فقال لنفسه: "ها ها ها, طبعا الكروديات دول لو حد فيهم حب يرجع تاني لازم يوصل ميدان لبنان ويلف, ها ها ها. أما كروديات صحيح. إنما أنا جامد قوي, أنا صايع ياجدعان, باقوللكوا صايع ماحدش مصدقني, أنا الوحيد في العالم اللي اكتشفت اني بما اني راكب موتوسيكل فانا ممكن أعدي من (لامؤاخذه) الخرم اللي في السور. العالم دي أغبيا قوي ها ها ها".
    "أنا هاكسر دلوقتي من أقصى يمين المحور, لأقصى شمال المحور عشان أرشق في الفتحه علاطول, يلا بسرعه هاعدي قدام الميكروباص ده"
    "بس كده أنا عديت قدام الميكروباص, وواقف قدام الفتحه بالظبط, أستنى بقى العربيه اللي جايه من الناحيه التانيه دي وأرشق علاطول ها ها ها"

    ودي كانت أخر كلمه قالها لنفسه قبل مايموت.

    تخيلوا عربيه ماشيه بسرعة 90 كلم/س (على الأقل) بتخبط موتوسيكل سرعته زيرو وواقف قدامها بالعرضضضض

    أنا كنت الكروديا اللي الناحيه التانيه اللي الفهلوي مستنيه يعدي (الحمد لله إنه إستناني)

    شفت بقى في مرايتي قطع غيار موتوسيكل طايره في الهوا بالإضافه طبعا لقطع غيار واحد فهلوي (الله يرحمه ويغفرله اللي عمله في الكروديا اللي خبطه)

    إيه؟ إتأثرت وانت بتقرأ؟ يمكن لأ عشان إنت ماشفتش المنظر, بس أنا من ساعتها مش عارف أنام, ولما بنام بحلم أحلام مايعلم بيها إلا ربنا.

    أزيدك من القصيده بيت؟
    خد دي كمان, الفهلوي المرحوم, ماكانش لوحده على الموتوسيكل
    كمان واحده؟
    أنا أخر حاجه شفتها (غير الأشلاء اللي في الهوا), كانت العربيه الغلبانه اللي كمان ممكن صاحبها يروح في داهيه (ده إذا كان لسه عايش) بسبب واحد فهلوي, طايره من على الأرض وداخله بوشها في السور, الله أعلم إيه اللي حصله.

    إنا لله وإنا إليه راجعون.
    أللهم ارفع مقتك وغضبك عنا
    اللهم لا تؤاخذنا بما فعل السفهاء منا
    اللهم لا تؤاخذنا بما فعل السفهاء منا
    اللهم لا تؤاخذنا بما فعل السفهاء منا
    اللهم لا تؤاخذنا بما فعل السفهاء منا
    اللهم لا تؤاخذنا بما فعل السفهاء منا

    There are 10 kinds of people
    Those who understand Binary
    And Those who don't


  2. #2

    الصورة الرمزية Ahmed Samy

    رقم العضوية : 1716

    تاريخ التسجيل : 12Aug2007

    المشاركات : 12,834

    النوع : ذكر

    الاقامة : Egy

    السيارة: ex polo ex lancer

    السيارة[2]: Kia Cerato

    الحالة : Ahmed Samy غير متواجد حالياً

    افتراضي -

    الله يرحمه بقى

    ويسامحه

    المهم ان العنوان صحيح أنا معاك اني أعيش كروديا ولا أموت كروديا برضه ههههههههه


  3. #3

    الصورة الرمزية SHNORY

    رقم العضوية : 4703

    تاريخ التسجيل : 21Jan2008

    المشاركات : 17,465

    النوع : ذكر

    الاقامة : alex

    السيارة: none

    السيارة[2]: lada samara 1990

    دراجة بخارية: none

    الحالة : SHNORY غير متواجد حالياً

    افتراضي -

    الله يرحمه
    ويبعد عننا الفهلاويه
    وكروديا علي رجله وعايش ولا 10 فهلويه علي موتوسيكل ههههههههه


    لا تحزن إذا فاتك قطار الزواج، فلأن يفوتك القطار خير من أن يدهسك..
    ---------------------------------


  4. #4

    الصورة الرمزية E30power

    رقم العضوية : 20976

    تاريخ التسجيل : 04Oct2008

    المشاركات : 1,489

    النوع : ذكر

    الاقامة : cairo

    السيارة: maruti suzuki

    السيارة[2]: bmw e30

    دراجة بخارية: N/A

    الحالة : E30power غير متواجد حالياً

    افتراضي -

    اقتباس المشاركة الأصلية كتبت بواسطة shnory مشاهدة المشاركة

    وكروديا علي رجله وعايش ولا 10 فهلويه علي موتوسيكل ههههههههه
    +1111111111

    الله يرحمة ....بس فعلا انا نادراااااا انى شوفت واحد راكب موتوسيكل و مقتنع انو شوماخر وبيعدى من خرم ابرة ومش بس كدة .واسرع من اى عربية ماشية جمبة والحارة الى فى النص دي ملكية بابى الى ورثها عن اجدادة الى تقريبا برضك عدو من المناطق اللولبية دية والله يرحمهم برضك والمريات الى بتتخبط ضدد الكسر وبترجع مكانها تموتيكى .......

    ربنا يرحمة برحمتة ....بس دة كان انتحاار لواحد عندو مخ وبيقدر يفهم ويقدر ان الدنيا مش ماشية ب .....ضهرها وانو الفهلوى والسوبر راجل علي الى ماشيين حوليه ...

    لو كدة ابقى كروديا وافتخر كماان .....


  5. #5

    الصورة الرمزية mohamedbook

    رقم العضوية : 26900

    تاريخ التسجيل : 05Dec2008

    المشاركات : 2,549

    النوع : ذكر

    الاقامة : Cairo

    السيارة: nissan sunny 2010

    السيارة[2]: فولكس بورا 2002

    دراجة بخارية: لا يوجد

    الحالة : mohamedbook غير متواجد حالياً

    افتراضي -

    والله ياجماعة ببعد بعيد عنهم بقدر الامكان عشان عارف ان حياته في خطر لمسه ويطير اما فوق الطيرة الاخيرة او يتدشدش
    الموووووووووووووووتوسكل موتو سهل جدا
    كنت سايق موووووووووووووتوسكل وكنت هموت ولله العظيم طرت في الهو ولموتوسكل معايا بس هو طلع اسرع مني وتفشفش بسبب
    مطب عملينه علي طرق سريع وياريت كان باين عقبال ماخدت بالي كنت في الهوي والخسائر الحمد لله كانت طفيفه الموتوسكل اتفشفش وانا كنست الطريق
    ومن ساعتها وانا كل ماشوف واحد راكب موتوسكل ابعد بعيد عنه خوفا عليه رغم انهم مش بيخافوا علي نفسيهم ويخشوا زي الي راكب دبابه مصفحه حاجه غريبة

    [rmade]http://img215.imageshack.us/img215/3925/23438488.jpg[/rmade]


  6. #6

    الصورة الرمزية electrondevil

    رقم العضوية : 41554

    تاريخ التسجيل : 31May2009

    المشاركات : 153

    النوع : ذكر

    الاقامة : Ontario - Canada

    السيارة: لا يوجد

    السيارة[2]: 2006 Dodge Charger R/T

    دراجة بخارية: لا يوجد

    الحالة : electrondevil غير متواجد حالياً

    افتراضي -

    يا جماعه الموضوع أكبر من موتوسكل ولا عجله
    أنا بتكلم عن الناس اللي بتستنصح, على سبيل المثال:
    واحد صاحبي أخد حكم حبس 3 شهور علشان واحد فهلوي بيعدي طريق الواحات في الضلمه, رغم إن تحقيق الشرطه بيقول إن صاحبي مش غلطان.

    ولما واحد فهلوي برضه, يقرر إنه يعدي الشارع من حته ممنوع فيها عبور المشاه, وتحسبا للفهلويه بيعملوا سور حديد, ييجي صاحبنا يلاقي الكروديات بيطلعوا فوق كوبري أو نفق عبور المشاه, ويقول جملته المشهوره: "أنا جامد قوي, ولاد العبيطه دول مش واخدين بالهم إنهم ممكن ينطوا من فوق السور بدل مايطلعوا السلالم" وطااااخ يقع يتكعور في نص الطريق عشان رجل البنطلون شبكت في الخازوق الحديد اللي الحكومه حاططاه عشان تمنع الفهلوه.

    ولما واحد فهلوي تالت, يبقى سايق في شارع حارتين, حاره رايح وحاره جاي, ويلاقي الحاره بتاعته زحمه والتانيه فاضيه, ويقول برضه نفس جملته المشهوره: "أنا جامد قوي, الكروديات دول واقفين في الحاره دي ليه, مالتانيه فاضيه أهه, أنا هاكسر شمال واجري شويه ولما ألاقي حد جاي في وشي أبقى أكسر يمين تاني على واحد من الكروديات الأغبيا دول" وهوب مع أول فهلوي يبتدي ينفذ, تلاقي إخواته الفهلويه في ديله, وفجأه يبقى الشارع عباره عن حارتين رايح وحارتين راجع, مع إنه أصلا حارتين.

    ولما واحد فهلوي رابع, يبقى سايق ويقرر إنه عاوز يلف ويرجع: "أنا جامد قوي, الكروديات دول بيمشوا 500 متر زياده عشان ياخدوا الـ U turn بتاعتهم, ومالها يعني الـ U turn العكسي؟ كفرت؟ ماهي شغاله أهه, أنا بستعجب والله إزاي الناس دي كلها مش واخده بالها" ويلاقي الحكومه مزوده الرصيف بتاع الـ U turn حته كبيره عشان تمنع الفهلويه إنهم يعملوا الحركه دي, وتلاقيه عشان يطلع منه, عرَضها بالجامد في وسط الشارع, وهو وحظه بقى, ييجي أتوبيس يشيله أو تيجي عربيه طريه تتدغدغ على عربيته.

    ولما ييجي الفهلوي رقم 21349 ينزل ميدان لبنان من الدائري ويلاقي المنزل واقف: "أنا جامد قوي, أنا هاخد شمالي في الحته الفاضيه وقبل الفتحه علاطول هاكسر يمين عمودي على إتجاه السير, وادخل قدام واحد من الكروديات اللي واقفين في طابور عشان ينزلوا, أصل أنا جامد قوي, أنا أحسن منهم كلهم, أنا لازم أنزل قبلهم, هم مش مهم, يولعوا" ويقف الطريق كله اللي نازل واللي مش نازل

    ولما ييجي الفهلوي رقم 98738598345 يلاقي عربية إسعاف: "أنا جامد قوي, بص والنبي, شفت كل الكروديات دول؟ أهم فاكرين إن العربيه دي فيها عيان وحالته خطيره, إنما أبدا هاهاهاAbsolutly هاهاها, دول كروديات, خليهم يوسعوا وأنا أرشق في الإسعاف هاهاهاها".

    يوميات الفهلويه مابتنتهيش, مش بس على الطريق, في المحلات, المطاعم, المصالح الحكوميه, الشركات... إلخ

    الفهلوه ليها جين في كروموسومات الشعب المصري


    اللهم لا تؤاخذنا بما فعل السفهاء منا
    اللهم لا تؤاخذنا بما فعل السفهاء منا
    اللهم لا تؤاخذنا بما فعل السفهاء منا
    اللهم لا تؤاخذنا بما فعل السفهاء منا

    There are 10 kinds of people
    Those who understand Binary
    And Those who don't


  7. #7

    الصورة الرمزية TaoTao

    رقم العضوية : 197

    تاريخ التسجيل : 25Apr2007

    المشاركات : 1,377

    النوع : ذكر

    الاقامة : Sheikh Zayed

    السيارة: كيا برايد سيدان

    السيارة[2]: Fiat Uno 45 (1997)

    دراجة بخارية: No

    الحالة : TaoTao غير متواجد حالياً

    افتراضي -

    والفهلوي اللي ينط من الأوتوبيس ويجري يعدي الطريق من قدامه كأن مافيش عربيات ممكن تيجي من شمال الأوتوبيس .. الواد فهلوي وهايخسر مليون جنيه في البورصة لو استنى ربع دقيقة لغاية الأوتوبيس ما يمشي ويقدر يشوف السكة !!!

    موضوع الفهلوي ده ظريف لأن الفهلوة جين من الجينات الفرعونية المتوارثة زي مانت قلت :)

    تامر حسين


  8. #8

    الصورة الرمزية Imhotep

    رقم العضوية : 22719

    تاريخ التسجيل : 20Oct2008

    المشاركات : 3,543

    النوع : ذكر

    الاقامة : Egypt

    السيارة: none

    السيارة[2]: Accent rb

    دراجة بخارية: none

    الحالة : Imhotep غير متواجد حالياً

    افتراضي -

    الله يرحمه........ بس وصفك للموضوع و نظرتك التحليلية الساخرة تحفة..... وقانا الله شر الفهلوية و الكروديات الغشما


  9. #9

    الصورة الرمزية M.Hosni

    رقم العضوية : 9209

    تاريخ التسجيل : 19Apr2008

    المشاركات : 474

    النوع : ذكر

    الاقامة : Mokattam

    السيارة: ربنا يرزق

    السيارة[2]: Kia Cerato 2010

    دراجة بخارية: لا يوجد

    الحالة : M.Hosni غير متواجد حالياً

    افتراضي -

    الحمد لله اني بقالي 12 سنة بسوق فيها و انا عايش كروديا
    و لحد اما اموت اكيد اتمنى اني افضل كروديا
    و ربنا يحفظنا و يحفظ الجميع من الفهلوية

    [OVERLINE]غيرت موضع مرقدي ليلا ففارقني السكون[/OVERLINE]
    فبربك أول ليلة في القبر كيف تكون

    hamadahosniسابقاُ


  10. #10

    الصورة الرمزية تامر.محمد

    رقم العضوية : 5118

    تاريخ التسجيل : 01Feb2008

    المشاركات : 11,185

    النوع : ذكر

    الاقامة : Cairo

    السيارة: Megane II 2010

    السيارة[2]: كانت دايو لانوس1 99 - وزة :)

    دراجة بخارية: none

    الحالة : تامر.محمد غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة electrondevil مشاهدة المشاركة
    يا جماعه الموضوع أكبر من موتوسكل ولا عجله
    أنا بتكلم عن الناس اللي بتستنصح, على سبيل المثال:
    واحد صاحبي أخد حكم حبس 3 شهور علشان واحد فهلوي بيعدي طريق الواحات في الضلمه, رغم إن تحقيق الشرطه بيقول إن صاحبي مش غلطان.

    ولما واحد فهلوي برضه, يقرر إنه يعدي الشارع من حته ممنوع فيها عبور المشاه, وتحسبا للفهلويه بيعملوا سور حديد, ييجي صاحبنا يلاقي الكروديات بيطلعوا فوق كوبري أو نفق عبور المشاه, ويقول جملته المشهوره: "أنا جامد قوي, ولاد العبيطه دول مش واخدين بالهم إنهم ممكن ينطوا من فوق السور بدل مايطلعوا السلالم" وطااااخ يقع يتكعور في نص الطريق عشان رجل البنطلون شبكت في الخازوق الحديد اللي الحكومه حاططاه عشان تمنع الفهلوه.

    ولما واحد فهلوي تالت, يبقى سايق في شارع حارتين, حاره رايح وحاره جاي, ويلاقي الحاره بتاعته زحمه والتانيه فاضيه, ويقول برضه نفس جملته المشهوره: "أنا جامد قوي, الكروديات دول واقفين في الحاره دي ليه, مالتانيه فاضيه أهه, أنا هاكسر شمال واجري شويه ولما ألاقي حد جاي في وشي أبقى أكسر يمين تاني على واحد من الكروديات الأغبيا دول" وهوب مع أول فهلوي يبتدي ينفذ, تلاقي إخواته الفهلويه في ديله, وفجأه يبقى الشارع عباره عن حارتين رايح وحارتين راجع, مع إنه أصلا حارتين.

    ولما واحد فهلوي رابع, يبقى سايق ويقرر إنه عاوز يلف ويرجع: "أنا جامد قوي, الكروديات دول بيمشوا 500 متر زياده عشان ياخدوا الـ u turn بتاعتهم, ومالها يعني الـ u turn العكسي؟ كفرت؟ ماهي شغاله أهه, أنا بستعجب والله إزاي الناس دي كلها مش واخده بالها" ويلاقي الحكومه مزوده الرصيف بتاع الـ u turn حته كبيره عشان تمنع الفهلويه إنهم يعملوا الحركه دي, وتلاقيه عشان يطلع منه, عرَضها بالجامد في وسط الشارع, وهو وحظه بقى, ييجي أتوبيس يشيله أو تيجي عربيه طريه تتدغدغ على عربيته.

    ولما ييجي الفهلوي رقم 21349 ينزل ميدان لبنان من الدائري ويلاقي المنزل واقف: "أنا جامد قوي, أنا هاخد شمالي في الحته الفاضيه وقبل الفتحه علاطول هاكسر يمين عمودي على إتجاه السير, وادخل قدام واحد من الكروديات اللي واقفين في طابور عشان ينزلوا, أصل أنا جامد قوي, أنا أحسن منهم كلهم, أنا لازم أنزل قبلهم, هم مش مهم, يولعوا" ويقف الطريق كله اللي نازل واللي مش نازل

    ولما ييجي الفهلوي رقم 98738598345 يلاقي عربية إسعاف: "أنا جامد قوي, بص والنبي, شفت كل الكروديات دول؟ أهم فاكرين إن العربيه دي فيها عيان وحالته خطيره, إنما أبدا هاهاهاabsolutly هاهاها, دول كروديات, خليهم يوسعوا وأنا أرشق في الإسعاف هاهاهاها".

    يوميات الفهلويه مابتنتهيش, مش بس على الطريق, في المحلات, المطاعم, المصالح الحكوميه, الشركات... إلخ

    الفهلوه ليها جين في كروموسومات الشعب المصري


    اللهم لا تؤاخذنا بما فعل السفهاء منا
    اللهم لا تؤاخذنا بما فعل السفهاء منا
    اللهم لا تؤاخذنا بما فعل السفهاء منا
    اللهم لا تؤاخذنا بما فعل السفهاء منا

    و الله يا شيخ ما قصرت
    و قلت حاجات كتير اوي الواحد بيشوفها و بيقرف منها
    و اللي بيعمل كده بابقى هاطق منه و غالبا باحاول امنعه انه يكسر قدامي و اغلب الاوقات بامنعه فعلا
    و باتغاظ جدا لما حد يكون قدامي و يسيبه يكسر و يدخل قدامه

    اللهم لا تؤاخذنا بما فعل السفهاء منا
    اللهم لا تؤاخذنا بما فعل السفهاء منا
    اللهم لا تؤاخذنا بما فعل السفهاء منا
    اللهم لا تؤاخذنا بما فعل السفهاء منا

    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]



 
صفحة 1 من 5 1 2 3 4 5 الأخيرةالأخيرة

المواضيع المتشابهه

  1. أنا مش عارف حأقدر أعيش بعد كده أزاى
    بواسطة adel_edrees في المنتدى قسم خاص بالسيارة لـــوجـــــان
    مشاركات: 22
    آخر مشاركة: 30-11-2012, 10:42 AM
  2. أنا نفسى أعيش
    بواسطة Ghosts في المنتدى المنتــــــدى الاجتمــاعى
    مشاركات: 2
    آخر مشاركة: 08-06-2012, 08:35 PM
  3. الكوسة ناقصه طز يا كروديا..!!!
    بواسطة abogogo في المنتدى المنتــــــدى الاجتمــاعى
    مشاركات: 11
    آخر مشاركة: 12-05-2011, 12:19 PM
  4. ما هو قانون التعامل مع الناس في مصر .. مش عارف أعيش في مصر
    بواسطة bassem.naguib في المنتدى المنتــــــدى الاجتمــاعى
    مشاركات: 58
    آخر مشاركة: 31-01-2009, 09:53 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2