انا حاجز عربية اسبرانزا 516 وعاوز ملاحظاتكم ورايكم

**mss1411** · 19-02-2008 07:16 PM

السلام عليكم
انا لسه عضو اسبرنزاوى جديد وعاوز اسال احسن لون عملى للعربيه ايه؟؟ انا حاجز الفضى هل هو كويس ولا اغير اللون
وعاوز اعرف هل فى ملاحظات اخلى بالى منها وانا بستلم العربية ؟؟
واول ما استلمها فى حاجه اعملها غير انى املاها بنزين ؟؟

**eng_mkhalaf** · 20-02-2008 12:53 PM

بس يا باشا
1- تدور العربية وتركز فى إى صوت غريب من الموتور ويا سلام لو تقدر تمشى بيها حبة ودة صعب
2- طقم الدواسات وطفاية الحريق خلى بالك منهم وشغلى التكييف على السريع وشوف أخبارة أية وكمان الكاسيت والزجاج الكهربا والسنتر والأنذار
3- شيك على الكاوتش على السريع وأفحص لون العربية كويس وشوف ممكن تكون واخدة خبطة كدة ولا كدة و بص على رقم الشاسية وقارنة بالورق بتاع العربية
4- شغل أنوارك والمساحات - يعنى من الأخر جرب كل شىء ممكن تجربة قبل ما تخرج من عندهم
5- ورق الضمان وتاريخة
6- وأخيرا أحب أقولك رغم كل دة - أنت وتوفيق ربنا أهم حاجة وربنا يباركلك
بعد كدة حط بنزين وتوكل على الله - ومنتساشى الصيانات الدورية ومتعديش 3000 أر بى أم وكمان بلاشى تكييف
وربنا يباركلك فيها ويديك خيرها ويكفيك شرها