الموضوع: أفيدونا افادكم الله هل موتور وفتيس لانوس شيفروليه 2010 صيني

المشاركة الأصلية كتبت بواسطة wael_dosoky

يا اخي الموضوع ليس بهذه الدرجة من السوء ، قد يكون انت حظك اوقعك في سيارة سيئة ومعلهش ربنا يعوضك عنها خير ، لكن والله انا شاري العربية من 6 اشهر والحمد لله ما حصلش المشاكل إلي حصلت معاك
ياعني الموضوع ما ينفعش يتعمم
علي كلاً ربنا يعوضك خير وتعرف تحل المشكلة إلي عندك في السيارة مع اني موش متخيل ياعني ايه توكيل ما يعرفش يحل مشكلة (اي كانت هذه المشكلة) العربية موش كيماء ولا إختراع ياعني

هو ده الكلام الله ينور عليك

مش عارف انا الناس الي تقعد تشتم في الحاجه وخلاص

اللانوس افضل الفئه السعريه دي من حيث الاعتماديه وسعر اعادة البيع

والشاهد مشروع التاكسي الي خلانا نجرب كل الانواع في فرق بصراحه في كل حاجه في اللانوس عن قريناتها

قوه ومتانه وراحه وصالون واسع وثبات على الطريق

المفروض الانسان يكون موضوعي في حكمه على الاشياء

تحياتي

المشاركة الأصلية كتبت بواسطة khaled4nour

خدو بنصيحتى يا جماااااعه ماحدش يقع فى وقعتى انا اشتريتها واتدبست ونصيحه لاى شخص يريد ان يشترى شيفروليه لانوس ارجو من الله ان لا يتمم الشراء لانها سيئة للغاية والله العظيم سيئة للغاية سواء السيارة نفسها او التوكيل حسبي الله ونعم الوكيل وربنا يعوضنى خير عنها انا لسه جايبها زيرو من 3 شهور كرهت حياتى وكرهت العربيات السيارة زباااااااله والتوكيل حسبي الله ونعم الوكيل

ممكن حضرتك تقولنا ليه تحديدا انت كرهت العربيه

بعيدا عن التوكيل لانك لو مش عايز تروحله مش هتفرق معاك في حاجه اصلا وتقدر تصلحها عند أي ميكانيكي

قولنا بالظبط ايه الي خلاك تقول دي عربيه زباله

يعني مثلا بتيجي تدورها ماتدورش ولا بتتوقف منك كل 100 متر ولا عفش الصالون فيه مسامير؟؟

السلام عليكم ورحمه الله وبركاته
باشا إنت فكرتني أنا شوفت من فترة صغيرة عربية دايو لانوس نبيتي في معرض في باب اللوق بجوار وكالة أنباء الشرق الأوسط العربية لسه زيرو معلقتش نمر روح إسأل وربنا يكرمك
وللأخ إلي زهقان من العربية أحياناً بتطلع في كيس الفاكهة( ولا بلاش الفاكهة أحسن تقول إني ببالغ ") ثمرة فاسدة نتيجة لضمير البياع إلي معندوش أساساً ضمير نعمل إيه في الحالة دي نبطل ناكل النوع ده ولا نطلع عين البياع بالفلوس إلي إحنا دفعناها علشان دي فلوس الناس شقيانه فيها
روح يا محترم التوكيل وطلع عين ............... بالضمان وقولنا علي كل شيء بيقابلك فيها الناس هنا مش هاتبخل عليك بالنصيحة ، مثلاً أنا روحت غيرت طنابير أمامية ، وكذلك علبة دركسيون وكذلك (صباع حرارة مرتين ) فده معناه إيه إنهم عارفين إن الإنتاج المكثف بتاع العربية نتيجة للطلب العالي عليها أدي إلي ما يسمي بالطلسقه علشان كده بيصلحوا غصب عنهم
إحترامات

انا معايا شيفورليه لانوس ولاحظت فعلن ان الخامة اقل جودة بكتير من الدايو بس غير كدة العربية تمام الحمدلله و كمان بعد لما عملت ظبطة فيشة الاوكتان ال 95 العربية بقت احسن بكتير و الفضل كله يرجع للاستاذ عصام

موتور الانوس شيفورلية يزيد 3 احصنة عن الدايو لانوس واعتقد انة نفسة موتور الافيو وحتى الشكل الخارجى بتاعة مختلف عن موتور الانوس وشكل الافيو وموتور الافيو مش كويس من ناحية الصوت واستهلاك البنزين ثانيا عفشة الانوس الشيفورلية معظمها مختلف عن اللدايو والخامات الداخلية مش قد كدة

المشاركة الأصلية كتبت بواسطة mmmmgogommmm

موتور الانوس شيفورلية يزيد 3 احصنة عن الدايو لانوس واعتقد انة نفسة موتور الافيو وحتى الشكل الخارجى بتاعة مختلف عن موتور الانوس وشكل الافيو وموتور الافيو مش كويس من ناحية الصوت واستهلاك البنزين ثانيا عفشة الانوس الشيفورلية معظمها مختلف عن اللدايو والخامات الداخلية مش قد كدة

لاحظت اختلاف شكل الموتور واداءه كمان وصوته اخشن وسحبه مش قوي وناعم زي الدايو والبنزين حضرتك لاحظته واختلاف العفشة واضح في المشي بالعربيتين انا جربت الاتنين والخامات الرديئة اكيد واضحة تماما الاختلاف لكل الناس
ان بحس كمان ان وزن العربية الشيفرولية اخف بكتير ومش تقيلة وراسية ع الارض زي الدايو
بجد دي خلاصة الموضوع شكرا لمشاركتك