الموضوع: أفيدونا افادكم الله هل موتور وفتيس لانوس شيفروليه 2010 صيني

الموتور رومانى واعتقد ان الفتيس بيكون زى الموتور واعتقد ان الفرق بين الدايو والشيفرولية ليس كبير الى هذه الدرجة

شكرا لاهتمامك وردك اعتقد ان موتور وفتيس والات جر الدايو الماني ؟كما يقال ولا كوري ؟

السلام عليكم ورحمه الله وبركاته
طبعاً ما فيش فرق خالص يذكر ، بس موضوع عيوب التقفيل ده هو إلي مش لطيف (ومع إني معايا شيفورليه لانوس) بس النصيحة تقتضي إنك لو لقيت في أحد المعارض في الأقاليم واحده دايو لانوس مستخبية كده ولا كده تبقي أحسن من الشيفورليه .
إحتراماتي وتحياتي

لو معاك ثمن الشيفورليه لانوس يبقي انصحك لو تقدر تزودها شوية وخش في نيو اكسنت او زودها شوية كمان وخش في نيسان صني او بروتون جين 2 او وفر شوية وخش في ويجا بروتون
لكن لو علي الفرق انا اعتقد انه زي ما قال إستشارينا (محمد ممدوح) ما فيش غير البوبينة والطلمبةهما إلي صيني
وانا سمعت والعهدة علي الراوي ان خط إنتاج الملاكي غير خط إنتاج التاكسي عند منصور
والتوكيل والصيانة فعلاً الفرع الرئيسي في ابو رواش موش حلو لكن فيه فروع تانية كويسة اوي زي اوتو ماستر والعوض جروب والتجمع
اما علي التقفيل ففعلاً تقفيل الشيفورليه لانوس موش اد كده
انا كان معايا لانوس 99 ودلوقتي معايا شيفورليه لانوس 2010
الموديل القديم كان احلي وبيستحمل اكتر

شكرا جزيلا للأعزاء المنتدي لاهتمام
ولم افكر في الرينو للخوف منها وارتفاع اسعار قطع الغيار وخدمات مابعدالبيع وملهاش سوق قوي وكمان لم تنتشر اللوجان انا تقريبا بشوف عربيه كل 3 شهور منها اعتقد ماباعتش كتير وكمان من تجارب رينو السابقة القريبة في مصر غير مشجعة
ولو هفكر في اعلي ممكن ماتركس لكن الحالات المستعمل الكويس السليم نادرة شوية

بالنسبة لو زيرو يا استاذ وائل دسوقي النيو اكسنت المانيوال ب 76 الف اغلي من اللانوس 10 الاف بالاضافة الي الصالون ضيق جدا والعفشة ناشفة جدا انا ركبتها وعارفها والجين 2 مشكلتها قطع غيار التوكيل الغالية جدا وسوقها في المستعمل مش ماشي خالص لو حصل ظروف واضطريت ابيع هتعب جدا و افضل ما اقترحته هو النيسان صني بس المانيوال تبدأ من 86 الف والتوماتيك 93 الف ففي فرق كبير عن الشيفروليه لانوس اكتر من 20 الف جنيه في المانيوال لو تقريبا السعر هينزل الخاص بالشيفروليه حوالي 3 الاف جنيه من 66 الي 63 الف وبالنسبة لمعلومة خط انتاج التاكسي يختلف عن الملاكي دي حاجة تطمن شوية بالنسبة للشيفروليه

وسؤالي للمهندس محمد ممدوح بعد تحيته ايضا علي معلوماته القيمة جدا عن اللانوس هل موضوع الموبينة والطلمبة الصيني فقط دول هيفرق كتير وهل ممكن تغييرهم في المستقبل بقطع غيار دايو لو عملوا مشاكل واي طلمبه كنت تقصد حضرتك ؟