الفردة اليمين بتلب..( الجزء التاني )

**aymanmaly** · 29-06-2010 05:26 PM

المشاركة الأصلية كتبت بواسطة أم حمـــاس

بتاع الزوايا مستحيل هيقددر يظبطهها بلمنظر دا الا لما تتحل مشاكل العفشة اللي موجودة فيها

بتاع الزواية هو اكثر واحد يقدر يعرف فية اية فى العربية جربي ومش هاتندمى
هو يحدد العيب
صلحية
ارجعيلة تانى يضبط الزواية
و طمنينا

**pro_samir** · 30-06-2010 05:32 AM

المشاركة الأصلية كتبت بواسطة أم حمـــاس

الحدفة الشديدة دي مش مشكلة اتعودت عليها خلاص والصفير اهو يتحل بحتة قطن فوداني

بصراحة تتحسدي علي تأقلمك مع باكينام

بس مش فاهم قصدك اية بإنها بتلب ؟ قصدك غربلة يعني والدركسيون بيترجرج في إيدك ؟ والكلام دة علي سرعات اية بالظبط ؟

وجود صريخ طول مانتي ماشية وتأكل الكاوتش معناها ان في عجلة معووجة لبرا او لجوا ودي حلها زوايا علي الأقل يكشف عليها ويقولك في اية

ولو الكاوتش وحش بيعمل غربلة بس مع السرعات ، لكن مش عارف لو بايظ خالص مش متخيل ممكن يعمل غربلة مع السرعات القليلة ولا لأ

عموما علشان تطلعي الكاوتش من الحسابات دلوقتي ممكن تبدلي العجلتين اللي قدام مع اللي ورا ولو مؤقت ولازم تكشفي زوايا واتأكدي ان العجلتين قدام بعض بعد تقديم العجلة اللي كانت مرحلة

ولما تخلصي كل حاجة ممكن تعملي ترصيص (دة يعني لو مش هتعتبرية ترفية زيادة عن اللزوم لباكينام) لأنة بيسبب غربلة برضو

لو تقدري تخطفي رجلك لحد احمد حلمي ممكن اقولك علي واحد هناك بتاع كشف فقط علي العفشة والزوايا هيعملك تقرير بكل اللي محتاج يتظبط وبعشرة جنية فقط هيكشفلك علي العفشة كلها

**AmRElSiSi** · 30-06-2010 06:10 AM

انت محتاج تروح لواحد يعملك زراجين عفشه
اسمع منى علشان انا حصل معايا قبل كده

و مش اى حد بتاع عفشه يعملها
دى ليها ناس متخصصه

**dolly13** · 30-06-2010 06:11 AM

قلبى عندك والله
بس حلوة الحمير تواجه بعضها دى

**AmRElSiSi** · 30-06-2010 06:13 AM

المشاركة الأصلية كتبت بواسطة eng_mostafa_89

فى مركز زوايا محترم جدا جدا
هتروحيلة عادى كأنك دخلة تظبتى زوايا
ولما تدخل على المجرى بيكشف على العفشة كلها
وهيقولك العفشة دى فيها كذا كذا كذا
اعملية وتعالى

هما بصراحة ناس امينة جدا ومحترمة
مركز الزويا اسمة هنتر امام محطة كوبرى القبة
وبصراحة بحترمهم جدا لانهم مبيحبوش يشتغلوا على غلط
حتى لو كشف وكان فى شغل فى العفشة مبيرضاش يظبط زوايا غير لما تعملية ومبياخدش فلوس
على الكشف

معلش ممكن مكانه بالضبط علشان انا من اسكندريه بس بنزل القاهرة كتير

انت قصدك محطه مترو كوبرى القبه و لا محطه ايه بالضبط

**Eng_Mostafa_89** · 30-06-2010 06:30 AM

ايوة يافندم امام محطة مترو كوبرى القبة (مش الناحية بتاعت القصر) الناحية التانية

**Eng_Mostafa_89** · 30-06-2010 06:32 AM

ومعلش حاجة كمان نسيت اقولها ان المركز كمان بيدى ضمان اسبوع لو فى حاجة ترجعلة

**aymanmaly** · 30-06-2010 11:32 AM

شفتى ان كل الناس بتشجعك تروحى بالعربية مركز زوايا محترم
يارب تعملى كدة
و كلنا معاكى
بس ياريت تطمنينا

**ahmedsameir** · 30-06-2010 11:44 AM

المشاركة الأصلية كتبت بواسطة أم حمـــاس

انا خلااااااااااااص جبت جاز..وبقيت احس ان الحل الوحيد هو التأقلم مع الوضع اللي بتكون فيه حالة العربية ومش لازم تتصلح

من ششهر تقريبا الفردة اليمين قدام بتلب جامد جدا وطول منا ماشية الناس تشاورلي لدرة اني بقيت امشي ازحف...قلت يمكن المشكلة فلفردة نفسها..بدلتها بواحدة تانية لقيت المشكلة مازالت قائمة:b4_237:

رحت لعفشجي مرة لقيته فطريقي قالي لالالالالا الشاسية عاوز يتلحم وشاورلي علي حتة كدا فيها بارومة وعاوز يقنعني ان دا كسر...وكمان الجلب عاوزة تتغير...بس لازم اجي يوم ملصبح

مشيت وتاني يوم معدية علي عفشجي تاني خليته يبص عليها... قالي لالالالالالالا الشاسية سليم وزي الفل وكمان الجلب والمقصات سليمة وجديدة انا بس هفك الميزان واظبطه.. بس تيجيلي يوم ملصبح

مش عارفة هو ربنا حرم الشغل بعد العصر ولا ايه

اخر واحد بقي رحتله قالي لالالالالالا الفردة دي مأخرة لورا جامد ولازم تطلع 2 سم ع الاقل

رحت لسمكري يطلعهالي ال 2 سم دول... وبعد مرجعت للعفشجي يقولي لا دول 1 سم بس لسه كمان سنتي

ارجع للسمكري يقولي دا اخرها... اكتر من كدا الحز اللي بعد الرفرف اليمين هيبعد ... العفشجي دا حمار

وارجع للعفشجي يقولي قوليله ملوش دعوة ويقدمها كمان شوية سنتي ع الاقل

رجعت للسمكري وخدته شخصيا ورحنا للعفشجي..اهي الحمير تتواجه ويشوفوا ايه الصح

المهم خلصت وقدمها..وبردةا الفردة بتلب.. وصوت صفير شنييييييييييييييع يصم الاذان ممكن اسجله واركبه علي مشاهد الحوادث فلسينما المصرية

دا بالاضضافة ان الففردة اتنحلت خلاص

انا هقول لحضرتك على حاجه لو انت ساكن قريب من مدينة نصر هتلاقى فى الحى السادس واحد اسمه ( عمرو بدوى ) هيحط العربيهة على جهاز ليزر يشوفلك اى تاخير او تقديم فى اى عجله و هو كمان لو زراجين صغيرة بيعملها عندوا بجهاز باكم يعنى مش هتروح لسمكرى ولا عفشجى
و ابقى قولى على النتيجة

-

الموضوع: الفردة اليمين بتلب..( الجزء التاني )

LinkBack

أدوات الموضوع

عرض

-

-

-

-

المواضيع المتشابهه

حدث الأن ... الجزء التاني

هذا ماكان :::الجزء التاني:::

الطاسة بتاعة الفردة اليمين طارت

الفردة اليمين مرحلة ورا !

فكها شويه الجزء التاني

الكلمات الدلالية لهذا الموضوع

المفضلات

المفضلات

ضوابط المشاركة