ما هي الحلول المناسبة عند غلاء البنزين ؟؟؟!!!

**kemoelord** · 29-06-2010 01:43 PM

السلام عليكم :_

انا يا جماعه من ساعة لما انتشرت مواضيع غلاء اسعار البنزين والاختلاف على مواقيت زيادة الاسعار ومدى انتشار الاشاعات في مواعيد الغلاء سواء كان الشهر القادم ام بعد الانتخابات وبالاخص في شهر نوفمبر , فانا قعدت افكر هنعمل ايه لو فعلا الزيادة دي اتحققت خصوصا بالنسبه
للناس الي تمتلك سيارات حديثه وتحتاج على الاقل بنزين 92 انا شايف الحلول هتبقى كلاتي :_

1- الناس هتستهلك البنزين وكان شئ لم يكن .
2- فيه ناس هتخلط بنزين 92 بانواع اخرى زي 90 و 80
3- فيه ناس هتقلل من استهلاكها للسيارات وهتتجه الى استخدام المواصلات
4- قليل من الناس هتتجه لشراء سيارات ذو سعه لتريه قليلة

انا هتجنن الصراحه والله ومش عارف هعمل ايه خصوصا ان انا دائما بحس وبقدر قيمة العربيه في فصل الصيف بسبب الحراره الزائدة خصوصا هذا العام وهيبقى اتجاهي الى تقليل استخدام السيارة ومش هقدر اعمل غير كده خصوصا ان السيارة المفروض استخدملها بنزين 95 لكن انا بحطلها 92
غصب عني

**ehabbasha30** · 29-06-2010 02:35 PM

احب ابشرك باللى هيحصل بالتفصيل
1- كلام كتير واعتراضات بالهبل من غير اى رد فعل - احنا بكل صراحة اقدر اقوللك اننا شعب (كلامانجى) كلام من غير فعل - خلينا صادقين مع نفسنا
2-لو فى حد هياخد رد فعل هيبقى اول يومين تلاتة ( اللى منفعل وعندة اصرار فقط او اللى ماعهوش فلوس كفاية) هيمتنع عن التفويل ويستغنى عن العربية ويركب مواصلات لغاية لما يزهق ويلعن اليوم اللى قاطع فية البنزين وبعدين يرجع تانى على استحياء بحجة الضرورة - واللى معندوش اصرار وعارف وفاهم الوضع هيحط بنزين برضو بحجة انة مضطر
3- اسبوع بالكتير والدنيا هتهدأ وكل شئ يرجع لطبيعتة وتاخد على الوضع الجديد غصب عنك
4- بعد سنة ويمكن اقل هيتكرر نفس السيناريو - الا بقى لو ربنا يرحمنا والقيامة تقوم

**kemoelord** · 29-06-2010 02:40 PM

ما انا عارف ان الكلام ده هيتم الا اللهم شوية اعتصامات ومظاهرات وتوجيه النقد من قبل الصحفيين اتجاه الحكومة , لكن انا عاوز اعرف الناس هتتعامل مع الموقف ازاي ؟ يعني افهم من حضرتك انك هتحط بنزين عادي ؟؟

**ehabbasha30** · 29-06-2010 02:51 PM

والله لو فى حل تانى والكل اتفق علية هنفذة
لكن انا عارف اقصاها يومين تلاتة وهتلاقى الوضع هادىجدا ومحطات البنزين مليانة ومش ملاحقة

ولو قلتلى ابدأ بنفسك ( امتناع ومقاومة عشان نضغط على الحكومة )- هبدا بنفسى وامسك نفسى اسبوع واتنين وبعدين هلاقى ان انا بس اللى شاذ والكل بيحط بنزين - طبعا هروح منضم للاغلبية وارجع امون معاهم تانى
والحكومة عارفة كدة كويس جدا جدا وعارفة اخرنا - عشان كدة مفيش اى قلق