قررت ابيع عربيتى....الحقونى

**mohamedrabia** · 30-06-2010 11:39 AM

محدش بيصلح في توكيل عن تجربة واحد صاحبي عامل حاد ث شديد راح التوكيل قاله 23 الف علشان ترجع صلحها برة 6000 جنية بس التوكيل مش عارف عندهم الي ما يتعمل ولا الفانوس السحري

**islam_6110** · 30-06-2010 11:44 AM

ياجماعه للاسف روحت عشان اسحب العربيه لقتهم اشتغلوا خلاص فا مردتش اقولهم اسحبها لحسن ياخدوا منها حاجه او يطلعوا باى مصلحه انتوا فاهمين بقى

**fawzyyyy** · 30-06-2010 11:52 AM

ربنا يوفقك يا باشا ...........بس انت كان المفروض تتخانق معاهم.......هما ازاي يشتغلوا في العربية من غير ما يخدوا من حضرتك امر بالشغل فيها.............!!!! ده شغل تدبيس......!!
علي العموم خد بالك كويس و ماتتنازلش عن اي حاجة مش عاجباك في الشغل.........يعني لو حاسس ان هما مكروتيين العربية زعق و عالي صوتك عشان يتعدلوا.......اصل مينفعش معاهم الناس المحترمة خالص.....و دعواتي ليك بالتوفيق انشاء الله

**islam_6110** · 30-06-2010 11:55 AM

ربنا يكرمك يا باشا

**engahmedsamy** · 30-06-2010 12:42 PM

اعملها برة طبعا

**sherifahmed** · 30-06-2010 01:03 PM

و هنا تظهر فايدة التأمين

**solycar** · 30-06-2010 02:23 PM

المشاركة الأصلية كتبت بواسطة islam_6110

الى الاخ solycar ممكن تقولى ايه اللى حصل عشان اخد بالى لانهم اشتغلوا خلاص؟
شكرا خاص لكل من شارك فى هذا الموضوع و ربنا يستر عليكوا من الحوادث

مش هينفع احكيلك كل حاجة لان بلاويهم معايا كتيير اوى

انا بس هقولك على اصعب شئ حصل

العربية كانت مخبوطة و لما التامين جه يعاين قال ان العربية محتاجة سمكرة بس و التوكيل كان عاوز كالعادة يغيير

مش دى المشكلة طبعا بس الموقف ان التامين عمل مقايسه على حاجة مش هيعملوها لانهم ملهمش فى السمكرة غير و اقلب

طلبت من كائن هناك اسمه عمرو كناريا انو يطلع العربية عشان مش هعملها و طلبت منو يجبلى م\حسام صلاح مدير قسم الدهان و بالمناسبة دة الشخص الوحيد المحترم هناك

البيه سابنى ملطوع و معبرنيش المهم انا سبته و رحت شوفت حالى , مفيش 5 دقايق لقيتوا بيكلمنى بيقولى انت ازاى تمشى من غير متقولى انا مش شغال عندك و عمال بيزعق

لما لقيت انى بتكلم مع كائن غير بشرى قفلت السكة فى وشه كلمنى تانى و قالى بالحرف : لو راجل تعالى دلوقتى و متدخلش جوة و انا مستنيك برة

المهم رحت بعدها بساعتين ومكنش ليه اى اثر

طلبت العربية من الناس اللى شغالة هناك محدش عبرنى لمدة 6 ساعات كاملة بدون مبالغة

لحد مخرج م\حسام من الاجتماع

لقيتوا بيقولى انهم قالولوا انى مش عاوز ادفع المقايسة

طبعا انا كنت قاعد هناك اليوم كله و عاوز امشى فامنتاقشتش معاه

دفعت المقايسة و فضلت مستنى العربية نص ساعة مخرجتش

دخلت جوة لقيتهم بيدوروها من بطارية عربية تانية!!!!!!!!!!!!!!!

حسام قالى العربية عاوزه بطارية جديدة

قلتلو دى مكملتش 4 شهور

قالى هى بقالها اد ايه واقفه قلتلوا اسبوع

قالى يبقى تلاقى البطارية كانت نايمة ولا حاجة

و انا ماشى لقيت التانك على الزيرو و التكيف مش شغال

دخات افول بردو المؤشر على الزيرو

اتصلت بم\ حسام الراجل قالى هاتهالى بكره

المهم بعد الكشف طلع الكمبيوتر اتحرق و عاوز يتغيير

و طبعا معروف مين اللى حرقه

بالنسبة لتغيير الكنترول دا عاوز موضوع تانى على رواقة لان الموضوع بعد كدة كان فى انتقام

و رد شرف

اخيرا انت لو عاوز تتابع مضبوط خليك مع م \ حسام

و لو تحب اجى معاك انا ساكن قريب جدا منهم و اعرف حسام كويس عشان محدش يقل معاك

**islam_6110** · 30-06-2010 04:07 PM

ياباشا ربنا يكرمك اكيد لو احتاجتك هقولك

**fawzyyyy** · 14-07-2010 03:31 PM

يا استاذ اسلام حضرتك عملت اييييه....??

**Abo el-Seoud** · 14-07-2010 10:27 PM

من الواضح ان معظم المراكز المعتمده لمنصور سيئه جدا
ممكن حضرتك تراجع اللي حصلي في مركز ياسين كما هو موضح في توقيعى
بس بصراحه منصور مسابنيش

الموضوع: قررت ابيع عربيتى....الحقونى

LinkBack

أدوات الموضوع

عرض

-

-

-

-

-

المواضيع المتشابهه

انا قررت ابيع

قررت ابيع العربية

انا قررت ابيع الكوبيه

قررت ابيع الامبلفاير jbl

قررت ابيع عربيتى التمبرا

الكلمات الدلالية لهذا الموضوع

المفضلات

المفضلات

ضوابط المشاركة