-
مفتاح تشغيل المحرك
السلام عليكم يا اجدع شباب
انا معايا سيراتو جميع الكماليات موديل 2010
طبعا العربية الحمد لله لحد دلوقتي مش فيها مشاكل واضحة
بس احيانا بسأل نفسي لو مفتاح تشغيل وقفل المحرك ماشتغلش وعلق:beatdeadhorse5:...ايه الحل في الموقف ده؟..غير طبعا اني افضل جنبها لحد التوكيل مايجي يشيلها:B4_611:
-
تقصد مفتاح بصمه ؟؟؟؟؟
لو هو - عندك في الريموت حته تطلع منها مفتاح معدن تفتح وتدور بيه
-
هوة ممكن تفتح العربية انما تدور دية مستحيلة
-
فتح العربية مقدور عليه..انما المشكله فعلا فالتدوير..معقولة مفيش طريقة تانيه غير مفتاح تشغيل المحرك؟
-
-
وانا متابع باهتمام اكبر :)
واضح ان السؤال مخطرش لحد قبل كده وانا بس اللي افكاري تشاؤمية :)
-
هو ايه قصدك بالزبط؟؟
البطارية خلصت مثلا؟؟
لما تحط المفتاح في السوكيت بتاعو زرار الستارت هيشتغل حتى لو مافيش بطارية
-
اللي اقصده ان الزرار نفسه باظ زي اي حاجه تانية ممكن تبوظ...بتدوس عالزرار بتاع تشغيل المحرك ومش بيشتغل..عطلان..ياتري ايه الحل ساعتها؟
-
أنا سألت نفس السؤال لمهندس فى أحد مراكز الصيانة وإليكم الحل
مفتاح البصمة فى الكيا له مجال واسع جداً يعنى ممكن تفتح العربية من مسافة بعيدة جداً وحتى لو من داخل مكان شقة مغلقة والعربية فى الشارع
لو إفترضنا إن البطارية فى المفتاح فضيت الحل يكون كالآتى
اولاً نطلع المفتاح الحديد بالضغط على الزر الصغير ونفتح بيه باب العربية
ثانياً نرجع المفتاح الحديد مكانة وندخل الريموت بأكمله فى فتحة موجوده اسفل الدركسيون ( الريموووووت كلللللللللللللللللله ) زى العربية الباسات بالظبط.... وكده نقدر نشغل الموتور من زر الستارت ستوب
لإخراج المفتاح نضغط عليه مره تانية وهوه هايطلع لوحدة
-
صاحب الموضوع مش بيسأل عن حالة ان الريموت اللي يبوظ
واضح انه بيسأل على ايه اللي ممكن يحصل لو مفتاح الستارت نفسه باظ!
بس أعتقد ان الطبيعي انه هايتغير نفس فكرة ان المارش باظ ولا ايه؟
-
بس دي مش مشكلة خاصة بزرار ستارت ستوب
ممكن تحصل للمارش برضو و ساعتها لازم يتصلح في مركز الصيانة و مينفعش انت تعمل حاجة بنفسك عشان تشغل
هو لو باظ المرش تعمل ايه؟؟ اعتقد برضو تستنى يتصلح في الصيانة و مش هتعمل حاجة
-
بصراحة انا مش شايف زرار الاستارت والاستوب ده حاجة عبقرية أو فريدة من نوعها عشان يبقى فى كل القلق ده
كل الحكاية انه ((( زرار )))
زى زرار الكاسيت - زى زرار التليفزيون - زى زرار التكييف إنما مش زى زرار البنطلون ههههههه
المهم
عادى يعنى ياجدعان مش اختراع وهمى بصرى خزعبلى
ده موجود من سنين
بس هو لسه جديد علينا وبكرة تلاقى كل العربيات هتبقى بالنظام ده زى الأزاز الكهربا كده
مهو لو الكونتاكت العادى باظ انت بتعمل ايه فى الحالة دى؟؟ -:)
-
يا سيدي ريح النافوخ وكله تمام و ان شاء الله خير ولن يحدث ذلك
أخوك
أحمد بهي الدين
-
يا باشا ما معظم العربيات فيها زرار الستارت دا وبعدين هو لو باظ لازم التوكيل عشان هو زى ما الاخوة قالوا كدا انه زى المارش لو باظ هتعمل ايه .. بس باردوا لو فى يوم حصله حاجة لقدر الله ابقى شوف الفيوز بتاعه ممكن يكون حصله حاجة او مهزوز مثلا او كمان ممكن اللى يخلى الزرار ميشتغلش مكنة الاستوب بتاعة الفرامل .. دى لو بايظة او بتعلق مش هتخلى العربية تدور طبعا عشان اكنك مش دايس على الفرامل
-
انا شاكر طبعا لكل الاخوة اللي ردوا عليا وبصراحة اقتنعت برايكوا.. ربنا يستر بقي :colsmil:
انا كنت بسأل بس لاني كنت فاكر ان ليه حل تاني زي موضوع بطارية الريموت كده..بس واضح انه فعلا زي اي حاجه تانية ممكن تبوظ ولازم التوكيل يصلحها(الا زرار البنطلون طبعا:ma:)
Content Relevant URLs by
vBSEO 3.6.0 PL2