ارجوكم ساعدونى لو محدش ساعدنى مش رايح الشغل

**mazikagamda** · 29-06-2010 03:04 PM

النهاردة الصبح صحيت بشغل العربية مبتدورش وبعدين جبت كام واحد يزق العربية وبعدين اشتغلت وهى مش اول مرة تعمل معايا كدة دى عملت كذا مرة فانا عاوز اعرف اية المشكلة النهاردة بس انا متاكد 100% ان العيب مش من البطارية فانا عاوز اعرف اية العيب وانا مستنى رد الخبراء

**mohfud** · 29-06-2010 03:08 PM

البطارية طبعا غيرها بأيسى ديلكو وقولنا الاخبار إية

**احمد المصرى** · 29-06-2010 03:14 PM

المشاركة الأصلية كتبت بواسطة mazikagamda

النهاردة الصبح صحيت بشغل العربية مبتدورش وبعدين جبت كام واحد يزق العربية وبعدين اشتغلت وهى مش اول مرة تعمل معايا كدة دى عملت كذا مرة فانا عاوز اعرف اية المشكلة النهاردة بس انا متاكد 100% ان العيب مش من البطارية فانا عاوز اعرف اية العيب وانا مستنى رد الخبراء

ايه ال خلاك تقول انها مش من البطاريه

**M.Zaher** · 29-06-2010 07:43 PM

طب جربت بطاريه تانيه

**mazikagamda** · 29-06-2010 10:49 PM

اصل انا رحت النهاردة للكهربائى ففك المارش ونظفة المهم ركبة بعد اما نظفة مشتغلتش بردك فشحن البطارية فى كهربة بعدها شغلها اشتغلت فانا خايف دلوقتى تعطل منى تانى فانتم اية رايكم انا سالتة قلى ان شاء الله مش هطعطل فانتم اية رايكم

**samirayad** · 29-06-2010 10:57 PM

أطمن برضه على شحن الدينامو

**mazikagamda** · 29-06-2010 11:02 PM

بس الى هيجننى ىان البطارية كويسة هى دلوقتى اشتغلت كويسة ربنا يستر بقا متبقاش حاجة تانية

**jojowork1** · 30-06-2010 12:36 AM

طيب انت ليه كنت بتقول مش البطاريه ما هي بانت خالص انها البطاريه اتاكد من العيب قبل ما دوخ نفسك الراجل يفك المرش وتكاليف فك وربط وحورات وتضيع وقت مع ان كان من الاسهل جدا انك تقس البطاريه او تجربها تركب بطرايه تاني ودور
عمتا شوف الديناموا ويمكن تكون نسيت حاجه شغاله خلصت البطاريه ويمكن يكون عندك حاجه بتحمل علي البطاريه وتخلصها علي فكره في سرينه من اللي بتركب في العربيات كانت بتعمل المشكله ديه انها بتفضل دايره التكبير فيها شغاله لغايه ما تخلص البطاريه ممكن يكون عندك مشكله زي كده اي اداه كهربائيه بتفضل شغاله ومش بتفصل وهي اللي بتعمل كده
ده كل الاحتملات اللي جات في بالي