الموضوع: 200 [جنيه لاستعجال الورق

المشاركة الأصلية كتبت بواسطة abokartona

ليه لما الناس بتروح تستلم عربياتها من الوكيل بس يقولهم لو عاوزين ورق العربية ييجى بسرعة ادفعو 200 جنيه؟؟؟؟؟مش المفروض الورق بييجى مع العربية؟؟؟و اللى اعرفه كمان ان ورق العربيات بيبقى شوية مع بعض مش واحد واحد بمعنى ان الافراج الجمركى بيكون لكذا عربية فى وقت واحد و الا انا غلط؟و بعدين انا اعتقد ان الناس كلها بتدفع طب يا ريت لو فى حد مدفعشى يقولنا اخذ الورق امتى.و اشمعنى 200 جنىه؟ ليه مش 50 جنيه او 300 جنيه يعنى على اى اساس الرقم دا؟ و بعدين ليه عز العرب مش بيدونا وصل من المبلغ؟و الا الكلام دا مع نايل موتورز بس علشان بيعملو ليهم تخفيض؟

زي ما قالولك الاخوة الافاضل, الافراج الجمركي بتستلمه من مرور بين السرايات, والموضوع كله بيأخذ ربع ساعة وبتدفع 5 جنيه فقط. وبالنسبة لعدد العربيات اللي في الافراج الجمركي, الطبيعي انه يكون أكثر من عربية. بس لو عربيتك هي الوحيدة اللي موجودة في الافراج الجمركي, ودي حالة نادرة, زي اللي حصللي, حيكون حظك سيئ. والسبب انه في هذه الحالة لازم الموظف اللي في بين السرايات يسلم الافراج الجمركي بنفسه للمرور اللي انت تبع له. بالنسبالي انا لو كنت سبت الموضوع يمشي في سياقه الطبيعي كنت حرخص بعد عدة أسابيع من استلام العربية. بس الحمد لله مدير المرور اللي انا تابع له كان راجل محترم وتدخل بنفسه لحل مشكلتي

وأنا كمان جريح :)
بس الحمد لله استلمت الساجا و ربنا يسامحهم بقى