نويت اشتري سوناتا2000cc يا ريت أي حد جربها يفيدني. أنا جربت el-2400 بس الفلوس على اد el-2000 وخايف يكون ال2000 صاحبه وحش أو غير مناسب ياريت أي حد عنده العربية أو يعرف حد عنده يقولنا رأيه لتعم الفائدة.
نويت اشتري سوناتا2000cc يا ريت أي حد جربها يفيدني. أنا جربت el-2400 بس الفلوس على اد el-2000 وخايف يكون ال2000 صاحبه وحش أو غير مناسب ياريت أي حد عنده العربية أو يعرف حد عنده يقولنا رأيه لتعم الفائدة.
معلش أنا متهيألى كده
بدل هيونداى يبقى تجيبها وانت مغمض
وربنا يباركلك فيها
تمام بس أنا موضوع 2000 و 2400 يحير عشان الضريبة من ناحية و سعر اعادة البيع وسعر الشرا . فـيريت أي حد عنده معلومات يفدنا
من ناحية اعادة البيع فاظن العربية سوقها وحش اوي
وبعد كده سنة تقريبا والشكل الجديد حينزل فده حينزل من سعر الشكل القديم
وصراحة السوناتا حلوة من جوة وسواقتها حلوة بس في مصر مالهاش سوووق خالص
وبعد كده شوووف ايه العربيات الموجودة بنفس سعر السوناتا
وربنا يوفقك للخير ان شاء الله
انت ناوي على الشكل الجديد و لا القديم ؟
طيب الضريبة كام
ربنا يوفقك
عندي سؤال محيرني السوناتا ب 185 الف وهيونداي (كوري) طيب ما اجيب جيتا او جولف 5 او 6 (الماني) ب 175 الف تقريبا ولا انا غلطان
باشا هات هوندا سيفك احسن
في بدايل تانية احسن بكتير زي الاوكتافيا و الجيتا (و لو ان 2011 هيتغير شكلها خلاص) أو السيفيك أو حتى الفورد فوكاس.....
وكلها عربيات منتشرة و ناجحة و تصليها متوفر و مستورده من بلدها مش تجميع مصري زي السوناتا و 1600 يعني مش هتدفع ضريبة و ترخيص عالي و هتديك نفس الاداء و وسع الصالون.......ده غير الأوبشن الأصلي مش كماليات غبور الغير مضمونة....
عفوا....السوناتا.....اختيار غير موفق في مصر
هو أنا اتفرجت على كل اللي في نفس السعر ده أو قريب منه. أنا ناوي على الشكل القديم بـ 170000 مش 185000 . هي السوناتا مزيتها في الوسع والماتور مقارنة بالسعر. هي اكبر بكتير قوي من golf , octavia, civic, corolla, jeta . هي نفس الفئة بتاعت الاكورد والكامري وال ألتيما . بس كل ده مش موجود في مصر. أنا بس حيرتي في موضوع 2000 cc هتكون كويسة ولا لازم 2400؟؟ يا ريت اللي عنده خبرة يفدنا. بالمناسبة الشكل الجديد نزل بـ 28000 والهاي لاين360000 في غبور.!!
ماهي لو مستوردة عمرها ماهتكون بالسعر ده! أنا معدييش مشكلة في موضوع تقفيل مصري بـي ام دبليو ومرسيدس بتقفيل مصريوغيرهم كتير . وبالمناسبة أنا عندي نيسان 2008 تقفيل مصري . مفيش حاجة 170000 نفس الوسع ده . أنا مش عايز ادفع في عربية اضعف تمنها الحقيقي وده عمره مايحصل اللي اذاكانت تجميع مصري
يعنى انتا ياباشا مفضلها عن الالمانى واليابانى خلاص توكل على الله
والناس من وجة نظرهم انك بنفس الفلوس تجيب حاجة احسن منها
هوة المواتير اقل منها وممكن تقون اديق حاجات بسيطة
بس القرار ليك فى الاول والاخر ليك ومعتقدش ان ال2000 وحشة
بس السوناتا مش فئة الكامرى ولا الاكورد دول حاجة وهيا حاجة تانية
ليه يا جماعة السوناتا مش فئة الأكورد و الكامري ؟؟؟
علي اي اساس بتتكلموا ،،،
أمال فئة ايه الكورولا و السيفيك ؟؟؟
من فتره, كان فى موضوع عن السوناتا و كان الموضوع فيه شرح كتير وانا كنت مهتم جدا بالسوناتا لان والدى كان عايز يغير العربيه و يشترى عربيه قويه و فخمه و واسعه, المهم انا فاكر كويس قوى ان صاحب الموضوع قال ان الـــ 2000 cc ممتازه بس لو رجع بيه الزمن كان هيجيب الـــ 2400 cc
بالنسبة لسعر الشراء فهو 170 لل2000 و 190 لل2400 و بينزل 5000 جنيه عند الموزعين معرفش بينزل اكتر من كدا و لا لأ , حاول عموما.
انا معايا ال2400 منها و طبعا سيبك من الكلام الناس اللى مش فاهمة , انا هجيبلك الخلاصة.
اولا سعر العربية بينزل جامد فى المستعمل اكتر من الجيتا و الاوكتافيا بسبب خوف الناس من الاستهلاك العالى للبنزين و الضريبة و ناس من انها مجمعة فى مصر خصوصا انها كورى.
2-العربية نزل منها شكل جديد (صحيح متجمعش فى مصر لسه) بس انا متوقع انه كمان سنة او اتنين بالكتير غبور هيوقف انتاج القديمة و ينزل الجديدة بدلها فهتنزل اكتر فى سعر اعادة البيع و الشكل مش هيبقى احدث حاجة, بس الصراحة العربية شكلها الحالى مبهر جدا.
3-موتور العربية ال2400 يدوبك كويس اوى عليها لان العربية تقيلة وزن و يعيبها ان فتيسها 4 نقلات بس فمش عارف الصراحة ال2000 هتبقى كويسة برده و لا ضعيفة شوية بس طبعا مش زى الاوكتافيا و لا الجيتا نهائيا لان انا والدتى عندها الفانتازيا و اقدر اقولك بطة فعلا يعنى الاوكتافيا سحبها اضعف كتير جداااا من الالنترا مثلا لانها تقيلة و موتورها ضعيف جدا.
4- غبور منزل فيها الNavigation system مش اصلى لان السوناتا دى منزلهاش بره navigation و لا شاشات dvd فى المخادع و لا زينون و لا كاميرا خلفية و مرايات اللى فيها اشارات , كل دا مش اصلى , بس الفكرة ان الnavigation بنظام plug and play يعنى زى سماعات الكمبيوتر كدا حتى لو وحشة بتشيل الكوبس بتاعها و تركبه تانى بس كدا يعنى متاثرش على كهربة العربية (مش غبور بس اللى بيعمل كدا مثلا نيسان فى الx-trail و الchevrolet ال captiva و عربيات تانية كتير زى الماهيندرا و البريليانس و الالنترا الخليجى و عربيات كتير.
نيجى لمميزات العربية , اما معايا ال2400 و استهلاك البنزين بتاعها ممتاز , بفول التانك لو كان منور ب 115 تقريبا بنزين 92 يعتى حوالى 60 لتر غير الاحتياطى حوالى 10 لتر , ال60 لتر دول بيمشونى حوالى 540 كيلومتر و بيبقى مكتوب فى التابلوه و فعلا الرقم شبه دقيق ساعات اكتر شوية و ساعات اقل شوية.
قطع غيار العربية متوفرة جدا , س اسعار قطع كتير لسه غالية جدا مع ان غبور كل شوية بينزل اسعارهم زى تيل الفرامل ب 1000 جنيه بالضريبة تقريبا و الخلفى ب 650.
انا غيرت الشماسة (فى الضمان ) كانت موجودة و غيرت الباب الامامى علشان كان اتخبط جامد و التيل و الصيانات علطول , فلتر الهواء و سير المجمع مثلا مكانوش موجودين على صيانة ال60000 و قالوا هنجيبوا بعد اسبوع , انا نمت شوية معرفش جابوه و لا لأ بعدها علطول بس الصيانة اللى بعدها كانوا موجودين
العربية معايا بقالها 3 سنين دلوقتى و ماشى بيها 75000 الف كيلو و هتخرج من الضمان كمان كام يوم , كل اللى غيرته فى الضمان (1-غطا التابلوه علشان اول دفعة اتجمعت فى مصر الغطا كان زى مخبوط كدا كانه فيه بالونه , 2- الشماسة بتاعت السائق الامامى و دى كان معمول عليها recall لموديل 2006 و 2007 بره مصر , 3- كوبلن مش عارف بتاع ايه كان لما بلف الدركسيون و انا واقف و دايس فرامل بسمع صوت زى حكة كدا) يعنى من الاخر كل دا اى كلام اوى , دا فى عربيات بنص مليون و مليون و يتغيرلها حاجات اكتر من دى بكتر فى اول 3 سنين , بس طبعا كل عربية غير التانية و كل سوناتا غير التانية , يعنى ممكن واحد ميغيرش اى حاجة و ممكن واحد يغير فيها حاجات, يعنى تجربتى فردية .
العربية كويسة جداااااا فى كل حاجة و خصوصصصا الثبات و المساحة الداخلية و هى متتقارنش اساسا بالعربيات الى فئات اقل منها زى السيفيك اللى قال ايه ب 190 الف جنيه و الكلام الفارغ دا .
العربية عالية جداااا و عمرها مبتحك فى اى مطب مهما كان علوه .
بصراحة نصيحة شخصية , انا لو كنت نازل اشترى انهردة مش هشتريها بسبب نزول الشكل الجديد و نزول سعر المستعمل خصوصا انى بحب التغيير و الكماليات الزيادة اللى فى العربيات التانية (الزينون الغبورى مش حلو خالص مثلا) بس مثلا الموضوع محير اكتر لان الفانتازيا اللى ب165 فاضية خالص الا لو خليجى بمية حاجة و سبعين و دى منغير ضمان + مفيهاش تصفيح صاج تحت الموتور يعنى متصلحش لمصر , و الفانتازيا متتجابش غير اللى ب 183 على الاقل و دى بتنزل 5000 عند الموزعين برده.
اما لو كنت هتشرى تانى من 3 سنين هشتريها برده لان العربية عالية و مريحة جدا و ثابتة جدا و ممتازة فعلا و تحسها عربية بجد من ناحية كل حاجة يعنى الواكتافيا فى رايى الشخصى مش زيها ابدا و هى زيرو فتخيل بعد ما تستخدمها كام سنة!
عموما انت معندكش بديل ليها غير الفانتازيا غير لو عايز حاجة اقل بكتير زى السيفيك و الفوكاس و الكلام دا ,و دول اقل فى كل حاجة منها فعلا.
العربية فعلا حلوة , التقفيل المصرى غبور مهتم بيها كويس , انا عندى كان ممتاز ميكانيكيا و كل حاجة و جيد جدا من جوه لان كان فى قطع ضغيرة بلاستيك مش راكبة كويس بس قالولى لان دى اول دفعة اعتقد بعد العامل ما جمع فوق ال1000 عربية الموضوع اختلف كتير , بس موضوع التقيل يختلف من عربية للتانية و على رايك اذا كانت الصنى و لا الدايو النوبيرا تقفيلها كويس تخيل دى اكيد احسن بكتير خصوصا لان غبور مهتم بيها.
لو ميفرقش معاك موضوع الشكل الجديد و سعر اعادة البيع اوى( هو مش فى الضياع بس اقل من الاوكتافيا و على فكرة انا رايى انه كويس فى ال2000 لان الضريبة 1000 جنيه سنويا بس) يبقى توكل على الله و هاتها لان ملهاش منافس اساسا و منافسينها ب 440 الف و 560 الف مستوردين.
معلش نسيت اقول ان عيب ال2000 ان مفيهاش cruise control و عيب ال2400 ان سعرها بيقد اكتر بكتير من ال2000 علشان ضريبتها 3800 جنيه و بتقل 5% سنويا
معلش سبحان الله حضرتك بتقول دى مش فئة الكامرى و الاكورد و هما حاجة تانية مع انك حاطت فى توقيعك صورة ليها (الجديدة) و الاكورد و المازدا 6 و دول منافسين بعض و الصورة منقولة عن موقع بيعمل منافسة بين العربيات اللى نفس الفئة و التمن بره اكيد!!!!!اقتباس:
بس السوناتا مش فئة الكامرى ولا الاكورد دول حاجة وهيا حاجة تانية
معلش انا مختلف مع حضرتك فالنقطه دى, الأوكتافيا مش بطه ولا حاجه و سحبها لا يقارن بالألنترا و الموتور مش ضعيف خالص بالعكس انا شايف انه موتور ممتاز جدا جدا
هى بطيئه فالغيارات الأولى نظرا لوزنها زى كل العربيات الألمانى لكن السحب ممتاز جدا جدا و تجيب بيها الـ 140 بسهوله جدا و سرعه و طبعا سهل قوى تجيب بيها لحد 190 و ممكن زياده على حسب الطريق مع الأحتفاظ بالثبات عكس الالنترا
و انا بتكلم عن تجربه لان العربيتين معايا و مع اصدقاء كتير و جربوا الشد و بجد الأوكتافيا مينفعش يتقال عليها بطه
المواصفات الفنية :-
----------------------
1- محرك 1.6 لتر بقوة 75 kw بنظام الحقن MPI.
2- تسارع السيارة من 0-100 في حوالي 12 ثانية ( علي الوضع D )
3- ناقل الحركة 6 سرعات أمامية و 1 خلفية بإجمالي 7 سرعات مع نظام Tiptronic.
4- السرعة القصوي للسيارة لم يتم إجتيازها بعد.
5- عفشة خدمة شاقة.
عوامل الراحة و الأمان :-
-------------------------
1- ABS, MBA,MSR,ASR.
2- عدد 2 إيرباج.
3- عدد 5 أحزمة أمان.
4- فصل الوقود عن المحرك في حالة التصادم لا قدر الله.
5- نظام corner light وده عبارة عن إضاءة فانوس الشبورة حسب إتجاه العربية يمين أو يسار.أنا مش عارف أشغله إزاي.
6- نظام EBC.
7- ISOFIX للأطفال.
8- IMMPOLIZER .
9- فوانيس ضباب أمامية وخلفية.
10- عدد 3 مساند للرأس في الخلف و 2 في الأمام.
الكماليات :-
------------
1- سنتر لوك وزجاج كهربه مع وحدات رفع لجميع الأبواب.
2-عدد 2 مفتاح fold يمكن فتح الشنطة وتانك البنزين منه وكذلك التحكم في الشبابيك وغلق المرايات.
3- مصابيح الإشارة الجانبية في المرايات مع وجود مصباح في كل مرآه للإضاءة بجانب الأبواب عند فتحهم وعند فتح السنتر من الريموت.
4- طي كهربائي للمرايات.
5- عدد 2 مساحة أمامية للزجاج و 1 للزجاج الخلفي.
6- عجلة القيادة وفرامل اليد وعصا ناقل الحركة مكسوة بالجلد الطبيعي.
7- فرش الكراسي رياضي.
8- تعديل عجلة القيادة في 4 إتجاهات مختلفة.
9- عجلة القيادة متعددة الوظائف multi functions .
10- شاشة بيانات كبيرة وسط العدادات بها وظائف عديدة مثل :
* عداد سرعة ديجيتال ( زي السيفيك )
* إستهلاك البنزين وحساب الكيلو متر المتبقي بالنسبة لكمية الوقود.
* متوسط السرعة الحالية.
* كمبيوتر رحلات.
* بيان نقلات ناقل الحركة.
* بيان درجة الحرارة.
* إظهار البيانات الخاصة بالهاتف.
* إظهار البيانات الخاصة بالنظام الصوتي.
* عن طريقها يتم معرفة ما إذا كان أحد الأبواب مفتوح أو غطاء المحرك أو الشنطة.
* كمبيوتر أعطال ومواعيد الصيانة.
*وأخيرا عن طريقها يمكن التحكم في بعض الوظائف مثل :
a- تحديد السرعة التي يبدأ عندها الصوت التحذيري.
b- تحديد غلق الأبواب أوتوماتيكيا عند سير السيارة وفتحها عند وقوفها.
c- تحديد تشغيل خاصية غلق النوافذ في حالة سقوط الأمطار أو غلقها عند سرعة معينة.
11- نظام صوتي جبار في نقائة وإمكانياته الصوتية يدعم mp3 , aux, radio, audio. مع عدد 6 سماعات.
12- إمكانية إرتفاع مستوي الصوت تلقائيا مع زيادة السرعة.
13- تجهيزات سينسور بارك.
14- بلوتوث للإتصالات الهاتفية ( كاركيت )
15- تكييف climatronic dual zone مع خاصية توزيع الهواء للمقاعد الخلفية.
16- شاشة عريضة وسط التابلوه خاصة بالنظام الصوتي والتكييف والبلوتوث والسينسور.
17- درج التابلوه مبرد وكذلك درج الكونسول.
18- درج الكونسول متحرك للأمام والخلف كمسند يد.
19- عدد 12 مكان تخزين بالمقصورة مع حوامل أكواب.
20- التحكم في إرتفاع وإنخفاض كرسي السائق.
21 - التحكم في إرتفاع وإنخفاض إضاءة المصابيح الخارجية.
22- مصباح قراءة للمقاعد الخلفية وآخر للأمامية.
23- مدخل ipod داخل درج الكونسول.
24- سخانات للزجاج الخلفي والمرايات الجانبية.
25- تعتيم تلقائي للمرايا الداخلية والجانبية.
26- مقابض الأبواب الداخلية من النيكل كروم.
27- حليات للأبواب و التابلوه والكونسول الأمامي.
28- إريال إلكتروني في الزجاج الخلفي مع إريال رياضي إضافي.
29- مؤشر لضغط الإطارات.
30- مثبت سرعة.
http://www.nilemotors.net/Nile/154784-a.html
انا معاك ياباشا ولو كنت انا اللى بصور كنت شيلت المازدا وحطيت الكامرى
بس دى السوناتا الجديدة مش القديمة تفرق وشوف فرق السعر بين الجديدة والقديمة كام وهتقدر تقارن ولو حضريتك روحت اوتوماك كنت هتقارن على الطبيعة وهتحس بالفرق
وبعدين انا ركبت الكامرى والسوناتا وحسيت بفرق كبيرررر جدددا ومش معنى كدة انى بقلل من السوناتا لا طبعا بس لو الكامرى موجودة فى مصر هتكون ليها اسم كبيررررررررررر (فى هذة الفئة)
نصيحة لله لا تشترى السوناتا.. فكر فى الجيتا ولا ترضى بها بديلا.. او الزلمكة مو 94 مستعمل او السى 180 مو 2000 2002 ..دايما ضع نصب عينيك ال"ريسيل".
نصيحتى لحضرتك شوفلك عربية تانية لان السوناتا كسعراعادة بيع ضايع ويتاخد وقت عشان تتباع حتى مع سعرها النازل كمستعملة
ب 170 الف حضرتك تقدر تجيب bmw 316 2007
جيتا 2011
فانتازيا جميلة جدا طبعا و ثبات واعتمادية عالية
السوناتا ركوب الباشاوات ولايوجد فى فئتها السعرية 185000 من يستطيع منافستها فى الفخامة - الجيتا سعرها كتير قوى عليها - البى ام والمرسيدس كان ليهم زمنهم - ربنا مايحوجك لاعادة البيع - صديقى معاه سوناتا 2000 بيحتقر يغيرها لاى عربية كلشن كان من العربيات اللى الاخوة اقترحوها - توكل على الله وعيش برنس ومايهمكش الفلوس - المهم تعمل بيها الخير علشان ربنا يبارك لك فيها