الموضوع: تأثير منظف الرشاشات فى الانوس

والله انا مابقتش عارف احط موبيل ولا stp ولا positv power ولا اعمل ايه

المشاركة الأصلية كتبت بواسطة borgelharm

يا جماعة السائل ده اللي بيتباع في محطات موبيل و منها موبيل اللي علي البحر في الشاطبي اسمه
Positve Power و سعره 17.5 و هي علبة فضية اللون
ده انا بحطه من زمان و هو في منتهي الجمال لانه بيوفر في استهلاك البنزين و بيعمل تنضيف لدورة البنزين بالكامل و يستحسن يتحط و التانك فاضي و كل 2000 كيلو و ما بيعملش اي مشاكل

اعتقد ان الاخ ميدو كان عنده مشكلة تانية في العربية و تزامنت مع وضع البوستيف باور و اختلط الامر عليه

محمد فهمي

ممكن برضة يكون دا الي حصل بس المشكلة ان في ناس كتير اشتكت من نفس البنزينة فممكن يكون بنزينهم او الولد ما حطش اصلا و لا اية الله اعلم

انا لقيت فى بنزينه شل stp 56 جنيه ومكتوب عليه cleean full system وبالعربى رشاشات ياترى ده الاى تقصدوه ولا حاجه تانيه

المشاركة الأصلية كتبت بواسطة ads

انا لقيت فى بنزينه شل stp 56 جنيه ومكتوب عليه cleean full system وبالعربى رشاشات ياترى ده الاى تقصدوه ولا حاجه تانيه

ده منظف وصيانة عامة
أما منظف الرشاشاتSTP مكتوب عليه الأتى :
FUEL INJECTOR CLEANER
وهذا للعلم

انا اشتريت عربيتى اللانوس2 موديل 2000 من سنتين وكانت عامله 80000كم وعملت صيانة ال80000كم فى التوكيل وعملت صيانة ال 100000كم فى التوكيل وعملت صيانة ال 120000 كم فى التوكيل ودلوقتى العربيه عامله 129000 كم وفى جميع الصيانات دى محدش جاب سيرة الرشاشات اطلاقا وعمرى ما حطيت اى منظف والعربية كويسه مفيش مشاكل فهل تنصحونى انى احطه ولا خلى الطابق مستور طالما الامور ماشية تمام

انا كنت زيك و الامور ماشيه تمام و عامل 100 الف

الى ان حطيت الاضافات الزفت دى..

طلمبة البنزين بتصفر على طول و الكل قاللى الحق غيرها

بدل ما تقطع منك بنزين و انت ماشى

ما تديش عقلك لحد .. ها تندم زى ما انا ندمان دلوقت

و مش لا قى طلمبه اصليه ابدا و ماشى ماسك قلبى فى كل مشوار ..

كان مالها راحة البال .. و حشه ؟

سألوا مرة واحد من هواة تسلق الجبال :

لماذا تتسلق الجبل ..؟

قال لهم : لانه هناك !!!!