القائمة السوداء لمكاتب تأجير السيارات على مستوى الجمهورية
أعزائى واخواتى فى منتدى نايل موتوز العزيز اوى على قلبى
طبعا باين من العنوان الهدف من الموضوع لانى واحد من الناس اللي دايما بتنصب عليهم من بتوع مكتب الايجار
وبما ان ده موسم وفي ناس كتير راجع من بره وبيكونوا عايزين عربية وأنا واحد منهم فـطبيعي إني اشوف مكتب ايجار
بس للاسف كتير منهم مفيش عندهم أي ضمير
هبتدي بنفسي واللي حصل معايا من مكتبين ايجار في المحله
الاول ودا كان ورا سينما المحلة واسمة أيمن كان كويس بس ماكنش فية عدة مفاتيح فى العربية علشان افك العجل لما اتخرمت
وكمان لما جيت اركب الاستبن لقيت اصغر من العجلة العادية وبالتالى مركبش
التانى واسمة سامى ودا فى محلة البرج ودا بقى نصاب درجة اولى
أجرت من عنده عربية تويوتا وافاجى بعد ما خدها منه ان العربية فيها ربع لتر زيت فى الموتور اه والله دا اللى حصل
( لو مش واخد بالى كنت زمانى لابس الموتور رغم انه مأكد ان العربية مسلمهانى تمام اوى ومفيش فيها حاجة :_Alshmokh08[1]: )
وتانى يوم العجلة نامت روحت اصلحها العجلاتى قالى العجلة دى منتهيه تماما وكلمته وطبعا كان عايز يلبسنى العجلة
وعرفت ان عمل نفس الحركة مع واحد تانى ودبسة فعلا فى العجلة وتمنها 500 جنية
ياريت ياجماعة اللى حصل معاه حاجة يقولها وبكدا نشجع بجد المكاتب المحترمة على الاستمرار