مهو المحجبه بكره تتنقب ومش حيقدرو يتكلمو لانهم قبلو الوضع من الاول
فمن الاخر هما بقولو الباب الى يجيلك منه الريح سده واستريح :ma:
عرض للطباعة
حتى المستشفيات كمان
اكيد دى مستشفى الميريديان
الدكتورة قالت مكان ما ..وغالبا المقصود حاجة medical related
ممكن تكون شركة أدوية ومحتاجة إن الطبيبات اللي بيعملوا الدعاية يكونوا open minded
عموما مستنيين نفهم الحاجات الجديدة دي عشان نعرف الدنيا ماشية ازاي
ياريت حد يفهمنا لية؟؟؟؟؟؟؟
انا والله لسه مصدومة شوية... هو الموضوع ميديكالي ريليتد فعلا بس لاهو شركة ادوية ولا في اي اعلانات
المكان دا احد كبري مراكز الاشعة والتحاليل في مصر.. وطالبين دكترة آشعة ... واللي راحوا قدموا اشترطوا علي الطبيبات خلع الحجاب
يهم المريض دا في اي واي نوع ملدعاية دي؟؟
للاسف المكان دا انا واسرتي طول عمرنا بنتعامل معاه كمرضي يعني بس خلاص سقط من نظري
استاذ بحري تبقي مصيبة لو كان كل مفهومنا عن ال open minded females هو كشف شعرهم مع احترامي الكامل لغير المحجبات
ههههههههههههههههههههههههه
هي وصلت للدرجه دي :)
بجد شر البليه ما يضحك
شفت اخرتها ياستورم... روح قدم انت بقي شوف هيطلعولك بانهي حجة
سبحان الله .....
مع ان الموضوع لو كان حصل بالعكس ... يعني اعلان يطلب طبيبات بشرط الحجاب ... كانت قامت الدنيا وما قعدتش ... والمساس بحقوق الانسان والحرية الشخصية ومعرفش ايه ....... ويمكن كمان كانوا استصدروا قرار بغلق المنشأة !!!!!!
وعجبي ......
لا أبدا هي الفكرة فقط في دلالات المصطلحات
بغض النظر عن المعنى الحرفي لكلمة open minded female
فإن المقابل الشائع لها في العربية هو (امرأة متفتحة) والمصطلح له دلالات وظلال اجتماعية مختلفة تماما عن:
- امرأة مثقفة
- امرأة ذكية
- امرأة عاملة
- امرأة عملية
- امرأة اجتماعية
المصطلح له دلالات مختلفة تماما وأظنها لا تخفى على أحد
وأمر آخر ..الحجاب منظومة كاملة وتغطية الشعر أو الجسد جزء منها ولا تقتصر عليه
بالنسبة لموضوع المركز ده فده سلوك أظنه جديد تماما في التعامل مع المهنة..ولما تبقي طبيبة رايحة تشتغلي طبيبة تلاقيهم بيقولولك لازم تخلعي الحجاب فالإجابة هي (طظ)...لما تبقي الوظيفة مدلكة أو موظفة استقبال أو حتى ممرضة فدي أمور سمعنا عنها وبرغم رفضي التام لهذا المفهوم المختل ولكن شفناها في المراكز الطبية اللي بتحاول تقدم خدمة فندقية وسياحة علاجية..لكن لما الشرط إن الطبيب نفسه يكون كده تبقى لوثة عقلية
ولو ينفع تقوليلنا اسم المركز ده يبقى جزاك الله خيرا..الموضوع مش غيبة ولا نميمة ولا تشهير..ده شرط معلن ومطلوب من قبل إدارة المركز