أخبار يرودوا كيليسا مع التكييف اييييييييييه ؟!!

**mikey** · 19-02-2008 10:19 PM

ازيكوا يا شباب

انا ابتديت اقتنع بالعربية دي جدا خصوصا ان الكل بيشكر فيها بس انا قلقان من حاجة واحدة فيها

العربية 1000 cc و 3 سيليندر بس فاخبارها ايه مع التكييف الموتور هيستحمل و لا لأ..

ياريت يا جماعة اللي معاه العربية يقولي الموضوع ده..

**معاذ الشرباصى** · 19-02-2008 10:27 PM

التكييف بتاعها معقول

و التأثير طفيف على اداء العربية

مرة سافرت مع ابن خالتى العين السخنة و هو يملك العربية, و كنا مشغلين التكييف و كان ماشى على 160

**Medo2008** · 24-02-2008 09:33 AM

السلام عليكم
العربية ممتازة مع التكييف وخصوصا داخل المدينة
يمكن تلاحظ بس ضعف الموتور وانت مشغل التكيف وانت طالع مطلع مثلا او كوبري وده نتيجة انها 1000 سي سي
انا معايا موديل 2006 وعامل بيها لحد دلوقتي تقريبا 30 الف كيلومتر مادقتش معايا ولا دقة نقص الحمد لله
توكل علي الله العربية ممتازة جدا وانا بعتبرها احسن حاجة في الفئة الصغيرة وكذلك سعرها مناسب جدا

**ahmed1981** · 09-03-2008 09:26 PM

البرودا كيليسا سعرها كام زيرو ؟؟؟؟؟؟؟؟

**Medo2008** · 10-03-2008 01:13 PM

سعرها الرسمي المعلن هو 51 الف المانيوال بس انت وشطارتك مع التوكيل ممكن تنزل الف او الفين او تلاتة كمان ممكن من الاخر توصل 48 الف جنية للمانيوال
الاوتوماتيك بتعمل تقريبا57 الف جنية وانت شطارتك برده ممكن يكون اخرها 55 الف جنية بس علي حسب شطارتك
انا كنت عارف ان اخر دفعة جت التوكيل 100 عربية منها بس 30 مانيوال و70 اوتوماتيك مش عارف لسه في منها ولا لأ لان الكلام ده كان من شهر نوفمبر 2007
وكان في قائمة انتظار بالذات في حجز للاوتوماتيك

**MrRami** · 10-03-2008 03:52 PM

انا أشتريت العربية من شهر تقريبا الحمد لله العربية جميلة فعلا ... و التكييف ملوش تأثير جامد على موتور ... أنا عن نفسي محستش بفرق... و كنت قراءة مرة على موقع مش فاكر أسموا الحقيقة أن التكييف بيفصل نفسوا أتوماتيك لما بتكون تجري بالعربية علشان متحسش بفرق ... بس بصراحة انا مش متأكد من أن المييزة موجودة في كل الموديلات ولا لاء .... بس العربية فعلا تعتبر رقم 1 بنسبة للسعر مقابل السلعة ...

**masy** · 22-03-2009 01:32 PM

أولا الف مبروك و ربنا يباركلك فيها
ممكن اعرف جبتها بكام و منين، هاشم باص؟؟ و نزلت معاه في السعر؟؟

**MrRami** · 03-04-2009 02:29 PM

من هاشم باص ... و كانت ب 52

**shering** · 09-04-2009 11:43 PM

معايا كانشل 2001 عربية محتررررررررررررمة جدااا وزي الفل و850سي سي

**sharkaoil** · 28-04-2009 09:49 PM

السلام عليكم
انا لية سوءال يا شباب هل العربية دى متوفرة حاليا فى السوق لانى بصراحة عمرى ما شوفتها والحاجة التانية خدمة ما بعد البيع اية اخبارها .
وسوءالى التانى ثمنها كام حاليا زيرو ومستعمل وطبعا انا بتكلم على الاتوماتيك منها وكمان هى متوفر منها مودبلات مختلفة من 2000 حتى 2009 ولا وقف انتاجها زى انا ما سمعت يا ريت الى عندة اخبار يدلنى وشكر جزيلا