الموضوع: مشكلة فى سحب النيو أكسنت اوتوماتيك 2010

المشاركة الأصلية كتبت بواسطة attaromar

امجد باشا انا في الاصل ما صدقت ان صيانة الالف عدت و ماستنتش على العربية اروح الشغل 35 ك على الصحراوي بيها و افتح في السرعة....اول مرة كانت ال 160 صعبة....تاني مرة اسهل و تالت مرة ممكن تعدي هو ده تليين العربية ....تابع بعينك ال rpm هاتلاقي كل مرة تجيب نفس السرعة عند ار بي ام اقل ....دلوقتي تجيب ال 170 مش تعبانة ....و رجعت تاني تسمع الكلام و تشد....بس المشكلة ان ممكن في ناس تأقلم نفسها بسرعة على العربية لو متغيرة هي ممكن تكون اتغيرت عن اول ماجبتها لان اصبح صوت الموتور عالي و هي على المور...مش عالي غبي بس مش زي اول ماشترتها ممكن اتزاول و اعمل مارش ادور و تبقى دايرة اصلا...اتقاللي ان ده بسبب ان زيت الفابريكة اللي فيها بيبقى ليه مواصفات خاصة...و بعد ماتحط شل الترا الموتور اداءه بييتغير....انا شوفت ناس فالمنتدى نصح هيونداي بنوع زيت تاني هو شل بلس و ده تقريبا اللي هاجربه الصيانة الجاية
القرص على العربية صحي جدا و مفيد علشان تطبع الكامات على مشوار الضغط و كلام كتيير هاتلاقيه في المنتدى في القسم التعليمي....بصراحة انا استريحت للكلام لأن الناس فاهمة و جايبة دلائل علمية على ان القرص على لموتور مهم...
اداء العربية اصبح مقبول...بس خلي بالك
الكوري مش زي الياباني....اوتوماتيك و محمل و سفر و تكييف يبقى مش تقرص على البنزين.....ابدأ بالراحة خالص و انت هاتحس ال العربية من صوتها امتى بتستجيب...امشي نص المسافة 90 - 100 و الباقي ابدأ تقل رجلك تدريجيا عالبنزين و هات ال 140 و لفترة طويلة...و حاول تشد بيها قبل التحميل و هي فاضية و من غيير تكييف...و بعدها شغل تكييف و اجري...و ارجو انك تفيدني لو وصلت لحاجة

أوعدك يا باشا انشاء الله الاسبوع الى جاى اجرب الى انت قولت عاليه يعنى هاخد العربيه كده لغاية الريست مثلا على 100 او 120 وبعد كده ابدأ اشد لغاية 140 وانا راجع من اسكندريه ابتدى ب 120 لغاية الريست وبعد كده من الريست لمصر 140 لغاية 160 وربنا يسترها انشاء الله بس على فكره كلمك عن الزيت مقنع جدا انا حاسس ان الشيل ده من ايام عربيتى القديمه (فورد فيستا) مش حلو بس هعمل ايه لازم اسمع كلام التوكيل المهم شكله ايه زيت شيل بلاس ده لون الجيركن بتاعه ايه وسعره كام فى التوكيل ياترى - شكرا

بص حلك عندى
انت اكيد غسلت موتور العربيبه بعديها بالميه وعشان العربيه دى اكيد هتبقها(injection ) فلازم تكشف على كهربة العربيه

المشاركة الأصلية كتبت بواسطة hancok

بص حلك عندى
انت اكيد غسلت موتور العربيبه بعديها بالميه وعشان العربيه دى اكيد هتبقها(injection ) فلازم تكشف على كهربة العربيه

باشا عاوز اقولك انى بخاف امسح العربيه من التراب لا تتجرح من الفوطه يبقى هغسل الماتور، انا بسيب العربيه بترابها بس بغطيها كل ما بركنها وبغسلها مره كل اسبوعين فى البنزينه بس غسلة صح وارجع اغطيها لكن عمرى ما جبت ميه فى الموتور اقصه حاجه هو نفخ الموتور بالهواء لكن ممكن يكونوا فى التوكيل غسلوه على العموم انا قولت انى ابتديت احس ان العربيه بتخف وهحكم عليها اكتر انشاء اله فى السفريه القادمه يوم الخميس انشاء الله.

على فكره غلط انك تغسل الموتور ولو حتى من تحت

فى اسبريه لتنضيف الرشاشات اسمو اسبريه انجيكشان لو عملتها ونضفت الرشاشات بتاعت البنزين هتحس بفرق

وخليهم فى التوكيل يشوفوا كهربة العربيه

وانشاء الله هتوصل ل 100 فى 10 ثوانى

المشاركة الأصلية كتبت بواسطة hancok

على فكره غلط انك تغسل الموتور ولو حتى من تحت

فى اسبريه لتنضيف الرشاشات اسمو اسبريه انجيكشان لو عملتها ونضفت الرشاشات بتاعت البنزين هتحس بفرق

وخليهم فى التوكيل يشوفوا كهربة العربيه

وانشاء الله هتوصل ل 100 فى 10 ثوانى

ياباشا ميرسى لرد حضرتك بس عاوز اقول لحضرتك ان العربيه عامله 5000 كيلو يعنى مالحقتش الرشاشات يجرى ليها حاجه ده للافاده فقط

ياعم العربيه مفيهاش حاجه

كل القصه تربيط العربيه وشكرا بيخلي العربيه ماسكه نفسها تحس انها اتقل شويه

بعد ما التربيط بيروح والعفشه بتفك شويه بتلاقي القصه زي الفل

هما في التوكيل مش بيفتوا يعني دي صيانه عاديه


عموما ده عيب شخصي انا متاكد 100/100 انه شك فقط لا غير

اطمن عربيتك زيرو مفيهاش الهوا ياباشا عيش حياتك



والاستاذ الي بيقول ان العربيه التليين ان كل فتره تجيب سرعه على ار بي ام اقل؟؟؟؟ ده كلام ملوش علاقه بالصحه نهااااااااااائي

عموما مفيش افضل من زيت ال 5 الف الاصفر ملوش حل عن تجربه