تعاله أقولك تلغى ازاى الصفاره اللى بتشغل بعد ال120 فى الويرا
فيه طريقتين تقدر تلغى بيهم الصفاره
الطريقه الأولى انك تشيل الصفاره نفسها من الطبلوه
بس لو شلتها مفيش صفاره هتشتغل لما تفتح الباب وأنته حاطط المفتاح فى الكونتاك أو لو نسيت النور الصغير شغال قبل ما تنزل من العربيه
الطريقه التانيه ان تفك طقم العداد وطبعا" الطريقه ديه سهله ومش هتاخد أكتر من 30 دقيقة بالكتير
لأنك هتفك الوش الأبنوس فقط
بعد ما تفك العداد هتلاقى شكله كده من الخلف
http://sub3.rofof.com/img4/06yqxbj29.jpg
لو لاحظت هتلاقى جزء صغير من الخريطه مقلوب لونه بنى ورايح على السنسور أو حساس السرعه
http://sub3.rofof.com/img4/06lujtn29.jpg
الجزء ده هوه اللى خاص بتوصيل الصفاره بالحساس
طبعا" هتفك المسمار وهتنزل الجزء ده من الفلاته تحت وردة الحساس
متقطعوش خالص من الخريطه نزله تحت أو أبعده عن المسمار بالشكل ده
http://sub3.rofof.com/img4/06zomph29.jpg
http://sub3.rofof.com/img4/06ymekn29.jpg
بس كده أنته كده لغيته
لو حابب ترجعه تانى أعمل نفس الخطوات وخلى الفلاته البنيه فوق الورده الخاصه بالحساس وأربط المسمار بحيث تخلى رأس المسمار فوق الفلاته فوق الحساس
أوقات فى بعض الموديلات مش هتلاقى الحساس ده شغال ومش موجود أساسا"
وفيه موديلات تانيه الحساس موجود فيها بس مش شغال
وفيه موديلات هتلاقى الصفاره ديه مبتشتغلش بس لمبة الأعطال بتنور لما بتعدى سرعة 90
لكن مبتعملش أى خلل فى النظام
أقولك ليه
دايرة السنسور واصله بالكنترول فبتخليه يدى عطل فى النظام يظهر فى لمبة الأعطال وطبعا" الكلام ده مش فى كل الموديلات
والعطل ده والله أعلم ليه علاقه بجزء معين فى الكنترول يفتح على السرعات العاليه زى اللى فى بوابة الكربراتير فيه جزء بيفتح على السرعات العاليه عن طريق شفاط أعلى الكربراتير
يعنى من أخر لو لغيته ولمبة الأعطال منورتش ميحصلش حاجه
ولو لمبة الأعطال كانت بتنور عندك أساسا" من الأول ولفيت ومعرفتش العيب فين وصله وأدعيلى
تحياتى .
السلام عليكم ورحمة الله وركاته
الله ينور عليك ياهندسه ، بس في استفسار صغير كده هو نفس مكان الحساس في الويرا في كل بروتون جين 2 و واجا لو كان كده ممكن نغير صوت الحساس ونخليه صوته زي بتاع الألنترا (تن تن) هل ممكن