جين 2 2010 اتوماتيك part two

**basemsaeed** · 08-07-2010 03:54 PM

المشاركة الأصلية كتبت بواسطة mahmoudsk

لأ يا جيناوية مش عاجبني خالص
طبعا انا بعشق حاجة اسمها جين 2
انا بدرس السوق بقالي 3 سنيين ووجت ان دي احسن عربية بالنسبة لي

حوار التقفيل ده انا حابب اقولو للناس عشان ينزلو على ارض الواقع
لأني بحس من طريقة كلام معظم اللي في المنتدى انهم رايحين يشتروا أوستن مارتن ولا حاجة
يعني الناس بتقعد تدقق في حاجات عادية بالنسبة لعربية متوسطة السعر

ميدو باشا
متشكرين على نصيحة ظبط الكاوتش

باشمهندس محمد
اكيد معروفة قصة العفشة الرياضية دي
بس انا اعتقد ان العفشة بتاعت عربيتنا مش رياضية اوي زي ما حضرتك متصور اكيد هما بردو عاملين حسابهم ان دي عربية للمدن بردو
اكيد حوار تظبيط الكاوتش ده حيعمل حاجة ان شاء الله لأني فعلا حاسس انو منفوخ على الآخر
واكيد في حاجات تانية بتعمل سبات على السرعات زي عرض الكاوتش مثلا (عندنا 195 يعني بطل)
اما بالنسبة للمقطع الاخير
انا بسأل بجد على الخطوة اللي بعد كدة
يعني مثلا الاستيكر بتاع المنتدى اه نظامه
الفرش اجيبه منين والتليين اه حكايته وكده يعني

بالنسبة لرد حضرتك ده,انا سألت لانى عاوز اشترى عربية تريحنى,عربية حدفع فيها فلوس تعبت فيها
و فى الاخر لازم الواحد ياخد حاجة تريحه بش تتعبه,عشان كده بسأل قبل ما اخد قرار الشراء اللى محيرنى فعلا
الحكاية بش حكاية الناس اللى بتسال فى المنتدى انهم عاوزين يركبوا عربية استون مارتن ولا حاجة
الحكاية ان الناس تعبت فى الفلوس اللى حتشترى بيها العربية و عاوزة حاجة تريحها و متسمعش تكة و تزيقة و بش عارف ايه,لان الناس بتضايق لما تسمع كده و العربية لسه جديدة لانج و على الزيرو كمان
بس انا حبيت اوضح لحضرتك فكرتى و فكرة معظم الناس اللى علقت
و شكرا

**mahmoudsk** · 08-07-2010 06:27 PM

هو واضح ان الموضوع اختلاف في الشخصيات يا فندم
انا ممكن اقبل حاجات بسيطة في تقفيل العربية ممكن تتعالج بسهولة
لكن تبقة بالنسبة لحضرتك موضوع مؤثر
ووالله يا فندم انا زي مقولت لحضرتك بقالي 3 سنين بدرس السوق عشان تعبان في الفلوس
كل العربيات اللي في السعر ده فيها مشاكل يعني مفيش حاجة كاملة
انا اشتريت الجين 2 وانا عارف كل المشاكل اللي فيها عشان انا لقيت ان العربية دي احسن عربية تناسبني
يعني انا موافق عليها بعبلها زي مبيقولو

انا حاولت أوضح الصورة لحضرتك على اد مقدر
ويارب يوفقك لما هو فيه خير لك

**Raul_7** · 08-07-2010 10:48 PM

المشاركة الأصلية كتبت بواسطة أبومريم

اللي بيشتكي من نشوفية العفشة ينزل يجرب السيراتو وهيرجع يبوس راس الجين 2 ويعتذرلها

عندك حق والله, أنا واحد صاحبي معاه Cerato ركب معايا الجين بيقولي عربية مريحة.

**basemsaeed** · 11-07-2010 07:55 PM

المشاركة الأصلية كتبت بواسطة mahmoudsk

هو واضح ان الموضوع اختلاف في الشخصيات يا فندم
انا ممكن اقبل حاجات بسيطة في تقفيل العربية ممكن تتعالج بسهولة
لكن تبقة بالنسبة لحضرتك موضوع مؤثر
ووالله يا فندم انا زي مقولت لحضرتك بقالي 3 سنين بدرس السوق عشان تعبان في الفلوس
كل العربيات اللي في السعر ده فيها مشاكل يعني مفيش حاجة كاملة
انا اشتريت الجين 2 وانا عارف كل المشاكل اللي فيها عشان انا لقيت ان العربية دي احسن عربية تناسبني
يعني انا موافق عليها بعبلها زي مبيقولو

انا حاولت أوضح الصورة لحضرتك على اد مقدر
ويارب يوفقك لما هو فيه خير لك

انا مع حضرتك فى حكاية انها اختلاف شخصيات او نقدر نقول افكار او وجهات نظر
انا عارف ان حضرتك تعبان فى الفلوس اللى جبت بيها العربية و ربنا يكرمك بيها و يكفيك شرها و يباركلك فيها
و انا مقولتش حاجة غير كده ,انا بس حبيت اوضح لحضرتك فكرتى و فكرة معظم الناس اللى بتسأل
انا عن نفسى بش شايف فيه حاجة كاملة,الكمال لله واحده
انا بقالى سنة و نص تقريبا برده بدور زى حضرتك بالضبط كده و فعلا الواحد تعب من التفكير عشان يوصل لحاجة كويسة ,و شكرا لتوضيح حضرتك
و تقبل منى كل احترام و تقدير

**mahmoudsk** · 12-07-2010 10:57 AM

اسمع النصيحة دي يا باسم بيك
عن خبرة شخصية ومذاكرة قوية للسوق

لو انت متزوج وعندك اكثر من طفل
شيفورليه اوبترا اوتو فول 92000
امكانيات اقل وشكل اقل من الجين ولكن اوسع

لو انت اعزب او متزوج جديد
بروتون جين 2 اوتو فول 90000
امكانيات كبيرة وشكل خطير

**basemsaeed** · 13-07-2010 10:27 PM

المشاركة الأصلية كتبت بواسطة mahmoudsk

اسمع النصيحة دي يا باسم بيك
عن خبرة شخصية ومذاكرة قوية للسوق

لو انت متزوج وعندك اكثر من طفل
شيفورليه اوبترا اوتو فول 92000
امكانيات اقل وشكل اقل من الجين ولكن اوسع

لو انت اعزب او متزوج جديد
بروتون جين 2 اوتو فول 90000
امكانيات كبيرة وشكل خطير

شكرا يا محمود بيك على المعلومة

بص يا محمود انا اعزب,بس الحكاية بش كده,العربية اللى حشتريها دى حتبقى ليا و لاخويا,بس استعمالا ليا حتكون اكتر,بس الحكاية انى بفكر فى نيسان صنى او نيسان تيدا ده لو حجيب بالتقسيط و فكرت برده فى الاوبترا و فى الالنترا بس عشان كده محتار كتيير
و مستنى ردك برده تساعدنى يا محمود فى الحيرة دى
شكرا يا باشا

**mahmoudsk** · 14-07-2010 04:07 PM

المشاركة الأصلية كتبت بواسطة basemsaeed

شكرا يا محمود بيك على المعلومة

بص يا محمود انا اعزب,بس الحكاية بش كده,العربية اللى حشتريها دى حتبقى ليا و لاخويا,بس استعمالا ليا حتكون اكتر,بس الحكاية انى بفكر فى نيسان صنى او نيسان تيدا ده لو حجيب بالتقسيط و فكرت برده فى الاوبترا و فى الالنترا بس عشان كده محتار كتيير
و مستنى ردك برده تساعدنى يا محمود فى الحيرة دى
شكرا يا باشا

انا كان عندي نفس الحيرة دي بس حطيت شوية معايير لنفسي عشان امشي عليها وهي كالآتي:

أولا: انا محبش اربط نفسي بقسط مع بنك، فحددت اخري في الكاش (يعني بعد ما استلفت من ابويا وامي واخويا وعمي وخالي) وقررت على اساس المبلغ ده.
خلي بالك الموضوع ده بيزبط الدنيا كلها لأنه بيحطك في مدى صغير تفكر فيه، يعني شوف انتا آخرك كام وفكر في حدود المبلغ ده.

ثانيا: العربية لازم تكون اوتو

ثالثا: لازم تكون top of the range يعني اعلى حاجة في موديلها يعني فول فول فول اوبشن

رابعا: ودي اهم حاجة: لازم تكون العربية لها شخصيه
(يعني شكلها وسواقتها فيهم حاجة ..... انا مش عارف اشرحهالك بس هو احساس كده لما تشوف وتركب العربية)

حاول تحط لنفسك شوية معايير كده وان شاء الله تتوفق

**basemsaeed** · 15-07-2010 03:20 PM

المشاركة الأصلية كتبت بواسطة mahmoudsk

انا كان عندي نفس الحيرة دي بس حطيت شوية معايير لنفسي عشان امشي عليها وهي كالآتي:

أولا: انا محبش اربط نفسي بقسط مع بنك، فحددت اخري في الكاش (يعني بعد ما استلفت من ابويا وامي واخويا وعمي وخالي) وقررت على اساس المبلغ ده.
خلي بالك الموضوع ده بيزبط الدنيا كلها لأنه بيحطك في مدى صغير تفكر فيه، يعني شوف انتا آخرك كام وفكر في حدود المبلغ ده.

ثانيا: العربية لازم تكون اوتو

ثالثا: لازم تكون top of the range يعني اعلى حاجة في موديلها يعني فول فول فول اوبشن

رابعا: ودي اهم حاجة: لازم تكون العربية لها شخصيه
(يعني شكلها وسواقتها فيهم حاجة ..... انا مش عارف اشرحهالك بس هو احساس كده لما تشوف وتركب العربية)

حاول تحط لنفسك شوية معايير كده وان شاء الله تتوفق

شكرا يا محمود
وفعلا ان شاء الله ححط لنفسى معايير على اساسها امشى و ربنا يوفق ان شاء الله