الحمد لله ....وصلت الساجا بسلام الى ارض مدينة نصر
الحمد لله يجماعه النهارده عربيتى الساجا جت فرع مدينة نصر بعد عذاب وطول انتظار لمدة 3 شهور على التوازى:ask:
طبعا اول ماروحت لقيت ايمن باشا واستاذ عمرو موجودين هناك عشان يشيكو معايا على العربيه :36_3_18[1]:
وطبعا ياجماعه الرجاله دى الواحد مش عارف يقول فى حقهم ايه ولا ايه سواء كان ايمن اللى بقالوا اكتر من اسبوعين متابع معايا عشان يسلمنى انا وزمايلى فى عز امتحانته وكان على طول مابين الصحراوى وبين مدينة نصر وكان متابعنى باستمرار
او طبعا استاذ عمرو اللى مابيتاخرش عننا فى حاجه والراجل بيجى من بيته او شغله مخصوص عشان يشيك معانا على عربياتنا بصراحه الكلام حيبقى قليل فى الناس المحترمه دى
نرجع تانى لموضوع التشيك وكل حاجه تمام والعربيه بصراحه مرسومه ومفيهاش غلطه بره وجوه:36_1_1[1]: ولكن الحلو كان ناقصه دقه عشان يكمل بصيت لقيت على الاكس ضم من ورا خدش كده وتقشيره خفيفة طبعا قلبت المود بتاعى 180 درجه :fdsa:
ولكن عم عبد المقصود قالى حيطلعها بالبولش وانا بحملة المسئولية كاملة والجماعه قالو حتى لو مطلعتش حنكتبها فى الاستلام وتتعمل فى التوكيل وبينى و بينكو انا معنديش استعداد انشف دماغى واقول مش حستلم لانى بصراحة زهقت من الانتظار واهى تبقى خدت العين وخلاص والحمد لله على كل حال ويبقى كده باقى الترخيص فى انتظار الافراج الجمركى ربنا يسهله ويجى بقى :rfds:
وعقبال بقى بقيت زمايلى (الشربينى واحمد ) اما يستلموا على خير ان شاء الله بس من غير خدش ولاتقشيره فى الاكس ضم
