حكاية واحد حب يتفرج عالسيول وكان واخد مقلب في ال4*4 بتاعته

**كابوس الليل** · 30-06-2010 03:05 AM

بسم الله الرحمن الرحيم
السلام عليكم ورحمة الله وبركاته

منقــــــــول

في يوم ليس بالبعيد
كان في سيول كتير في السعودية
فصاحبنا صاحب العربية دي

بحكم إنه راكب لاند كروزر
حب يطلع يتفرج على ما تبقى من أثار الأمطار والسيول وكان معتمد قوي إنه راكب لاند كرورز لكن تقديره خانه

شوية بشوية لقى نفسه بيدخل أكتر في الطين والعربية ماشية معاه

وبعد شوية إتفاجئ بنفسه مغروز والعربية وسط بركة من الطين

المهم ساب عربيته للصبح ورجع الصبح بجرار عشان يسحبله عربيته ويخرجهاله من الغرزة

وكانت دي النتيجة

وبعد عناء طويل فقدوا الأمل في الجرار اللي جابوه يخرج الجيب
فجابو عربية نقل تخرج الجرار اللي جابوه يخرج الجيب

وكانت النتيجة إن النقل بقت عاوزة حد يخرجها

شوفوا كولمان المية عشان تحسوا بالمعاناة

المهم بعد عناء طويل برضوا فقدوا الأمل في النقل اللي جابوها تخرج الجرار اللي جابوه يخرج الجيب
فجابو بلدوزر يخرج العربية النقل اللي جابوها تخرج الجرار اللي جابوه يخرج الجيب

حد شايف لعجلاته ملامح؟؟

وكانت النتيجة إن البلدوزر بقى عاوز حد يخرجه

فكان لا بد من دورين شاي خمسينة للرجالة

وبعد عناء طويل برضوا فقدوا الأمل في البلدوزر اللي جابوه يخرج النقل اللي جابوها تخرج الجرار اللي جابوه يخرج الجيب
فجابوا الدفاع المدني يخرج البلدوزر اللي جابوه يخرج العربية النقل اللي جابوها تخرج الجرار اللي جابوه يخرج الجيب

وللأسف وصل الدفاع المدني
ويا ريته ما وصل

طبعا عارفين النتيجة

الله ينور عليكم
فعلا غرز الدفاع المدني

**كابوس الليل** · 30-06-2010 03:06 AM

وبعد محاولات مضنية لإخراجه
فقدوا الأمل في الدفاع المدني اللي جابوه يخرج البلدوزر اللي جابوه يخرج النقل اللي جابوها تخرج الجرار اللي جابوه يخرج الجيب
فجابوا معدة ثقيلة تخرج الدفاع المدني اللي جابوه يخرج البلدوزر اللي جابوه يخرج العربية النقل اللي جابوها تخرج الجرار اللي جابوه يخرج الجيب

وكالعاااااااااااااادة
وفي وسط محاولته لإخراج ال.... "مش فاكر هو كان بيخرج إيه بالظبط"

المهم يعني
غرز هو كمان

فبقوا مضطرين يخرجوا المعدة الثقيلة اللي جت تخرج الدفاع المدني اللي جابوه يخرج البلدوزر اللي جابوه يخرج العربية النقل اللي جابوها تخرج الجرار اللي جابوه يخرج الجيب
لا بجد انا تعبت اللي هيقولها لوحده ليه مني هدية

فأخيرا ربنا هداهم لفكرة إنهم لازم كانوا من الأول يجروهم بجنزير من بعيد

والحمد لله خرجوا جميعا بعد شقاء ومعاناة

وكانت دي النتيجة

نخرج بقى من القصة دي بإيه؟؟؟
إن أصحاب العقول في راحة

**yoko** · 30-06-2010 03:08 AM

(شبه قصة فركيكو بتاعت زمان)

**ashouhdy** · 30-06-2010 03:32 AM

جامدة بهبل !!!!

**Ahmed Samy** · 30-06-2010 03:45 AM

نخرج من القصة دي ان التقدم مش بالمكنة ....

باللي سايق المكنة

لو في اللي واقفين (اللي كلهم هنود و سعوديين) شغل اللي تحت الغترة دي شوية كان عملها

و بعدين هنا في مصر الحاجات دي مستحيل تحصل لنا لأننا دايما بنفكر بشكل عملي و ما بنغلطش الغلطات الغبية دي

هنا ..عمرنا ما كنا هانبعت حد يطلع صاحب الجيب

ياكش يولع

**كابوس الليل** · 30-06-2010 04:06 AM

المشاركة الأصلية كتبت بواسطة Ahmed Samy

نخرج من القصة دي ان التقدم مش بالمكنة ....

باللي سايق المكنة

لو في اللي واقفين (اللي كلهم هنود و سعوديين) شغل اللي تحت الغترة دي شوية كان عملها

و بعدين هنا في مصر الحاجات دي مستحيل تحصل لنا لأننا دايما بنفكر بشكل عملي و ما بنغلطش الغلطات الغبية دي

هنا ..عمرنا ما كنا هانبعت حد يطلع صاحب الجيب

ياكش يولع

وهوا اكيد مفيش مصرى حينزل يتفرج على السيول اصلا

ده غير اننا معدناش سيول كتير

انا بعتلك مسج على الخاص شوفها يا دكترة

**misoalex** · 30-06-2010 04:06 AM

كل ده عشان صاحب الجيب
والدفاع المدنى كمان

ليه هو تبع مييييييييييين فى مصر

**Mostafa.Mahran** · 30-06-2010 04:19 AM

بسم الله ما شاء الله

هى الناس دى بتفكر ازاى؟

-

-

الموضوع: حكاية واحد حب يتفرج عالسيول وكان واخد مقلب في ال4*4 بتاعته

LinkBack

أدوات الموضوع

عرض

حكاية واحد حب يتفرج عالسيول وكان واخد مقلب في ال4*4 بتاعته - انشر الموضوع فى :

-

-

-

-

-

-

-

المواضيع المتشابهه

كل واحد يورينا الBackGround بتاعته عايز اشوف ابداعات

الموضوع النهائى لكل واحد عايز يجيب حاجه للهوندا بتاعته من بره

حكاية يوم صعب قوي .. وكان الموتور هيروح يا ولداه

بحب الادا بس واخد فيها مقلب محترم

Missing You All My Friends.......ما تيجوا كل واحد يقول خمسة كلمات عن سوبارو بتاعته

الكلمات الدلالية لهذا الموضوع

المفضلات

المفضلات

ضوابط المشاركة