يعنى الاوبترا انضف بكتيييييييير من الفيرنا عربية تانية اصلا
عرض للطباعة
اعتذر انى مافهمتش حضرتك
انا طبعا جربت الفيرنا وهى عربية حلوة قوى قوى بالنسبة لامكانياتها وتمنها بس ده لو طريقة قيادة حضرتك هادية ورزينة لان العربية خفيفة شوية
لكن بالنسبة للاوبترا ليس عندى اى معلومة عنها لكن اكيد فرق السعر مش من فراغ
يعنى دى شريحة ودة شريحة
وربنا يوفقك
الاوبترا من النوادر اللي ما حدش اشتكي منها خااالص بمعني الكلمه
يعني اتفرج علي المنتدي في اي مكان هيونداي النيو اكسنت فاضحه الدنيا
الافيو في عضو هنا عايز يغيرها بعربيه كارو
حتي الفيرنا في منها طلع فيه بارومه وهو زيرو ودا يديك فكره عن مستوي التقفيل وكفائه غبور
الا الاوبترا بصراحه هيه اختياري القادم ان شاء الله او اني ابدا اتاجر في المخدرات واجيب ال 318 الجديده هههههههههه
وايه رايكوفى الجيتز؟
الفيرنا عربية محترمة رغم أنف المشككين وهى السيارة الاولى فى مصر - احنا معانا الفيرنا والاوبترا ولا يوجد فرق يستاهل حتى 4000 مش 14000 - توكل على الله اشترى الفيرنا ولن تندم
هات الفيرنا .... هو فية فرق طبعا بس مش مستاهل 14000 جنية
عموما مفيش عربية تستاهل ثمنها فى مصر
شوف امكانياتك اية و دماغك اية و توكل على اللة بس نصيحة عن تجربة منصور لا لا لا
الفيرنا و الاوبترا واحد بس الاوبترا اوسع شوية
بص يا سيدي الفاضل
هو ما دام انت سواقتك هادية ومش بتحب السرعة يعني هتكون تحت ال 120
ودا معناه انك مش هتحس بفرق ملحوظ بين الفيرنا والاوبترا من حيث الأداء
ولكن السحب هيختلف من الاوبترا عن الفيرنا مع تشغيل التكييف
لأن التكييف في الفيرنا بيموت الموتور شوية
بيموته مش معناه ان العربية ما بتمشيش لا بتمشي ولكن لحد ما توصل للغيار التالت بتحس ان العربية بتعاني
اول ما تدخل في الرابع العربية بتكون عادية جدا ومفيش اي فرق خالص دي نقطة
الحاجة التانية الوكيل:-
اسم منصور شيفرولية لوحده يعتبر ضمان غير عادي لأي عربية شيفروليه وهو الوكيل الأفضل في مصر -من وجهة نظري-
اعمل مقارنة بسيطة وشوف ايه يناسبك
سهولة الصيانة وقطع الغيار والسلاسة وقوة الموتور في صالح الفيرنا
الثبات والتقفيل والعزل والوكيل في صالح الاوبترا
ازاى مواتير الهيونداى كلها واحد .... موتور الفيرنا هو هو موتور الانترا القديمة اللى كانت لحد 2006 ... و فى النيو اكسنت و الماتريكس نفس الموتور بس متعدل فيه وش السلندر و حبة حاجات كده مش فاكرها بصراحة ... انما موتور الانترا مختلف تماما عنهم و مالوش اى علاقة بيهم ..... و المقارنة بين العربيات فى الهيونداى اكيد مش بالشكل انما باحتياجات الواحد .... يعنى مثلا لو واحد غاوى جرى و بيطلع كتير عالطريق يبقى صعب انه يجيب فيرنا او ماتركس لأن الفيرنا بتغرى الواحد انه يجرى مقابل ثبات مش عالى ... و لاحظ انى بقول مش عالى انما مش معنى كده انه وحش بس انا قصدى على السرعات العالية قوى .... و الماتريكس عربية عائلية و واسعة .... و الالنترا عربية سيدان و افضل من التانيين بكتير على الطريق ... طبعا العفشة مختلفة تماما فى العربيات كلها .... و المتحكم الاول فى قرار الشراء يبيقى السعر و احتياجات الواحد
و بالنسبة للموضوع الاساسى ... طبعا فرق كبير بين الفيرنا و الاوبترا .... الاوبترا عربية اوسع .... عفشة امتن .... ثبات اعلى بكتير .... و لكن استهلاك بنزينها اكتر من الفيرنا ... و كسواقة خشنة عن الفيرنا ... عشان كده شوف انت مجتاج ايه فى العربية و هلى الحاجات دى هاتفرق معاك نفس فرق السعر و لا لأ