ازاي تعرف العربيه الراشه

**mahmoud_anwar** · 30-06-2010 01:00 PM

بسم الله الرحمن الرحيم

انا بجد نفسي اعرف العربيه الي راشه من الي مش راشه انا بعرفها بي حجات عبيطه كده يعني لما القي في دوكه علي المسامير الي بتكون علي علبه المساعد الي في الحوض
او مثلآ علي الأسلاك او الخرطيم بتاعت الماتور ده الي يعتبر الرش الزباله
لكن في ناس محترفه في الرش ومع الرغم من ذلك مابعرفش اكتشفه لكن خالي بيعرف واسئله يقول دقق في الألوان هتلقي متغير بعض الشيئ بس برضه مش معترف بي المعلومه دي لي ان ممكن الراجل يرش العربيه كلها لون واحد هتكتشفه ازاي ما كده الون هيندمج مع بعض
فا حبب الناس هنا تحط خبرتها في الموضوع ده لي تعم الفائده

**kh_talaat** · 30-06-2010 01:09 PM

مره كنت في محطة بنزين في شبرا وكنت بكشف على عربية لقيت عندهم جهاز صغير قد ولاعة السجائر بيحطه على جسم السيارة والجهاز فيه لمبة صغيرة

- لو نورت اخضر يبقى الدوكو فابريكه
- نورت اصفر يبقى راشه بس مش واخدة معجون كتير
- نورت احمر يبقى راشه وواخد معجون كتير

**mahmoud_anwar** · 30-06-2010 01:52 PM

المشاركة الأصلية كتبت بواسطة kh_talaat

مره كنت في محطة بنزين في شبرا وكنت بكشف على عربية لقيت عندهم جهاز صغير قد ولاعة السجائر بيحطه على جسم السيارة والجهاز فيه لمبة صغيرة

- لو نورت اخضر يبقى الدوكو فابريكه
- نورت اصفر يبقى راشه بس مش واخدة معجون كتير
- نورت احمر يبقى راشه وواخد معجون كتير

طيب الجهاز ده متوفر في كل البنزيمات ولا البنزينه دي فقط

**levelpower** · 30-06-2010 02:08 PM

و فى حاجه كمتن انت ممكن تخبط بايدك على العربيه و تشوف نوع الخبطه صوتها مكتوم تبقى واخده معجون جامد و لو مشوخده بتدى صوت عالى زى طرقعه كده و فى حجات تانيه بس انا مش عارفها

**HanyAziz** · 30-06-2010 03:09 PM

هات مسمار صغير وخربش فى مكان مش ظاهر فى الحوض او الشنطه وتحت الدوسات للاطمئنان على الدواخل لو المكان اللى خربشت فيه ظهر معجون تبقى راشه لو ظهر الصاج تبقى فابريكه ونفس الطريقه بالنسبه للخوارج بس برضو فى مكان مش ظاهر دى طريقه قالهالى تاجر عربيات صاحبى وجربتها عى عربيتى فعلا اثبتت صحتها فلا انى الدواخل فابريكه وراشه بره مناطق

**mahmoud_anwar** · 30-06-2010 03:21 PM

المشاركة الأصلية كتبت بواسطة levelpower

و فى حاجه كمتن انت ممكن تخبط بايدك على العربيه و تشوف نوع الخبطه صوتها مكتوم تبقى واخده معجون جامد و لو مشوخده بتدى صوت عالى زى طرقعه كده و فى حجات تانيه بس انا مش عارفها

ايوه دي الحركه دي تعملها علي الصاج من الخارج اما الداخل مينفعش تعمل معها الحركه دي لي ان الحوض انشف من الصاج

**mahmoud_anwar** · 30-06-2010 03:23 PM

المشاركة الأصلية كتبت بواسطة hanyaziz

هات مسمار صغير وخربش فى مكان مش ظاهر فى الحوض او الشنطه وتحت الدوسات للاطمئنان على الدواخل لو المكان اللى خربشت فيه ظهر معجون تبقى راشه لو ظهر الصاج تبقى فابريكه ونفس الطريقه بالنسبه للخوارج بس برضو فى مكان مش ظاهر دى طريقه قالهالى تاجر عربيات صاحبى وجربتها عى عربيتى فعلا اثبتت صحتها فلا انى الدواخل فابريكه وراشه بره مناطق

ياباشا معتقدش صحابها هيسبك تخربشها
طيب انا برضه لزم ابص في الصالون من جوه علي الدوسات دي لزم وازاي اعرف ان فيها مشكله

**kh_talaat** · 30-06-2010 08:03 PM

المشاركة الأصلية كتبت بواسطة wassof

طيب الجهاز ده متوفر في كل البنزيمات ولا البنزينه دي فقط

الحقيقة معنديش فكرة بس انا كنت مره بشتري عربية ورحت كشفت عليها في البنزينه ولقيت عندهم الجهاز دة وصاحب العربية كان بيأكد ان الصاج فبريكا والجهاز كشف عدم صدقه

تقدر حضرتك تسال في محطات البنزين المجاورة لك عن وجود اجهزة للكشف عن حالة الصاج لأن في برضه جهاز مختلف كنت شوفت فيديو له على اليوتيوب والجهاز دة فيه شاشه ديجيتال وبيقيس درجة المعجون تحت الدوكو من خلال تقريب الجهاز من الصاح وبيظهر على الشاشة درجة سُمك المعجون بالأرقام

**mahmoud_anwar** · 01-07-2010 01:41 AM

المشاركة الأصلية كتبت بواسطة kh_talaat

الحقيقة معنديش فكرة بس انا كنت مره بشتري عربية ورحت كشفت عليها في البنزينه ولقيت عندهم الجهاز دة وصاحب العربية كان بيأكد ان الصاج فبريكا والجهاز كشف عدم صدقه

تقدر حضرتك تسال في محطات البنزين المجاورة لك عن وجود اجهزة للكشف عن حالة الصاج لأن في برضه جهاز مختلف كنت شوفت فيديو له على اليوتيوب والجهاز دة فيه شاشه ديجيتال وبيقيس درجة المعجون تحت الدوكو من خلال تقريب الجهاز من الصاح وبيظهر على الشاشة درجة سُمك المعجون بالأرقام

شكرآ ياباشا علي اهتمامك الجميل
وانا هسئل برضه وناخد معلومه عن الجهاز ده علشان نستفاد
بس لو فيه تقنيه كدهي يبقا علي التجار يلا السلام

**al_manara** · 01-07-2010 03:04 AM

المشاركة الأصلية كتبت بواسطة hanyaziz

هات مسمار صغير وخربش فى مكان مش ظاهر فى الحوض او الشنطه وتحت الدوسات للاطمئنان على الدواخل لو المكان اللى خربشت فيه ظهر معجون تبقى راشه لو ظهر الصاج تبقى فابريكه ونفس الطريقه بالنسبه للخوارج بس برضو فى مكان مش ظاهر دى طريقه قالهالى تاجر عربيات صاحبى وجربتها عى عربيتى فعلا اثبتت صحتها فلا انى الدواخل فابريكه وراشه بره مناطق

الدواخل الناس بتاعت الدهان بتعملهالك ببوية نفس درجة اللون بمعني ا الدواخل لو بيضا بيديها معجون ابيض طبعا طبقة رقيقة جدا وبعدين بيرش وبعد كدة بتلاقية بيغسل الدواخل ويقعد يضبتها باليفة عشان تحس انها قديمة وبعدين بيرش عليها حاجة بتخلي اللون بتاع الدواخل يبقي مطفي عشان ما تعرفش تفرقة عن الفبريقة . (الكلام دة انا عرفتة وانا قاعد مع الميكانيكي . كان مغير نص لعربيتة ومحدش قدر يلاحظها ) بس دفع كام عشان يعمل كدة !! وفي وقت اد اية !! بلاش اقولكم .