حبوب منع حمل للرجال

**أحمد كمال** · 30-06-2010 04:17 PM

المشاركة الأصلية كتبت بواسطة korkor

واضح ياهندسه ان عندك خلفيه طبيه كويسه بس معلش لو قريت الطريقه المتوقع استخدامها مالهاش دعوه اساسا بايقاف انتاج الحيوانات المنويه تعمل علي تعطيل نشاط الحيوان المنوي قبل وصوله إلي الرحم وتزيل البروتين الحيوي في النطفة التي تحتاجه المرأة كي تحمل. معنى كده ان انتاج الحيوان المنوي مش بيقف ولا حاجه ده شغال زى الفل لكن ممكن تقول بتديله مهدئ للسرعه اول مابتطبل تاخده بيرجع الحيوان المنوى لاصله ووظيفته الاساسيه .

برضه حاجة ما تطمنش ..... لا يا عم .....

**korkor** · 30-06-2010 04:26 PM

المشاركة الأصلية كتبت بواسطة أحمد كمال

برضه حاجة ما تطمنش ..... لا يا عم .....

ده رايك ويحترم عايزين بقية الاخوه المتزوجين يتفاعلوا مع الموضوع وياريت لو فى اراء علميه من دكاتره المنتدى لتعميم الفائده فى المناقشه

**Ahmed Samy** · 30-06-2010 04:34 PM

الموضوع ما فيهوش رأي علمي حتى الأن

الكلام مش موضح هو هايشتغل على التكوين و لا على التخزين و لا على تغذية الحيوانات المنوية

و هايشتغل بميكانيزم شكله ايه

ما فيش معلومات متاحة كفاية علشان نقول نخاف ولا مانخافش

و عموما في طريقة أسهل

حط اللاب على حجرك و انسى

**korkor** · 30-06-2010 04:41 PM

المشاركة الأصلية كتبت بواسطة Ahmed Samy

الموضوع ما فيهوش رأي علمي حتى الأن

الكلام مش موضح هو هايشتغل على التكوين و لا على التخزين و لا على تغذية الحيوانات المنوية

و هايشتغل بميكانيزم شكله ايه

ما فيش معلومات متاحة كفاية علشان نقول نخاف ولا مانخافش

و عموما في طريقة أسهل

حط اللاب على حجرك و انسى

بغض النظر عن موضوع الميكانيزم وطريقه العمل هنفترض انهم اخترعوا حاجه زى كده والناس قالوا انهم جربوها ومافيش منها مشاكل واول ماتوقفها ترجع طبيعى زى الاول , هتوافق تاخد الحبوب دى والله التريقه المصريه الشهيره هتشتغل وماحدش هيرضى ياخدو ز

**M.Osman** · 30-06-2010 04:43 PM

المشاركة الأصلية كتبت بواسطة Ahmed Samy

و عموما في طريقة أسهل

حط اللاب على حجرك و انسى

**kemoelord** · 30-06-2010 04:47 PM

المشاركة الأصلية كتبت بواسطة أحمد كمال

المشكلة الكبيرة جدا في الموضوع هي الفرق الاساسي بين ال reproductive system في الذكر و الانثى

الانثى بتتولد و عندها مبيضين فيهم عدد محدد من البويضات .. و كل شهر مبيض منهما بالتبادل بيطلق بويضة الى الرحم و هي دي اللي لو حصل لها اخصاب بيحصل حمل .....

لما البويضات بتخلص خلاص ..... فينيتو ..... بح ..... مفيش تاني

يعني من الاخر السيدات ليهم expiry date من حيث التكاثر .... بعديه مستحيل حمل يحصل

بالنسبة للراجل الوضع مختلف ..... الراجل بعد البلوغ بينتج الحيوانات المنوية .... أيوة بينتج عن طريق انقسامات معقدة في خلايا في الخصيتين .... و نظريا يقدر يستمر في الانتاج لحد ما يموت

حبوب منع الحمل للسيدات ليها كذا ميكانيزم تشتغل بيه .... سواء انها ترقق بطانة جدار الرحم بحيث مايحصلش plantation للبويضة الملقحة .... أو توقف التبويض بشكل او باخر او تضحك عالجسم تفهمه ان فيه حمل اصلا فمايحصلش حمل تاني .... أو مثلا في حالة الرضاعة الطبيعية ارتفاع هرمون البرولاكتين بيسبب ايقاف التبويض..... الخ و اغلب التأثيرات دي يمكن عكسها سواء بايقاف استخدام الوسيلة او بادوية تعكس تأثيرها (زي مثلا الكابرجولين لتخفيض مستوى البرولاكتين) .... لان البويضات موجودة موجودة ...... و ممكن في أسوأ الظروف نعمل stimulation لخروج البويضات (عشان كده بعض علاجات عقم السيدات ممكن تتسبب في ولادة توائم و تلاتات و اربعات بسبب تحفيز التبويض)

انما للراجل ....... تخيل بقى لو وقفت انتاج الحيوانات المنوية و ما رجعش تاني لأي سبب .... هيحصل ايه؟ بالسلامة يا حبيبي بالسلامة .....

انا عن نفسي على جثتي استعمل حاجة زي دي

ما شاء الله واضح انك دخلت سنتين طب قبل ما تروح هندسه يا احمد باشا ههههههه بس والله افدتنا

المشاركة الأصلية كتبت بواسطة ahmed samy

و عموما في طريقة أسهل

حط اللاب على حجرك و انسى

طيب انا بحط اللاب على حجري بس بحط " ماخده " مثلا علشان السخونيه , الموضوع ده غلط ولا ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟ ليلتي زرقه لو طلع غلط علشان انا طول النهار اصلا على حجري

**Dojuar** · 30-06-2010 04:54 PM

المشاركة الأصلية كتبت بواسطة ahmed samy

و عموما في طريقة أسهل

حط اللاب على حجرك و انسى

هههههههههه

احسن من الكيميا برضو

**M.Osman** · 30-06-2010 04:54 PM

المشاركة الأصلية كتبت بواسطة kemoelord

طيب انا بحط اللاب على حجري بس بحط " ماخده " مثلا علشان السخونيه , الموضوع ده غلط ولا ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟ ليلتي زرقه لو طلع غلط علشان انا طول النهار اصلا على حجري

اعتقد بيكون تأثيره short-term بس

انا زيك برضه

**Ahmed Samy** · 30-06-2010 04:55 PM

المشاركة الأصلية كتبت بواسطة kemoelord

طيب انا بحط اللاب على حجري بس بحط " ماخده " مثلا علشان السخونيه , الموضوع ده غلط ولا ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟ ليلتي زرقه لو طلع غلط علشان انا طول النهار اصلا على حجري

برضه غلط

تكوين الحيوان المنوي محتاج درجة حرارة اقل من درجة حرارة الجسم الداخلية علشان كده ربنا فصلهم في تكوين خارجي للتبريد

مجرد حبس الخصيتين في درجة حرارة الجسم العادية (بدون تسخين خارجي) بيعرض انتاج الحيوانات المنوية للتشويه ..

لبس الملابس الداخلية الضيقة اللي بتضم الخصيتين الى الجسم مضر

الجلوس بشكل مستمر (زي في العربية مثلا) اللي بيجعل الخصيتين تحت الأفخاذ في وضع التصاق كامل أيضا مضر

وزيهم انك تحط مخدة تحت اللاب

خلي بالك

رحرح نفسك عل قد ماتقدر ولو على اللاب ...في ترابزة صغيرة بمروحتين تمنها بتاع 50 - 70 جنيه ممكن تحطها تحت اللاب و تهوي على اللاب و عليك بالمرة