انذااار اتصورت رادار طريق مصر-- اسكندرية

**solom_2010** · 30-06-2010 01:58 PM

السلام عليكم

هههههه بجد لازم ابدء الموضوع بدحكة اعذرونى القصة انى جاى من الساحل الشمالى الى القاهرة ماشى فى طريق وادى النطرون 150 -170 فى الرنج ده و لما دخلت مصر اسكندرية قلت حبقى محترم و امشى 100 مع انى كنت مستعجل جداا اول لما دخلت الطريق فضلت ماشى 100 لمدة 3 دقائق لقيت بى ام و اوبترا و ميكروباص و انتوا طبعا عارفين المكروباصات عارفين كل حاجه على الطريق نصيحه ( اول لما تلاقى ميكروباص على الطريق متسبوش لما يجرى اجرى معاه و لما يهدى معاه برضو ) المهم لما لقيتهم جاين من ورايه قلتلهم استنونى متسبونيش لوحدى هنا و اتكلت على الله و مشيت وراهم طول الطريق 140- 160 نيجي بقى للجزء المهم قبل الكرته بحوالى 2 كيلو و بعد مدخل مدينة 6 اكتوبر قلت اهدى يقى خلاص االحمد لله وصلت بالسلامة كنت جايب 103 او 104 كده لقيت فلاش قوى اوووووى نور فى و شى بس الظريف انى كنت بدحك فى اللحظة الى الفلاش نور فيهاا دى صحيح كانت الساعة 8:45 بليل فا خلوا بالكم من الرادار اللئيم ده يا جماعة

و بجد يا جماعة الطريق بقى حلووو جدااا و اسع و الاسفلت نضيف و اربع حارات و مغرى جداا للجرى انتا من غير ما تحس حتجيب سرعة عالية فخلي بالكم

**ahmedfouad** · 30-06-2010 02:18 PM

حمد الله على السلامة

**levelpower** · 30-06-2010 02:20 PM

الف شكرا ( ربنا يستر)
حمد لله على السلامة

**jojooo** · 30-06-2010 02:30 PM

لقيت فلاش قوى اوووووى نور فى و شى بس الظريف انى كنت بدحك فى اللحظة الى الفلاش نور فيهاا

حلوة دة علشان الصور تطلع حلوة برضة

**Abo_Lina** · 30-06-2010 02:41 PM

ما هما بيستنوا لحد ما تضحك و يصوروا ..
أنت لو ماكنتش ضحكت ماكنتش إتصورت

**shaddadfalcon1** · 30-06-2010 03:01 PM

ابقي عدي عليهم بقي عشان تاخد الصوره متبروزه واهي تبقي زكري حلوه

**ahmedfathi** · 30-06-2010 03:37 PM

طب عندى سؤال : انت لما اتصورت كنت ماشى برضو ورا بتاع الميكروباص ولا كنت سيبته ؟؟؟؟

ولو كنت سيبته ايه اللى خلاك تسيبه ؟

اصل انا مسافر ان شاء الله الاسبوع الجاى وناوى برضو امشى ورا ميكروباص