عرض للطباعة
السلام عليكم جميعا
محتاج رأيكم ضروري في Nissan Sunny 2010 EX مانيول وخاصة من ملاك السيارة من ناحية
- أستهلاك البنزين
-علوها وعدم أحتكاكها بالمطبات
-مساحة الصالون وخاصة الكنبة الخلفية
وياريت لو في عيوب معينة واجهتكم في السيارة لا تبخلوا علي بها
لاني ناوي اشتري عربية للعمر وهأدفع بالتقسيط فمش عايز اندم
وجزاكم الله خيرا
- الصني معروفة انها من العربيات اللي استهلاكها في البنزين عالي في فئتها.
- العربية عالية و مش بتحتك بالمطبات بس دي حاجة نسبية يعني لو انت مثلا هتملي العربيه ناس و شنط و هتاخد مطب عالي ممكن طبعا تحك منك بس انا مجربتش لاني معظم الوقت لوحدي فيها
- الكنبة الخلفية هي أحد عيوب الصني يعني لو حد طويل مش هيعد ورا مرتاح ابدا و خصوصا اذا كنت بتحب ترجع الكرسي ورا و انت سايق. الكنبة فعلا ضيقة
بس طبعا العربيه فيها مميزات تانيه كتير جدا يعني موتور كويس و عفشة و ثبات بس انت سألت علي النقط دي
و انصحك طالما هتجيب العربية بالتقسيط ما تفكر تجيبها سوبر صالون اوتوماتيك افضل يعني احسبها كده و شوف القسط هيبءي كام و لو لقيت انك تقدر عليه يبءي احسن
ولو انت حاسبها بالظبط علي ex saloon مش مشكلة برضه عربيه ممتازه
ربنا يوفقك وتجيب العربية الى ترضيك نفسيا انا عن نفسى شايف ان الصنى افضل قيمة مقابل ما تدفع
انا شارى صنى 2010 مانيوال وبالنسبة لتساؤلاتك
- بتعمل معايا 310كم فى الصفيحة فى الطوالى (مصر-اسكندرية الصحراوى) ودة على سرعات من 90 الى 110 على النقلة الخامسةو بالتكييف اعتقد دة استهلاك تحفة على عربية 1600cc بس محسبتهاش جوة البلد بالضبط بس برضة استهلاك احسن من عربيتى التانية السوزوكى سويفت
- العربية عالية عن الارض وعمرهامحكت معايا فى اى مطب بس بصراحة عمرى مملتها فى الصالون و الشنطة وعموما علوها عن الارض باين ان احسن من عربيات زيها كتير
-بالنسبة للكنبة الخلفية لو انت بتحب تفرد الكرسى وتعملة شيزلونج حتضايق الى وراك جدا ولو بتطلع الكرسى للامام حتبقى المساحة وراك حلوة جدا
بس يا سيدى انا معايا Ex A/T ABS عامل بيها 1200 كم خلال شهر
1. استهلاك البنزين داخل البلد 170 كم فى الصفيحة بالتكييف
2. العربية مش واطية و مش بتحك
3. على عكس المتوقع , الصالون الخلفى مش واسع
4. العربية طويلة شويه من ورا و ده بيضايق فى الركنة شويه
.5. العفشة ممتازة
6. التسارع معقول وليس ممتاز
عموما عربية كويسة و محترمة فى فئتها السعرية
ياريت حضرتك متحكمش على التسارع فى الوقت الحالى لان حضرتك عامل 1200 كم انت لسة مختش حاجة من العربية يعنى حضرتك العربية لسة بتسخن استنى كدة على ال5000 او 10000 كم و شوف بقى انا معايا سوبر صالون 2007 ما شاء الله عاليها التسارع عجيب ساعات مش بعرف اهديها .... اسف على الاطالة و ربنا يباركلك فيها ان شاء اللهاقتباس:
المشاركة الأصلية كتبت بواسطة aezzat
حضرتك علي فكرة في موضوعات كتيرة اوي اوي لازم تتصفحها هنا في المنتدي عن النيسان صني و هتعجبك اوي المواضيع ديه و هتستفيد بها
هل ال abs ليه مشاكل او صوت غريباقتباس:
المشاركة الأصلية كتبت بواسطة aezzat
وهل يمكن فصله عن العمل
مالوش مشاكل ولا صوت لأنه لا يعمل إلا في حالة إنزلاق احد إطارات السيارة اثناء الفرملة وهذا يحدث اثناء الفرملة القوية على الطرق المبتله او الرملية او اي طريق ذو تربه غير متماسكة مما يؤدي إلى إنزلاق احد الإطارات اثناء الفرامل.اقتباس:
المشاركة الأصلية كتبت بواسطة alrabeh
وفائدته الكبرى هي إمكانية إستمرار توجيه السيارة والتحكم فيها اثناء الفرملة على الطرق المذكورة سابقا مما يقلل إمكانية فقدان السيطرة على السيارة وعمل حادث لا قدر الله.
لو يوجد صوت اثناء عمل النظام في حالة الإنزلاق فقط فده طبيعي وناتج عن ظخ الزيت وتوقفة لعدد مرات كثيرة في الثانية الواحدة إلى واحد او اكثير من مساتر العجل من وحدة التحكم الخاصة بال abs.
ولا توجد طريقة تمكن سائق السيارة لفصله من داخل السيارة ببساطة لعدم وجود داعي لفصلة او تعطيله
لكن يمكن للفني بوقف عمل ال abs بفصل اي جزء موصل للكهرباء الخاصة بوحدة التحكم الخاصة بنظام abs او بفصل احد الحساسات من على العجل وفي هذه الحالة ستجد لمبة ال abs منورة في التابلوه..
الخلاصة لا تقلق:)
العربيا معايا 2007 تسارع ممتاز لما بحب اتسارع مع اي عربية اخرهم كانت ميجان وكتير لانسر عربية ما شاء الله عليها لانها ثابته وتقيله
السلام عليكم
انا معاى نيسان صنى 2010 مانيوال abd معدل استهلاك البنزين ممتاز بتعمل 310-330 كم فى الصفيحه فعلا معدل استهلاك بنزين ممتاز وبسرعه 90 -110 كم
بالنسبه للكنبه من ورا ضيقه مش اوى
والثبات ممتاز
التكييف ممتاز
عربيه ممتازه
شكرا لتوضيح حضرتك بخصوص ال abs وربنا يباركلك فيها
عملتها ازاي دياقتباس:
المشاركة الأصلية كتبت بواسطة ahmed_aly78
شكرا لك عالنصيحة بس انا باقارن بينها و بين الافيو الاوتوماتيك فى نفس الظروفاقتباس:
المشاركة الأصلية كتبت بواسطة u600
ان شاء الله الوضع حيتحسن بعد ذللك
ربنا يسهل و ربنا يبعد عنا شر هذه السيارات
كل الشكر لمن أعطاني رأيه وأن شاء الله هجيب الصني
بس كنت عايز أسأل سؤال هو التابلوه فيه منه لون غامق
وألوان الفرش برضه فيها غامق ولا لا
وياريت لو فيه حد لسه ما قالش رأيه في العربية يسجل رأيه وخاصة ملاك العربية
علشان يكون الموضوع مرجع لكل محتار
ولكم جزيل الشكر
التابلوه فيه منة غامق زي جوانب السيارة لون رمادي وفيه البيج هو اشيك بس بيتوسخ بسرعة