رشيد : الحكومة تدرس رفع رسوم تراخيص السيارات لتعويض دعم البنزين

القاهرة - أعلن المهندس رشيد محمد رشيد وزير التجارة والصناعة أن الحكومة تدرس حاليا رفع رسوم تراخيص السيارات والذى لا يتعدى حاليا 14 جنيها فى محاولة لتعويض دعم البنزين .

وقال رشيد ، خلال مؤتمر صحفى عقده على هامش وضع حجر أساس التجمع الصناعى لمجموعة التنمية الصناعية بمدينة السادس من أكتوبر ، إنه لا يعقل أن تكون هناك سيارة بنصف مليون جنيه وتدفع 14 جنيها سنويا للرخصة وتحصل على دعم بنزين .

وأشار وزير التجارة والصناعة إلى أن حصيلة الرسوم الجديدة التى سيتم تحصيلها ستوجه للانفاق على البنية التحتية خاصة الطرق والكبارى.

وأضاف أن الحكومة تدرس أيضا وضع عمر افتراضى محدد لكل سيارة على أن تخرج من السوق مع انتهاء عمرها الافتراضى مع إيجاد آلية لوجود تعويض مادى لأصحاب تلك السيارات وذلك فى محاولة للتغلب على مشاكل المرور والمحافظة على البيئة من التلوث.

وأوضح أن هناك سيارات فى مصر منذ 30 عاما ومازالت متواجدة داخل السوق - حسبما ذكرت وكالة أنباء الشرق الأوسط

منقول

هو السيد الوزير بيتكلم عن تراخيص السيارات فى دوله ايه بالظبط اللى ب 14 جنيه دا؟ انا عربيتى لما رخصتها وكان لسة التأمين الإجبارى مغليش دافع ما يقرب من 1000جنيه ضرايب وتأمين ورسوم ونماذج لل 3 سنوات لعربية فى فئة تحت 1600 سى سى

ده غير ان التأمين الإجبارى غلى ل 3 اضعاف قيمته بعد ما انا رخصت، يعنى الى هيرخص 3 سنوات حاليا هيلاقى نفسه داخل فى 1300 وللا حاجة

انا لست ضد رفع قيمة الترخيص لكن حكاية ان عربية بتترخص ب14 جنيه مصرى دى اعتقد انها ممكن تكون موجودة فى جزر القمر او ميكرونيزيا ، لكن ليس فى مصر

اقتباس:

---

المشاركة الأصلية كتبت بواسطة ahmedsamir79

القاهرة - أعلن المهندس رشيد محمد رشيد وزير التجارة والصناعة أن الحكومة تدرس حاليا رفع رسوم تراخيص السيارات والذى لا يتعدى حاليا 14 جنيها فى محاولة لتعويض دعم البنزين .

---

ايه التهريج ده 14 جنيه ايه ؟؟؟؟

و ده بقه سعر ترخيص العربيات فى مرور تورا بورا و لا فين بالظبط ????

يعنى تمن الملف + التأمين الاجبارى (اللى مالوش لزمة ) + الضريبة + رسوم اخرى (حوالى 5 جنيه) = 14 جنيه !!!!!!!!!!!!

يا بلاش والله العجله دلوقتي ترخيصها بــ 14 جنيه
قصدي العربيه

يا جماعة متظلموش الوزير
غالبا اارقم ده نوع من التخفيض علي سيارات الوزراء فئة النصف مليون فما فوق

يا جماعة انتوا فهمتوا الراجل غلط ده بيتكلم على الرسوم الترخيص قبل ما يدخل الوزارة
:D:D:D
دلوقتي هو مايعرفش اية اللي بيحصل بره مكتبه غير من سكرتيره

ده استهبال وعايوين مصوا دم الشعب المصري
ما كل الناس دي وكلينها ولاعة
حسبي الله ونعم الوكيل
ارحمنا بقى يارب

اتكلم ولا خليني ساكت ؟!!!؟؟؟

خليني ساكت أحسن