الف مبروك ... اسلوب شيق .
وربنا يتمم بخير
رقم العضوية : 45152
تاريخ التسجيل : 19Aug2009
المشاركات : 395
النوع : ذكر
الاقامة : Cairo
السيارة: ----
السيارة[2]: Proton Gen.2
الحالة :
أمس توكلت على الله و ذهبت لعز العرب في الصحراوي علشان أخطب منه جميلة الجميلات جين2(أحجز يعني) بعد قصة حب طــــــــــويـــــــــلــ ــــــــــــــــــــة من بعيد لبعيد.قابلت أ.محسن وقلت له أنا من طرف العزيز أيمن وجاي أحجز جين أوتو –(بعد تردد طـــــــويـــــــــــــــ ـل بين المانيوال و الأوتو)- قاللي تحب تستلم إمتى؟؟ قلتله طبعاً أحب أستلم دلوقت لو ينفع!!! قاللي لون إيه؟؟ قلتله رمادي.. قاللي ياللا استلم!!!إيه الحلاوة دي؟؟؟قمت كلمت أيمن وقلتله أنا جاي أحجز وشكلي حخلص دلوقت!! قاللي طيب أنا جايلك!!! أصل حظي الحلو إنه كان بيعمل صيانة في نفس اليوم!!طبعاً كانت مفاجأة جامدة وتوفيق من ربنا إن أيمن باشا بنفسه يجي يستلم لي الجين بتاعتي.. طبعاً شال عني هم الاستلام.رحت دفعت المهر وفوقه 150 جنيه لزوم تخلص ورق مش فاهم إيه كده وقعدت أنتظر...كان هناك جين رمادي واقفة زي العروسة أمام المبنى أول ما دخلت عيني وقعت عليها وشاورت لحماي (هو اللي كان معايا) عليها وقلتله هي دي –أصله مايعرفش شكلها أصلاً-المهم... محسن قال لنا العربية بتتغسل وقعدت أستنى...أستنى...أستنى...أستنى. .بعد انتظار طــويـــــل قاللي العربيه التانية طلع فيها خربوش صغير وحسلمك اللي واقفة بره دي !!!طبعاً فرحت لأني طول مانا قاعد ببص عليها وقلوب طالعة من فوق راسي!!!كان أيمن وصل بالسلامة وخرج يستلمهالي وخرجت معاه و كان معاه بروتوناوي ساجاوي زميل ربنا يكرمهم بصراحة عملوا الواجب وزيادة و فصصنا العربية وكان كل شيء تمــــام ما عدا شرخ صغير في الفانوس الخلفي أيمن قاللي أثبته في المحضر وخلاص..رجعت لمحسن وقلتله كله تمام قام مكلم اللي حيسلمني العربية و قعد يقلب فيها قلتله نثبت الشرخ ده قاللي أنا حاجيبلك واحدة تانية خالص!!!لييييه ؟؟؟ بعد ما فصصنا دي و أيمن كان راح يشوف عربيته!!!كلمت أيمن قاللي أنا معاك لو عاوز تغيرها نستلم التانية!!! -بصراحة ماشفتش جدعنة وذوق كده-وجاءت التانية نسخة من الأولى بس مش عارف ليه محبيتهاش و قعدو يمسحوها وأنا ببص عليها من غير نفس ففوجئت بنفس الشرخ بس في الفانوس الشمال فقلت للراجل خلاص أنا حاخد الأولانية إحنا حنقرف نفسنا ليه؟؟؟قاللي اللي انت عاوزه بس حسيت إنه عاوز يديني التانية!!! –يمكن مجرد احساس؟!!-وقف يا عم المسح وروح امسح الأولانية!!!دخلنا من الشمس و قعدنا نتفرج على العروسة وهم بيجهزوها ومحسن نبه علي لا أعطي عامل فلوس في إيده لكن لو عاوز أسيب لهم حاجة أسيبها معاه وبتتوزع عليهم آخر الشهر...( بصراحة حركة شيك لأن الجو بتاع كل سنة وانت طيب يا بيه ده بيبقى جو بيئة و بيلـزّق غير مريح. ) سيبت لهم 50 جنيه وطلعنا نستلم العروسة..بالعافية رض الموظف يثبت موضوع الشرخ –(مش عارف هو خسران إيه هو أنا يعني حاغيرة استخسار لو فضل زي ماهو صغير كده؟؟- ماستلمت المفاتيح و مضيت على الورقة ومع السلامة.. طيب يا اخوانا أنا مش حاخد أي ورقة؟؟؟ قالولي ماهي الورقة اللي معاك دي كفايا!!! -(ورقة استلام مافيهاش حتى ختم يعملها منظر)- وقاللي محسن الورق على الأسبوع الجاي إن شاء الله...توكلت على الله و سميت وركبت حبيبتي الجديدة (وشغلت التكييف) – أخيراً !!! - وفولت في شل اللي جنب التوكيل وانطلقت الى مصر الجديدة.طبعاً مشوار علقة في عز العصر و الزحمة وتهت شوية بعد المحور بس الحمد لله وصلت بالسلامة وكلمت أيمن تاني شكرته و أخذت غطا سيراتو بتاعت واحد صاحبي وغطيتها علشان البرد... أصلهم قالولي العربيات اللي من غير نمر خطر تتساب مكشوفة.و الحمد لله.. تتوجت قصة الحب التي بدأت من سنين طويلة -كحب بلا أمل- بالبداية السعيدة.أما عن انطباعاتي... فهي بصراحة مش كتير.. يمكن لأني كنت مصدع و هلكان على آخر اليوم؟؟
لكن طبعاً الأداء ممتاز مش محتاج كلام و التكييف عمل الواجب و الحمد لله الحرارة كانت ممتازة –كانت عيني عليها بعد مشكلة راؤل- و أبعاد السيارة كانت طبيعية رغم أن المرآة الداخلية كادرها أضيق نا اللي معتاد عليه لكن المرآة اليمين قامت بالواجب.ولما كنت بآخد ملف ضيق خفت يكون قطر الملف للسيارة واسع لكن ما شاء الله طلع ممتاز..وهي الآن نائمة في سلام بانتظار استلام الأوراق ونكتب الكتاب ونعلي الجواب وعقبال عندكم!!!
رقم العضوية : 1435
تاريخ التسجيل : 14Jul2007
المشاركات : 14,773
النوع : ذكر
الاقامة : مصر
السيارة: لا
السيارة[2]: اوبترا
الحالة :
الف مبروك ... اسلوب شيق .
وربنا يتمم بخير
رقم العضوية : 59138
تاريخ التسجيل : 17Jan2010
المشاركات : 51
النوع : ذكر
الاقامة : مصر الجديدة
السيارة: جين2 - 2010
السيارة[2]: فليشيا 98
دراجة بخارية: no
الحالة :
ما شاء الله
لا حول ولا قوة إلا بالله
الف مبروك يا باش مهندس
انا ان شاء الله رايح بكره (الخميس)
ادعولي ربنا يتمم لي بخير
بس سؤال سريع: كلو بيقول متشغلش التكييف غير بعد الألف؟؟؟؟؟؟
سؤال تاني الحوار ده خد تقريبا قد ايه؟؟؟
رقم العضوية : 61530
تاريخ التسجيل : 09Feb2010
المشاركات : 5,916
النوع : ذكر
الاقامة : EL Haram
السيارة: no
السيارة[2]: kia new cerato 2010
دراجة بخارية: no
الحالة :
مش متعود انى اتكلم بره القسم بتاعى بس بجد كلامك خلانى اكسر القاعده
الف مليون مبروك على العروسة وربنا يديلك خيرها ويكفيك شرها ويحفظها من العين
امين يارب العالمين .
رقم العضوية : 47068
تاريخ التسجيل : 14Sep2009
المشاركات : 1,066
النوع : ذكر
الاقامة : EL SHEK ZAYED 6 OCTOBER
السيارة: يا رييييييييت
السيارة[2]: GEN 2 -2010
دراجة بخارية: لا يوجد
الحالة :
مبروك
محمد كلمنى ضرورى جدا جدا لمصلحنك أنا كنت هشترى العربيه دى و مرضتش أستلمها (كلمنى ضرورى أقولك أيه الفيها)هيه العربيه مش مانيوال باردو؟لو مانيوال كلمنى لمصلحتك
0114157041
م/طارق
أعرف حاجه عن كل حاجه أحسن متعرف كل حاجه عن حاجه.
FOR BEAUTIFULL MIND ONLY
رقم العضوية : 8617
تاريخ التسجيل : 08Apr2008
المشاركات : 2,841
النوع : ذكر
الاقامة : El-Haram
السيارة: ........
السيارة[2]: Gen 2 A/T 2010
دراجة بخارية: yareet
الحالة :
مبروك يا باشا وعقبالنا ..
انا حجزت من تلت ايام بس مستني رد كونتاكت علشان التقسيط
وكنت حاجز رمادي .. بس استاذ محسن صالح قالي لو مالقتش رمادي تاخد لون اية .. قولت له فضي وخلاص ..
ويا مسهل مستني رد كونتاكت علشان ادفع المقدم واستلم بقي :(
ربنا يتمم بخير واخطب انا كمان جينا :)
ومبروووووك مرة تانية ..
وممكن نمرة ايمن ..
[shr71=http://img230.imageshack.us/img230/7454/gen2mainext02.jpg]Gen Lovely 2[/shr71]
♥ Gen 2 Astonishingly Stylish
رقم العضوية : 24755
تاريخ التسجيل : 10Nov2008
المشاركات : 603
النوع : ذكر
الاقامة : Mansoura ::: S.Sinai
السيارة: BMW 318i/E46 سابقاً
السيارة[2]: Toyota Crolla13
دراجة بخارية: لا
الحالة :
ألف مبروك أخى وربنا يكرمك فيها
وتجبولنا جيناجين صغيره كده
ههههههههه
ربنا يديك خيرها ويكفيك شرها
[img3]http://img72.imageshack.us/img72/4968/logo2g.png[/img3]
رقم العضوية : 58522
تاريخ التسجيل : 09Jan2010
المشاركات : 727
النوع : ذكر
الاقامة : cairo
السيارة: R . LOGAN 2010
السيارة[2]: SAGA 2010 m/t black
دراجة بخارية: لا
الحالة :
رقم العضوية : 57300
تاريخ التسجيل : 29Dec2009
المشاركات : 1,045
النوع : ذكر
الاقامة : alex
السيارة: F16 معدلة لـــF22
السيارة[2]: bmw 316i coupe modified to m3 بأذن الله
دراجة بخارية: yamaha R1 or R6 بأذن الله
الحالة :
اسلوبك رائع فوق الوصف
مبروووووووووووووووووووووو وك
و ربنا يتمم بخير
[img2]http://www.zercustoms.com/news/images/BMW/2008-HR-BMW-M3-Coupe-3.jpg[/img2]
soooooooooooooon
رقم العضوية : 30677
تاريخ التسجيل : 21Jan2009
المشاركات : 3,496
النوع : ذكر
الاقامة : alex
السيارة: proton saga 1.3
السيارة[2]: BMW E36
دراجة بخارية: no
الحالة :
الف مبروك ربنا يديك خيرها و يكفيك شرها و يبعد عنك العين
[mtohg=null]http://upload.wikimedia.org/wikipedia/ms/f/f9/Ayat_kursi.png[/mtohg]http://www.mp3quran.net/basit_mjwd.html
القران الكريم بصوت الشيخ عبد الباسط عبد الصمد
143
المفضلات