الموضوع: تجربة wd 40 فى تلميع العربية وازالة الخدوش السطحية

المشاركة الأصلية كتبت بواسطة hema_hn

شكرا لصاحب الموضوع وكل من شارك

العفو يا باشا ونورت الموضوع

المشاركة الأصلية كتبت بواسطة BassemRaafat

100 100 يا شباب ، أنا معايا أوبترا زيرو لسه ماكملتش كام يوم وواحد ربنا يكرمه لازم يكون اول الموقعين على الرفرف اخدهالى بمسمار حلو مع العلم إنى كنت مغطيها ، أنا ح اجرب إختراع ال wd 40 ده ويا رب يجيب نتيجه علشان الواحد ميتنكدش .

بس عندى إستفسار ...... إيه مشكلة ال wd 40 مع التابلوهات والبلاستيك ، أنا لما كان معايا الهيونداى كنت كتير بأسمع اصوات غريبه من التابلوه وكنت برش كل شويه على مفصله درج التابلوه وأماكن كتير فيه والحمد لله ماحصلش حاجه .... تبقى فين المشكله ؟!!

معلش يا باشا كلنا لها ... يا عينى يدوب نشترى العربية من هنا والنحت والزخرفة تبدأ من هنا وعديك على حرقة الدم
ما هو انا بجرب ليه حاجة زى كدة فى عربيتى الزيرو ما هو من حرقة الدم على الدهان الجديد
..................................
بالنسبة للاسبراى هو عادى تستخدمه على اى مفصلات طالما المفصلة دى معدن او عليها دهان .. وهو مصنوع لهذا الغرض اصلا
...................................
انا مثلا بستخدمه فى حاجة تانية زى الخدوش بس دى افتكاسة مش اختراع
والافتكاسة دى بتيجى نتيجة الوضع الغير محتمل فى اللى بيحصل فى عربياتنا فى شوارع مصر

المشاركة الأصلية كتبت بواسطة Moe86

موضوع جامد جدا, متابع أى جديد

يا باشا دة انت اللى جامد

المشاركة الأصلية كتبت بواسطة ashouhdy

ringoooooooooooooooo انت نجم المنتدى السنة دى :)))))))))))) دة انا حنزل الحوس العربية بكرة الصبح حخليها تتظفلط كدة وهى ماشية بالwd-40 !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!

هييييييه اشوهدى عامل ايه يا واد يا فيرناوى يا رب تكون بخير وصحة وسعادة ... قول امين .. انزل لحوس براحتك انت اسكندرانى وعارف الشوارع عندنا عاملة ازاى ... ايه اللى حيجرى اكتر من الى بيجرالنا خربانة خربانة ... وما تقلقش
................................
استنى استنى ايه الحتة اللى فى توقيعك دى ... اوعى تكون بتلعب بديلك من وراية وناوى على حتة النترا 2011
لا دة انا كدة لازم اخد ساتر وابدأ افكر فى الفلونس ربنا يباركلك يا باشا يا رب وتحقق مرادك

المشاركة الأصلية كتبت بواسطة mshmshm3

معايا فيرنا شامبين وفيها خدوش خفيفة وخدوش جامدة ماعملش اب حاجة لا في ده ولا ده

والله ياباشا انت شايف انا بنقل التجربة وفى ناس جربت ولاقيت نتيجة كويسة
بس على فكرة انا كان الخربوش اللى على الكبوت كان كبير شوية ... الخربوش دة اتغطى بعد كذا مرة من دهن الاسبراى بالخربوش ... وانا مش بنصحك تعمل كدة مش علشان هو فى ضرر لكن انا مش ضامن ضرره من نفعه ... وزى ما قولت لحضرتك مجرد مناقشة وعرض للتجربة

المشاركة الأصلية كتبت بواسطة akram

انا لازق جريدة في جنب الباب و لقيتها فكت و تركت أثر من اللزق الدبل فيس ,
و مكنش راضي يطلع بكذا وسيلة و قلت أجرب الـ wd40 و جاب نتيجة حلوة قوى ,
بس مركزتش في موضوع اللمعة ...

زى الفل طبعا وهو اصلا دة استخدامه لانه منظف ولا يؤثر على الدهان وهو دة الغرض من الموضوع
نقل التجارب بالنسبة لهذا السائل العجيب وشكرا يا باشا على نقل التجربة

المشاركة الأصلية كتبت بواسطة venomixus

ال wd40 ممتاز وأنا شخصياً بستخدمه في حاجات كتيره جداً جداً بس نصيحة بلاش استخدامه على لاخرابيش اللي فيها بوية متقشره لأنه ممكن ياكل في البطانه . ممكن تجيب بويه دوكو من عند واحد بتاع دهانات وتحط الدرجه على ورقه كرتون وتقارنها بلون العربية وتخليه يغمق أو يفتح لغاية ما توصل للدرجه الصح وتخليه يحطلك شويه في برطمان ممكن تلقط بيهم الخدوش دي

طبعا نصيحة غالية ودة الغرض
بس انا عندى مشكلة فى البوية ... يعنى انا عندى بوية المانى نضيفة اوى بنفس لون العربية بالظبط
بس عندى مشكلة واحدة وهى ازاى احط البوية على الخربوش
...........................
لما جربت احط البوية على الخربوش بواسطة فرشة رفيعة جدا وباستخدام قطنة مبرومة رفيعة بردو
اللى حصل ان البوية غطت الخربوش بس فضل جزء من الدهان دة حوالين الخربوش بطوله وطبعا بقى ظاهر اكتر من الخربوش وكان شكله وحش
طبعا الدهان نشف و حاجة تانية حصلت بعد فترة ومع تكرار غسيل العربية البوية اللى انا حطيتها اتشالت من جوة الخربوش وفضلت البوية اللى من حواليه وبقى شكله وحش جدا جدا
هل حضرتك تعرف طريق نحقن بيها الخربوش بالبوية بدون ما يسيل حوالين الخربوش

المشاركة الأصلية كتبت بواسطة venomixus

بص أنا مجربتش بس أعتق ان أول حاجه لازم تصنفر الحته اللي حتلقها بس على خفيف عشان متشيلش البطانه وبعدين تلقطها بالدوكو وبعدما تنشف تعملها بكومباوند بس برضه مش كومباوندكتر ...يا دوب علشان تسيح البويه على بعضها وبعدين تحط مثبت وآخر حاجه تعملها ببوليش. ممكن تقوللي انت جبت منين البويه اللي هيا نفس لون العربية؟ أنا دايخ عليها وعاوز أجيب لون عربيتي حتى لو كيلو في برطمان بس تعرف بوهيجي شاطر يطلعلي نفس الدرجه؟

اووووو دى طلعت شغلانة ... بس بينى وبينك انا اخاف اعمل حاجة زى كدة لبوظ الدهان .. وفى حاجة تانية
ان البوهيجية اكدولى ان الخربوش ما ينفعش يتعمل بالطريقة دى واكدولى انه حيبان جدا
هم بيعملوا الحركة دى مع الاجزاء اللى مش باينة زى مثلا حكة فى العتب علشان مش بتكون باينة
................................
البوهية بقى .. فى بوهيجى انا عارفه وروحت معاه لواحد بيضرب البوية ... انا كنت فاكر انه حياخد الكود من على القايم ويجبلى اللون والكلام المتطور دة
لكن حصل العكس ... فضلت اكد عليه يا عم انت متاكد انه حيجيب اللون مظبط ... يقولى دة خبرة وسبحان الله
الراجل فضل يعمل الخلطة السحرية بتاعته ويجرب بطرف صباعه لحد ما جاب اللون بالظبط مافيش اى فرق
انا استغربت بصراحة وكنت متاكد ان اللون مش حيطلع زيه علشان لون عربيتى رمادى نجمى لون غريب شوية بس خيب ظنى
وعموما انا من اسكندرية لو انت من اسكندرية ممكن نعمل المشوار دة وحكون معاك

المشاركة الأصلية كتبت بواسطة A.Saad

فيه فكرة بس انا نفسى اعملها
تجيب قلم دوكو من مكتبة وتغسله بتنر وتملاه ببوية العربية اللى جبتها وتدهن بيه الخدوش

دة انا دوخت على القلم دة .... مافيش عندنا فى اسكندرية القلم دة ... فى حاجة زيه بس بتتفك وفيها فرشة رفيعة اوى
شبه الايليلرر ... الايلالا .... مش عارف بيقوله عليها ايه ... اه هى دى

انا جربته على خدش على الكبوت ومجابش اي نتيجه مش عارف ليه
بس طبعاً السائل ده سحري وكفايا ان قفل الشنطه كان بيعلق وقلت دا باظ من الحادثه وكنت هجيب واحد جديد ،وجيت اجرب ارش عليه لقيت الشنطه بتفتح زي الفل