الشرطه لأذية الشعب

**د.محمود صلاح** · 30-06-2010 08:07 PM

النمر التجارية تخليك تمشي وانت متطمن ..

**amr.elsayed** · 30-06-2010 08:33 PM

المشاركة الأصلية كتبت بواسطة ahmed samy

لا يا سيدي مش شايفين شغلهم

أي فرد امن من لواء و انت نازل لو شاف حاجة غلط وهو خارج الخدمة أو لابس مدني لازم يبرز تحقيق شخصيته و يبلغ الجهة المسؤولة

و طبعا لازم يكون شاف حاجة ....جريمة ...سرقة ...اغتصاب ....

انما عربية من غير نمر وواضح انها جديدة مش مصيبة يعني ...

أنا عارف انه غلط و الأمن ليه حق يوقف العربية بس بطريقة سليمه

مش بلطجة

بالظبط يا دكتور احمد هو دة اللى انا اقصده ... انا رافض الطريقة اللى حاولوا يوقفوه بيها .. ورافض لبسهم المدنى كمان .. وموافق انها بلطجة
بس دة كله احنا عارفينه كويس وبيحصل كتير اودام عينينا .. يبقى من باب اولا ان احنا منحطش نفسينا فى موقف زى دة
يعنى لو حمشى بالعربية من غير نمر (مع انه غلط) بس حنقول ماشى اهى عربية جديدة .. بس مامشيش بيها الساعة 3 ليلا واجى اقول افراد الشرطة عملوا وعملوا وماكنوش لابسين ميرى

**Ahmed Samy** · 30-06-2010 08:41 PM

أنا و أنا باشتري العربية اجرت نمر تجارية و خدتها معايا القاهرة علشان أرجع بالعربية

و فضلت ماشي بيها أسبوع تقريبا لحد ما رخصت

علشان ما حدش يكلمني

من باب "امشي عدل"

**amgadtoma** · 30-06-2010 08:44 PM

بص معلش انا شاكك فى صاحبك ده ممكن يكون عجبته العربيه ولسه جديده بقى وحب يحرى بيها لكنه ما سلمش من القدر وخرشملك العربيه فعمل عليك الفيلم ده، انا شايف كده هو المفروض كان وقف الصصراحه اصلها مش حاجه غريبه اننا نشوف ميكروباص بيلف باليل وكمان الساعه 3 الصبح وشايف عربيه من غير نمر ويمكن صاحبك برده كلامه سليم لكن عمل حركه معجبتهمش لكن انا شايف انوا عادى جدا انا بنزل دايما شغلى الساعه 5:45 الصبح ودايما بشوفهم بيوقفوا الشباب المتجمعين انت عارف البانجو والحشيش عاملين ايه فى الشباب ولو نزلو ببوكس او لبس ظباط هتلاقيهم جريوا لكن كده هما متخفيين عشان ماحدش ياخد باله المهم تكون اجراءات الضبط والاحضار سليمه كان المفروض صاحبك يقف كبيرهم لو حرميه كانوا هاياخدو العربيه فى ستين داهيه التامين يعوضك

**omar-saad** · 30-06-2010 08:46 PM

المشاركة الأصلية كتبت بواسطة Ahmed Samy

أنا و أنا باشتري العربية اجرت نمر تجارية و خدتها معايا القاهرة علشان أرجع بالعربية

و فضلت ماشي بيها أسبوع تقريبا لحد ما رخصت

علشان ما حدش يكلمني

من باب "امشي عدل"

هوة دا المظبوط
انا لما كنت برخص الكورولا
طلعت من التوكيل على المرور على طول
فالمندوب اللى واقف هناك قالى احنا هانروح المرور على طول فا مش مستاهلة نمر تجارية
وياريتنى مسمعت الكلام
امين شرطة وقفنى وعملى حوار كبير وبتاع
لفيتله عشريناية
قالى مبروك ياباشاع على العربية

وهية دى مصر

**amr.elsayed** · 30-06-2010 08:58 PM

المشاركة الأصلية كتبت بواسطة ahmed samy

أنا و أنا باشتري العربية اجرت نمر تجارية و خدتها معايا القاهرة علشان أرجع بالعربية

و فضلت ماشي بيها أسبوع تقريبا لحد ما رخصت

علشان ما حدش يكلمني

من باب "امشي عدل"

هى دى الكلمة باختصار ... الله يفتح عليك ... ليه نعرض نفسنا للخطر سواء لبلطجة مدني او بلطجة ميرى
..........................................
صاحب الموضوع اوعى تزعل منى ... انا بقول وجه نظرى بحيادية من غير مجاملة .. لسبب واحد
ان جميع الاعضاء فى المنتدى هنا ناس محترمة جدا وولاد ناس وانت منهم طبعا ومش حمل دقيقة واحدة بهدلة من اى نوع
علشان كدة انا واحد من الناس اللى شايف اننا نحاول نغير من نفسنا ونحارب سلبياتنا علشان نحمى نفسنا من اى بلطجة من اى نوع

**AMA** · 30-06-2010 09:11 PM

المشاركة الأصلية كتبت بواسطة ringoo

انا مش بدافع عن حد بس لو الشرطة فيها سلبيات وعايزين نصلحها يبقى لازم نبدأ بنفسنا الاول
وحضرتك ما يرضكش ان مجرم عايز يعمل مصيبة يروح يجيب عربية من غير نمر ولا ليها ملف فى المرور
ويعمل مصيبته ومحدش يعرف عنه حاجة ... ونرجع نقول مين اللى سمحله يمشى فى الشوارع من غير نمر
وبعدين فى حاجة اسمها نمر تجارية والمفروض ان العربية ما تترخصش الا لو فى رخصة نمر تجارية

يا باشا انا معاك فى كل كلمة قولتها بخصوص أن ممكن مجرم يعمل كدة
لكن مش مع حضرتك فى خصوص الميكروباص أو اللبس المدنى
دا لو كان واحد لابس لبس حكومى وحتى لو جوه ميكروباص عادى و شاورله لو مكانش وقف كان من حقه يعمل كدة
لكن بالوضع دة واحد لابس لبس مدنى و راكب ميكروباص أميز بينه و بين البلطجى أزاى
و لو أمين شرطة هقفله طيب لو بلطجى ماهو هيسرقنى و يقتلنى

**Dr.Karim Emam** · 30-06-2010 10:05 PM

المشاركة الأصلية كتبت بواسطة AMA

يا باشا انا معاك فى كل كلمة قولتها بخصوص أن ممكن مجرم يعمل كدة
لكن مش مع حضرتك فى خصوص الميكروباص أو اللبس المدنى
دا لو كان واحد لابس لبس حكومى وحتى لو جوه ميكروباص عادى و شاورله لو مكانش وقف كان من حقه يعمل كدة
لكن بالوضع دة واحد لابس لبس مدنى و راكب ميكروباص أميز بينه و بين البلطجى أزاى
و لو أمين شرطة هقفله طيب لو بلطجى ماهو هيسرقنى و يقتلنى

الفكره ان دول مباحث مش مرور
و المباحث لبسهم كله سواء ضباط او مخبرين بيبقى مدني مش ميري
و صاحب العربيه غلطان انه ماشي من غير نمر
و حتى ماكلفش نفسه يستفسر من الناس اللي نزلوا دول هما مين؟!!

كان ممكن و هو قاعد في العربية بإحترامه يفتح الزجاج حته صغيرة و يسألهم أنتم مين و عاوزين ايه و لو حس انهم مش مباحث كان يفرك بالعربيه و يخلع منهم و كانت ساعتها الخسائر هتبقى اقل من اللي حصل بكتير.

و لو طلعوا مباحث كان كبيرهم 40 او 50 جنيه يخلصوا الموضوع

**A.Saad** · 30-06-2010 10:58 PM

المشاركة الأصلية كتبت بواسطة Dr.Karim Emam

الفكره ان دول مباحث مش مرور
و المباحث لبسهم كله سواء ضباط او مخبرين بيبقى مدني مش ميري
و صاحب العربيه غلطان انه ماشي من غير نمر
و حتى ماكلفش نفسه يستفسر من الناس اللي نزلوا دول هما مين؟!!

كان ممكن و هو قاعد في العربية بإحترامه يفتح الزجاج حته صغيرة و يسألهم أنتم مين و عاوزين ايه و لو حس انهم مش مباحث كان يفرك بالعربيه و يخلع منهم و كانت ساعتها الخسائر هتبقى اقل من اللي حصل بكتير.

و لو طلعوا مباحث كان كبيرهم 40 او 50 جنيه يخلصوا الموضوع

+++++++++1111111

فيه موقف العضو cairo2005
كتبه هنا
مرة كان ماشى ولقا ناس واقفين عند ميكروباص وبيشوفوا البطاقات ويحطوا ناس فى الميكروباص
فوقف ظابط كان ماشى وقالله
الظابط راح لهم وعرف منهم انهم حملة من المباحث وفيه معاهم ظابط
قاللهم اما تتطلعوا حملة يبقى معاكم حد لابس ميرى او تبينوا السلاح واللاسلكى
ظابط الحملة بيكلم
التانى قالله ما معناه انك غلطان

هما غلطانين بس صاحبك خاف اوى
المهم
دلوقتى ممكن تتطلع تشتكيهم واعتقد ان ساعتها هتاخد حقك
بس لاحظ حاجة
ان صاحبك مفيش علاقة بينه وبين الورق اللى كان معاه لانه باسمك وانت مش فيها