الموضوع: الشرطه لأذية الشعب

السلام عليكم

النهارده هكتبلكم موضوع يحرق دمكم عشان تعرفوا ان احنا عيشين فى غابة والضعيف فيها ملوش مكان

وأن السلطه والرشوه المحسوبية هى الوسيلة الوحيده اللى تقدر تعيش بيها فى وسط المجتمع الفاسد بتعنا

الحكاية من الاول تبداء بأنى استلمت من المعرض عربيه اكسنت سبور لسه جديده بشوكها طلعه من الكرتونه طازه

ولسه ما اترخصيتش بس مش مهم اللى هيقبلنى هقله لسه مستلمها ورايح اجرشها وطبعا معايا الورق اللى يثبت وليه سماح امشى بيها يومين من غير نمر بعد الاستلام

المهم طلعت خدت لفه بيها انا وصحابى والحياة كانت حلوه بعد كده قلت لما اركنها عشان بكره الصبح اصحى بدرى ارخصها بس المشكلة انى

خفت اركنها فى الشارع عندى عشان الدنيا ضلمه والشارع اصلا هوس هوس ولو حد فك العربيه حتى حتى محدش

هيسمعله صوت فأتصلت بواحد صحبى ساكن فى مدينة نصر وى قلته ياريت تيجى تاخد العربية بتعتى وتركنها عندك

فى الجراش عشان انا خايف عليها قلى ماشى مافيش مشكلة الكلام ده كان فى حدود الساعة 3 بليل المهم جالى

وخد العربية وانا قلتله لو قبلتك لجنه ولا حاجه عندك ورق العربية فى الطبلوه ولو حد كلمك على النمر قله لسه

مستلمها ورايح اجرشها المهم صحبى خد العربية وطلع على الطريق ومن هنا بقى حصلت النصيبه ماشى فى

الطريق قبله ميكروباص بيزنق عليه وطلع واحد من الشباك بيقله اقف وراح سواق الميكروباص مامرك وقافل عليه

الشارع وفجأه نزل بتاع عشره من الميكروباص وريحين نحية العربية طبعا صحبى اتخض من الموقف وطلع يجرى

بالعربية راح واحد من الناس اللى نزل من الميكروباص قال للسوق اكسر عليه وهبا راح كلى باب العربية الورانى والعربيه

طلعت فوق الرصيف ونزلت تانى وراح صحبى يا فكيك جارى بالعربية وهما وراه بالميكروباص مافيش دقيقتين ووصل

البيت والميكروباص اول ما نزل قلهم انتوا مين وعيزين منى ايه ؟ راح واحد راد عليه وقلو رخصتك ورخصت العربية

فادالوا رخصته وقالو العربية انا لسه مستلمها والورق بتاعها جوه قلولوا احنا هنعملك محضر هروب من مطارده

مكروباص ارجره مش عربيه شرطه ولا بوكس ناس لبسه ملكى ومفيش حد لابس ميرى الجنب اليمن بتاع عربتي اتاكل محضر هروب من مطارده

ده اول جزء من القصه ياريت اسمعك ارأكم ؟

المشاركة الأصلية كتبت بواسطة ama

شايفين شغلهم بميكروباص ؟

و بهدوم مدنى مش ميرى ؟
يا سيدى الفاضل دى أسمها بلطجه و قله أدب من عالم صيع
دا لو واحد تاجر مخدرات أو مهرب ومعروف بالأسم محدش هيعمل معاه كدة
عارف ليه لأنه بيشغلهم فأكيد مش هيأذوه لأن أكل عيشهم هيتقطع
و الله يخربيت كل من وضع و أسس و نفذ قانون الطوارئ

انا مش بدافع عن حد بس لو الشرطة فيها سلبيات وعايزين نصلحها يبقى لازم نبدأ بنفسنا الاول
وحضرتك ما يرضكش ان مجرم عايز يعمل مصيبة يروح يجيب عربية من غير نمر ولا ليها ملف فى المرور
ويعمل مصيبته ومحدش يعرف عنه حاجة ... ونرجع نقول مين اللى سمحله يمشى فى الشوارع من غير نمر
وبعدين فى حاجة اسمها نمر تجارية والمفروض ان العربية ما تترخصش الا لو فى رخصة نمر تجارية