الموضوع: عاوز واحد يكون بيركب سيراميك كويس واسعاره مش عاليه

المشاركة الأصلية كتبت بواسطة tza

لو حد يا جماعه يعرف واحد يكون بيركب سيراميك كويس واسعاره مش عاليه يا ريت يقولى عليه ضرورى جدا جزاءاكم الله كل خير ...

حضرتك ساكن فين.

معلش بس سؤال بعيد عن الموضوع
حضرتك عضو في الديفيدي العربي في قسم الهاردوير؟؟؟

اعرف 2 دكاتره
بلاطه مظبوطه ومكبوسه مونه كويس وبيوزن صح والبلاط مظبط مع بعضه تمام ومستحيل حاجه بعد كده تكسر - أن شاء الله
نصيحه خليك فى حد تمام عشان السيرميك دوشه كبيره يا ريت تتعمل مره واحده وتخلص
بس مش عارف بيأخذم كام دلوقتى ... ما اعتقدش اقل من 15 لان واحد منهم عملى شغل من كام سنه وكان ب 12 جنيه لما كان السعر السائد ساعتها 8 جنيه
هما غالين سنه عن السوق
ممكن ابعتلك تليفون الاثنين وتشوفهم لو حد منهم فاضى يبقى حظك حلو لانهم معظم الوقت معاهم شغل ولازم تحجز عندهم
بجد والله مش تهريج
وفيه ناس بتأخذ 10 جنيه و12 جنيه بس معرفش حد منهم ولا اعرف شغلهم
وفى المناطق الارياف بيبقى المتر بحوالى 8 جنيه

ده رقم واحد اسمه فتحى ده اول دكتور
0122692854
ممتاز جدا صنعه دكتور بلا مبالغه
بس كاى صانيعى يستحسن جدا تكون واقف على ايده ومتابعه
بالنسبه للمواعيد الشغله كلها كانت يوم واحد بس اعتقد مواعيده كويسه المشكله أنك تلاقيه فاضى وخليه هو الى يشتغل ميبعتلكش حد
وده واحد اسمه جمال عمالى ب 12 جنيه من اسبوع عشان عشان فتحى مكنش فاضى
0123842401
جمال عارفنى كويس قله انا معرفه هانى بتاع عمارات الشرطه
الدكتور الثانى مش لاقى تليفونه للاسف
هو حد هيعمل الشقه كلها
عموما أنا باسأل عشان فيه ملحوظه مهمه أن كل بلاط الشقه بتبقى على وضع افقى بدون ميول ماعدا المطبخ والحمام عشان فيه بعض الصنايعيه بيعملوا ميول للغرف العاديه وده مش صح وده الى حصل عندى فى الرسينشن الاسبوع الى فات
اتمنى محدش يقع فى نفس الخطأ

المشاركة الأصلية كتبت بواسطة zkralla

هو حد هيعمل الشقه كلها
عموما أنا باسأل عشان فيه ملحوظه مهمه أن كل بلاط الشقه بتبقى على وضع افقى بدون ميول ماعدا المطبخ والحمام عشان فيه بعض الصنايعيه بيعملوا ميول للغرف العاديه وده مش صح وده الى حصل عندى فى الرسينشن الاسبوع الى فات
اتمنى محدش يقع فى نفس الخطأ

ممكن توضح ايه الخطأ فى كده؟

وأيه اللى حصل من فضلك...