المشاركة الأصلية كتبت بواسطة mmamdouh
فيه خطاء شائع بيقع فيه ناس كتير و هو اعتبار زحف العربية مع الفرملة مشكلة فرامل
الفرامل شغلتها تطبيق قوى احتكاك على الطنابير لتقليل سرعة دورانها... و لما توصل القوى دى لقدر معين الطمبورة حتتوقف عن الدوران تماما و العجلة حتقفش... هنا الفرامل مش حتقدر تعمل اى حاجة اضافية لانها وصلت لاقصى تاثير ممكن تعملة... يعنى بالبلدى كدة عملت اللى عليها و زيادة
قصة ان العربية تزحف امتار كتيرة لحد ما تقف دى مشكلة فى تماسك الكاوتش مع الطريق... طالما الكاوتش مش ماسك فى الاسفلت العربية حتفضل تتزحلق لحد ما تقف براحتها و الفرامل مش حتعرف تعمل اى حاجة لانها وصلت لاقصى تاثير بالفعل
غالبا دة بيحصل نتيجة سوء حالة الكاوتش او ان الtraction بتاعة قليل بالنسبة للعربية... طبعا الحل هو تركيب كاوتش من ماركة محترمة و الtraction بتاعها عالى
ممكن الناس اللى بتشتكى من القصة دى يقولوا هما مركبين كاوتش نوعة ايه و ماشى كام الف؟
mmamdouh