الموضوع: حد لاحظ زيادة فى اسعار الماء و الكهرباء؟

ايه ده هو انتو كمان حصل معاكم كده

انا برضوه جاتلى فاتوره ينايررررر اتخضيت والله قلت للمحصل دى فاتوره العماره كلها ولا شقتنا بس

قالى شقتكم طبعااااااا جات الفاتوره زياده 400% عن المتوسط فى العادى

والغريب ان الفاتوره مكتوب فيها عدد اشهر المحاسبه 3 شهور وانا دافعه كل الشهور اللى فاتت احنا بندفع فاتوره الشهر كم مره ؟
الظاهر الفواتير هتدفع شهريا مره وربع سنويا مره اضافى للتاكيد بس
ومعنديش سخان كهرباء
وانبوبه الغاز البواب بيجيبها ب 15 جنيه كل اسبوع

الدنيا بتولع ولا احنا اللى هنولع فى نفسنا فى القريب العاجل ؟؟؟؟؟؟؟؟؟

بصراحه الله يكون فى عون اللى متجوزين وعندهم اولاد ومدارس والناس اللى مش بيشتغلوا

فعلاً يا رجالة

الكهربا غليت
أول مرة أبويا يقف على دماغي وأنا قاعد على الكومبيوتر ويقولي الكهرباء جت غالية الشهر ده
هو أنتوا لازم تشغلوا الدفاية يعني مينفعش تموتوا من البرد

البلد دية مش نافعة لا بكرة ولا بعده ولا بعد 100 سنة
إلي يعرف يسيبها يسيبها وربنا يوفقه

ارتفاعات قياسية في أسعار اللحوم والدواجن والبيض والزيوت والسمن والأرز

شهدت أسواق المحافظات ارتفاعاً جديداً في أسعار السلع الغذائية تراوح بين ٣٠% و٦٠%، خاصة الأسماك الطازجة والمجمدة، واللحوم المجمدة، والدواجن المحلية المجمدة، والزيوت، والسمن، والعدس، والأرز، والفول، والبيض، وبدأ تطبيق الأسعار الجديدة هذا الأسبوع.
ارتفع سعر السمك البوري السوبر من ٢٥ إلي ٣٠ جنيهاً للكيلو، والبوري الوسط من ١٨ إلي ٢٥ جنيهاً، والطوبار من ١٢ إلي ١٦ جنيهاً، والطوبار «نمرة ١» من ١٠ إلي ١٣ جنيهاً، والسهيلي من ١٠ إلي ١٨ جنيهاً، والبربوني الطازج من ٢٥ إلي ٥٠ جنيهاً، والبلطي السوبر من ٨ إلي ١٢ جنيها، والبلطي «نمرة ١» من ٦ إلي ٨ جنيهات، والشبار الأخضر من ٣ إلي ١٠ جنيهات.
وارتفعت أسعار الماكريل من ٩٠ إلي ١١٠ جنيهات للكرتونة، وللمستهلك من ٧ جنيهات إلي ٨.٢٥ جنيه للكيلو، وهورس ماكريل من ١٠٥ إلي ١٢٥ جنيهاً للكرتونة، وللمستهلك من ٥ إلي ٧ جنيهات، والبربوني المجمد من ١١ إلي ١٤ جنيهاً للكيلو.
وأوضح محمد عبدالله، أحد التجار، أن حجم المعروض من الأسماك المجمدة في السوق المصرية تراجع بنسبة ٤٠%، خاصة في أنواع المكرونة والمرجون والأسماك البحرية مثل الجمبري بسبب قرار حكومات الصومال واليمن وإريتريا خفض تراخيص الصيد للمراكب المصرية من ٣٠٠ إلي ١٢٥ ترخيصاً فقط.
وبالنسبة للحوم المجمدة، ارتفعت أسعار الموزة والأجزاء الأمامية من ١٥.٥ إلي ١٧.٥ جنيه للكيلو، والأجزاء الخلفية من ١٦ إلي ١٨.٥ جنيه للكيلو.
وارتفع سعر الدجاجة وزن ٧٥٠ جراما إلي ١١ جنيها، والدجاجة وزن كيلو إلي ٥.١٣ جنيه، ووزن ١٢٠٠ جرام إلي ١٦ جنيها، فيما ارتفع سعر الدواجن الحية من ١٣ إلي ١٥ جنيها للكيلو، والبيض الأحمر من ١٢ إلي ١٦ جنيها للطبق، والبيض البلدي من ١٤ إلي ٢٠ جنيهاً للطبق.
وارتفع سعر طن العدس المجروش السائب من ٦٣٠٠ إلي ٧٤٠٠ جنيه للطن لتاجر التجزئة، وللمستهلك من ٧ إلي ٨ جنيهات للكيلو، والفول المستورد من ٣.٥ إلي ٥ جنيهات للكيلو، والفول البلدي من ٤.٥ إلي ٥.٥ جنيه للكيلو، والفاصوليا واللوبيا من ٥ إلي ٦ جنيهات للكيلو.
وارتفع سعر الأرز من ٢١٠٠ إلي ٢٥٠٠ جنيه للطن لتاجر التجزئة ويباع للمستهلك بسعر ٣ جنيهات.
ورفعت الشركات الاستثمارية الخاصة أسعار منتجاتها من الزيوت والسمن النباتي، فارتفع سعر زيت الذرة من ١٠٤.٥ إلي ١١٦.٥ جنيه للكرتونة عبوة ١٢ زجاجة ١ لتر لتاجر التجزئة وللمستهلك من ١٠ إلي ١٢ جنيها للزجاجة، وارتفع سعر زيت عباد الشمس من ٩٨.٥ إلي ١١٠.٥ جنيه للكرتونة لتاجر التجزئة، وللمستهلك من ٨.٥ إلي ١٠ جنيهات للزجاجة،
وارتفع سعر الزيت العادي من ٩٢.٥ إلي ٩٨.٥ جنيه للكرتونة لتاجر التجزئة، وللمستهلك من ٨ إلي ٩ جنيهات، وارتفع سعر جركن زيت عباد الشمس عبوة ٢٠ لترا من ١٦٨ إلي ١٧٥ جنيها، وللسمن «أرما شورت» عبوة ٢٥ كيلوجراما من ١٥٧.٥ إلي ١٦٩ جنيها، وللمستهلك من ٧ إلي ٧.٥ جنيه للكيلو.