حد لاحظ زيادة فى اسعار الماء و الكهرباء؟

**Hossam_Hassan** · 20-02-2008 10:50 AM

امبارح جت فاتورة الكهرباء عن يناير118 جنيه، الأستهلاك زاد 50% و الفاتورة زادت 300% عن متوسط ال6 شهور اللى فاتت؟

و بعدين البواب جه خد نصيبى فى فلوس استهلاك المياه و كهربة المدخل و السلم لقيته عاوز 67 جنيه بعد ما كان بياخد 20 - 25 جنيه فى المتوسط و لما استفسرت لقيت الفواتير جاية برضوا زيادة حوالى 250% مع ثبات الأستهلاك.

ياترى حد حس بزيادة فى الفواتير و لا دى مشكلة فردية؟ خايف تكون الحكومة رفعت أسعار الكهرباء و المياه بدون ما تعلن.

**memo_hefnawy** · 20-02-2008 10:52 AM

والله يا حسام الواحد بقى عنده شعور إنه دخل حته مقطوعه و بيتقلب كل يوم فيها

كل يوم يطلع حد عليك يثبتك و يقلب منك إللى يقدر عليه

نحن نعيش الآن مرحلة التقلييب و التثبييت

**ahmedateya** · 20-02-2008 11:06 AM

الواحد من كترما كل يوم يلاقي حاجة بتغلى , مبقاش يحس بأي حاجة
الصراحة انا نححست

**Mohamed A S** · 20-02-2008 11:21 AM

سياسة زيادة فواتير الميه والكهربا شغالة بقالها فترة من غير ما نحس، وعمرهم ما هيجيو ويعلنوا أن المياه والكهرباء هتغلى .. هما شغالين بسياسة اليهود .. بغلو من غير ما يعلنوا .. زي ما عملوا بالضبط في المواصلات .. جابو الاتوبيسات القديمة ودهنوها بلون الاتوبيسات الجديدة وبقت كلها خدمة خاصة ومبقاش فيه مواصلات بـ 25 قرش والكلام الفاضي دا .. نفس الحكاية بتتطبق في جميع الخدمات اللي بتتقدم للشعب .. وفي الاخر .. لا مساسسسسسسسسس بمحدودي الدخل .. حسبنا الله ونعم الوكيل.

**Dr Ahmed** · 20-02-2008 11:24 AM

طب افرض انها غليت ..
ما تخليهم يغلوها من غير ما نحس أحسن بلا وجع دماغ...

لو عرفنا هننفعل ونشجب ونبكى ونشتم و........... ولا حاجة
بخصوص الفواتير: خلينا فى الماتركس

**theking2690** · 20-02-2008 11:29 AM

يا باشا طيب حضرتك بتتكلم كده امال احنا نقول ايه لما نلاقى ان احنا عندنا هنا فى البيت بندفع فاتورة الغاز بتتاروح ما بين 60 الى 100 جنيه

**Hossam_Hassan** · 20-02-2008 11:33 AM

المشاركة الأصلية كتبت بواسطة Dr Ahmed

طب افرض انها غليت ..
ما تخليهم يغلوها من غير ما نحس أحسن بلا وجع دماغ...

لو عرفنا هننفعل ونشجب ونبكى ونشتم و........... ولا حاجة
بخصوص الفواتير: خلينا فى الماتركس

لو غليت 10% مش هنحس، بس كده يبقى كله ضرب ضرب

**Hossam_Hassan** · 20-02-2008 11:34 AM

المشاركة الأصلية كتبت بواسطة theking2690

يا باشا طيب حضرتك بتتكلم كده امال احنا نقول ايه لما نلاقى ان احنا عندنا هنا فى البيت بندفع فاتورة الغاز بتتاروح ما بين 60 الى 100 جنيه

ليه؟ ما كده الأنبوبة ارخص.

**analyzer** · 20-02-2008 12:31 PM

حسبى الله ونعم الوكيل

**m_aash** · 20-02-2008 02:59 PM

يا حسام يا خويا يعنى هى جت يعنى على الكهربا ماهى كل حاجة غليت بنسبة من 50 % لحد 200 % , الواحد خلاص ماعدش حاجة بتأثر فيه
على رأى المثل " ضربوا الأعور على عينه قال خربانة خربانة "
تصدق إبن واحد جارى فى العمارة كان بيشترى شوية بقالة للبيت و هو طالع على سلم العمارة دخل وراه شاب الظاهر كان بيراقبه و خطف منه البقالة اللى كان شاريها
يعنى السرقة مابقتش للفلوس و الذهب و الحاجات الغالية , بقت للأكل كمان
ربنا يستر من اللى جاى

الموضوع: حد لاحظ زيادة فى اسعار الماء و الكهرباء؟

LinkBack

أدوات الموضوع

عرض

حد لاحظ زيادة فى اسعار الماء و الكهرباء؟ - انشر الموضوع فى :

-

-

-

-

-

-

-

المواضيع المتشابهه

هل هذا الخبر صحيح ----مجلس الوزراء يقرر زيادة أسعار الكهرباء

حد لاحظ زيادة فى فواتير فودافون؟

اسعار السيارات المستعملة نزلت حد لاحظ ده

الكلمات الدلالية لهذا الموضوع

المفضلات

المفضلات

ضوابط المشاركة