الموضوع: أشتري سيارة تيدا نيسان بالتقسيط ولا أية

بصراحة أنا بقالي فترة طويلة أبحث وتعبت جدا من البحث عن مواصفات كل سيارة أريد شرائها فعندما كانت تعجبني سيارة أقول لنفسي هأشتريها وكالعادة أسال من حولي عن السيارة وأبحث في منتديات السيارات فأجد مواصفات تخليني أشيل السيارة دي من دماغي وزادت حيرتي ما بين مؤيد بشدة ومعارض بشدة ومحياد
يوم أقول أشتري مستعمل كسر زيرو وبعد البحث أخرج والدنيا سودة في وشي
يوم تاني أشتري زيرو أجد من تجارب الناس الوضع زفت بالأضافة الي الأرهاق المادي
طيب وبعدين ( دماغي وجعتني حاجة كدا زي ألوا تاكسي )
بحثت في جميع أنواع السيارات ( أوربي _ ياباني _ كوري ) ما عدا BMW و المرسيدس عشان العبء المادي لاني لا أريد أكتر من 120 ألف جنيه ( بالتقسيط )

وأخيرا السيارة التي أستقريت حاليا ( السيارة رقم الف مثلا في البحث ) أن أشتري سيارة تيدا نيسان

وذلك لأسباب التالية
ياباني 100 % ( مكونات وتقفيل ) يعني راحة وأعطال قليلة
التوكيل يعني معقول
قطع الغيار معقولة ( ما فيش قطع غيار رخيصة في مصر غير لانسر وفيرنا )
العربية جديدة و مستقبلا في طريقها الي الانتشار
خمس ست سنين قدام لحد تبتدي تقول يا هادي في زيارة عمو التوكيل
الشكل مش جذابة أوي وألوانها محدودة بس شغالة لأن برضة في عربيات تانية غالية أوي و شكلها مكعبل أوي ( مسالة أذواق )
فيها عوامل أمان ( فرامل ABS و فرامل EBD ) ومانع تشغيل مضاد للسرقة ودا بيفرق جامد في الحوادث لا قدر الله
سعر السيارة تيدا سيدان أتوماتيك أول فئة بسعر 114 ألف جنية ( مش رخيصة يعني بس ماباليد حيلة أسعار كبيرة يبقي أنت أكيد في مصر )
المهم

ذهبت اليوم الي توكيل نيسان اللي في شارع سوريا بناصية شارع السودان _ المهندسين

طبعا المقابلة لطيفة جدا ( عشان لسة التوكيل ما قفاش الفلوس )
فتكلمت عن نظام التقسيط وهناك كذا نظام


1- أدفع 50 % من ثمن السيارة والباقي علي 5 أو 6 سنين بفايدة 7.7 % والمطلوب صورة البطاقة و أيصال كهرباء وذلك تبع بنك المشرق وطبعا يوجد حظر بيع في خلال فترة التقسيط بالأضافة الي 800 جنيه مصاريف أدراية ( تقربيا 1.5 % من المبلغ اللي هايتقسط ويتم دفعهم مرة واحدة في الأول) + تأمين حسب ما أنت عايز ة وهم لهيم تعاملات مع شركة قناة السويس للتأمين تقربيا 4 % بس مش فرض عليك قنا’ السويس


2- لو هتدفع تقربيا أقل من 50 % ( حوالي 25 % لا أتذكر ) نفس الكلام السابق بس أضافة عليه مفردات مرتب لو موظف و لازم يكون القسط 3/1 المرتب ( وسألت ال Sales يكون مكتوب موجه لمين قالي مفردات بيان مرتب موجة للبنك المشرق ) أوسجل ضريبي بدل مفردات المرتب


لوالمقدمة قليلة والقسط أكبر من 3/1 المرتب تبقي الفايدة اعلي



أخيرا أية رأيكم أتوكل علي الله و أشتريها بعد الأستخارة طبعا ولا أعمل أية

هوا أولاً : التيدا فعلاً افضل اختيار .... و انا كنت محتار زي حضرتك كدا , بس يعني استقرينا ع التيدا لغاية دلوقتي ...
التيدا افضل اختيار بشهادة آراء ناس كتييييير في المنتدى .....

ثانياً : و الله يا باشا هوا في حل افضل شوية ... ( و ياريت لو التوكيل بيتعامل مع بنك اسكندرية )
انك تحول المرتب بتاعك على البنك ( و ده لازم موافقة من الجهة اللي انت شغال فيها ) ... و ياريت بنك اسكندرية ( فرع اسبورتنج ) لان الفايدة بتاعته اقل ... فايدته 7.2 % ..... و انك تاخد قرض من البنك تزوده على الفلوس اللي معاك حالياً و تشتري العربية كاش ....

طبعاً كلمة كاش تخض ..... بس ح اقول لحضرتك انها ميزة عن التقسيط ....

انت لو اخدت العربية كاش ..... ح تلغي من على نفسك حكاية حظر البيع ..... و لا في حظر ملكية و لا في حظر بيع ... يعني تقدر تتحكم بالعربية بتاعتك عادي جداً و لو حبيت تبيعها تقدر تبيعها ... لكن تقسيط و حظر بيع , يعني مش ح تبيعها طول ما انتا في فترة التقسيط .....

سؤال : طب و بالنسبة للقرض ؟

حضرتك ح تقسط القرض , بدل ما تقسط العربية ...... و لو جيت تحسبها ح تلاقيها هيا هيا .... بس الفرق ان تقسيط القرض اقل من تقسيط العربية ( وده على حسب القرض اللي ح تاخده ... بس برده حضرتك حاول تقلل القرض شوية يعني 25 الف او 30 الف كويسين ) .......

طبعاً في بنك فايدته اقل بكتير من بنك اسكندرية ....

بنك ناصر الاجتماعي فايدته 6% ...... ارحم طبعاً من بنك اسكندرية ....... بس بيحصل فيه شوية مشاكل .....

انا بقول لك الكلام دا من واقع معلوماتي يعني ... و على العموم اسأل اكتر برده ....

بس حضرتك حاول تدور على اقل فايدة ممكنة ..... لان 7.7 % كتير ...... و يمكن ارحم من بنوك فايدتها 9.5 % ......

بس متتسرعش حضرتك و حاول تسأل اكتر ...... و ربنا يبارك لك ان شاء الله في العربية الجديدة :)