بالمنطق

**A7MED_PHARMA** · 01-07-2010 12:24 AM

كلام ماكنش بيتقال قبل كده
زمان كنا بنشتكي...ونقول أه يابلد
دلوقتي
الكلام بقا أكتر من شكوة...شباب ماتت على شواطئ الاتحاد الاوروبي
شباب راحت تدق على أبواب بلاد تانية تحن عليهم بلقمة عيش
وللأسف ...المصير كان الموت على شواطئ غريبة
ناس بتنتحر دلوقتي ..علشان مش لاقية لقمة عيش
ناس تموت بعض علشان 20 جنيه
الناس بقت بتكح ترااااااب
ولو على كده(ممكن) نمشي حالنا..لكن كمان كرامتنا بقا مش من حقك تحافظ عليها
وده شوفناه كتير..على الأقل ..على الأقل ...الإحترام
الإحترام مش بتلاقيه...وده موجود من القطاعات السيادية ورجال حفظ الأمن
كلام كتير ......كتير أوي

ودلوقتي
الكلام مابقاش مجرد شكوة...الكل عاوز يسافر
الكل عاوز يسيب السفينة تغرق ..ويطلع بحياته
أنا كنت بقول قبل كده..إن لو السفينة غرقت ..هفضل معاها لحد ماتوصل للقاع
لكن بعد تفكير..على رأي أبوكمال..نحكم رأينا ونهاجر كلنا
كنت بستغرب لما والدي(ربنا يشفيه)يقولي..يا أحمد شوف أول فرصة وهاجر
وماتقعدش
والدي كان بيقولي الكلام ده من أياااااااام ثانوية عامة
دلوقتي بعد التفكير
مابقاش وقت شعارات ..البلد دي طالما مش بتاعتنا ...يبقا نسيبها لإصحابها ونهاجر يولعوا بيها
العمر أقصر من إننا نقعد نحلم بالفجر يطلع من تاني
الفجر مش هيطلع بإيدينا..ولا بإيد أولادنا
يعني
زي مابيقولوا في الأفلام الأجنبي
""every man...for him self""
يعني
كل واحد ينفد بعمره
وبكل أسف...
إلي خلاني أكتب الموضوع ده..إنها يدوبك ماشية
ومع زيادة أسعار البنزين إلي داخلة علينا خلال ساعات..شوفوا البلد هيبقا حالها إيه
دي يدبوك ماشية..هنلاحق منين ولا منين

**MohaMed_Refaat** · 01-07-2010 12:34 AM

احيانا بحس انها قربت وخلاص الغمة قربت تنزاح لان فى بوادر تغيير بتظهر زى البرادعى والسيد البدوى وجبهة التغيير

لكن لما بشوف الاستبداد والظلم وان فى ناس مستفيدة من الوضع الحالى ومستحيل يسمحوا باى تغيير ياثر على وضعهم بحس بياس من اى انفراج قريب

الله وحده اعلم باللى حيحصل فى مصر .

**A7MED_PHARMA** · 01-07-2010 12:38 AM

والله يا أبو عزت
الجماعة إلي فووووووق ...فصلوا قانون دستوري بخصوص الترشيح للرئاسة
والقانون واخد وضع دستوري طالما إن أعضاء المجلس ((الموقر)) صدقوا عليه..يعني قانونا نواب الشعب موافقين عليه
يعني الشعب موافق عليه
والبرادعي مهما عمل ..طالما مالوش صفة قانونية...يبقا كأنه بيخبط دماغه في الحيط
يعني
زي بتوع النيابة..""يبقى الوضع كما هوا عليه""

كنت عاوز أعلق كمان تعليق على السطر إلي فوق ده على طول..بس خايف أتوقف تاني

**A7MED_PHARMA** · 01-07-2010 12:52 AM

المشاركة الأصلية كتبت بواسطة seiffoz

دكتور أحمد ...

البلد مش هتتغير غير بلغة القوة ..

لغة القوة دي
معناها خروج على الحاكم...وخروج على الشرعية والديموقراطية
أو يكون معناها إنفلاب
وياخدوني أنا وإنت يعدمونا في ميدان عام
(شر البلية مايضحك)

البلد دي مش هتتغير....طول ما الناس بقت بتكرهها يوم بعد يوم
والتغيير مش في شخص واحد
التغيير في المنظومة ..وأخلاق الناس إلي أدمنوا السلطة والسادية

س 1 .أعرب ماتحته خط..؟
س2 . أخرج الكلمات البلاغية من القطعة السابقة..؟

**mrwho1982** · 01-07-2010 01:12 AM

المشاركة الأصلية كتبت بواسطة A7MED_PHARMA

لغة القوة دي
معناها خروج على الحاكم...وخروج على الشرعية والديموقراطية
أو يكون معناها إنفلاب
وياخدوني أنا وإنت يعدمونا في ميدان عام
(شر البلية مايضحك)

البلد دي مش هتتغير....طول ما الناس بقت بتكرهها يوم بعد يوم
والتغيير مش في شخص واحد
التغيير في المنظومة ..وأخلاق الناس إلي أدمنوا السلطة والسادية

س 1 .أعرب ماتحته خط..؟
س2 . أخرج الكلمات البلاغية من القطعة السابقة..؟

انا اؤيدك

بس حبيت الف نظرك لنقطة

انك لسة طالع من السجن بقاللك اسبوع او اسبوع وشويه

ولا تحب ترجع لعلي علوكة واشرف كوخة

**brown-eyes** · 01-07-2010 02:42 AM

بصراحة عندك حق لما يكون حضرتك دكتور صيدلي وعندك صيدلية وبتشتكي من المعيشة يبقي فعلا وصلنا لمرحلة صعبة اوي انا ماحستش بكده فعلا غير لما سافرة ياجماعة برة العامل اللي شغال مثلا في مطعم ده يعتبر من الطبقة المتوسطة وعايش كويس ومعاه عربيته وليا تامينات زيه زي صاحب المحل بصراحة الامثلة كتير بس الواحد مش عايز يحكي عشان الناس ماتتعبش عليه العوض ومنه العوض في مصر !

**misoalex** · 01-07-2010 02:56 AM

حبيبى
بعيدا عن الموضوع
التحديث الجديد للمنتدى فضحك يا دكتور احمد

انا ملاحظ ان بعد كل رد بتكتبه بتعدله تانى وبيتكتب تحته (التعديل الأخير تم بواسطة a7med_pharma )

الوقف عمل شغل ولا ايه يا دكتور

اما بالنسبه للموضوع الى انت بتتكلم فيه فأنا كتبت رد ومسحته

-

-

-

الموضوع: بالمنطق

LinkBack

أدوات الموضوع

عرض

بالمنطق - انشر الموضوع فى :

-

-

-

-

-

-

المواضيع المتشابهه

كل شئ بالمنطق

طفل يقنع البروفيسير بوجود الله بالمنطق ..

الكلمات الدلالية لهذا الموضوع

المفضلات

المفضلات

ضوابط المشاركة