الموضوع: استفسار عن i10

جيب من سمير ريان

العربية جميله و فى المجمل قريبه من النيو اكسنت فى الثبات و العفشة بس عفشتها انشف شويه لكن موتورها لا يقارن بالاكسنت

سواقتها ممتعه اكتر من النيو اكسنت علشان الباور الكهرباء

العربية معايا بقالها اكتر من سنه و نص ما شاء الله كويسه جدا رغم انى مبهدلها حرق ساعات و طرق مكسره و حفر

لكن تكييفها تبريده مش حلو خالص لو العربية اتركنت فى الشمس فتره و جيت تركبها العربية بتخزن حرارة بصورة غير طبيعيه علشان الفرش الجلد لكن بالليل التكييف تلاجه و كمان لو طالع من الجراج و العربية بارده بيكون تلاجه لان العربية مش مخزنه حراره

كمان ظهر عندى تشقق بسيط فى الجلد بتاع الكرسى اللى بقعد عليه و بالتالى علشان تتغلب على العيوب دى هات الفول اوبشن بفرش قماش رغم ان الفرش الجلد بتاعها شكله احلى بكتيير

1000 شكر على اهتمامك وردك ولو سمحت هي إيه اخبر اسعار قطاع الغير هي فعلا غليا زي مالناس بتقول...؟

بصراحه كل اللى اعرفه انها كانت غاليه جدااا اول ما نزلت

بس لما بصيت على اسعار بعض قطع الغيار اللى بتحتاجها للصيانات الدورية لقيتها معقوله جدااااا

فلتر الهواء 42 او 48 جنيه
البوجيهات 40 للطقم
فلتر زيت 18 جم

تغيير فلتر الهواء كل 15,000 كم

و البوجيهات و فلتر البنزين تغيرهم بعد 40,000 كم على كلام الكاتالوج و مواصفات الشرق الاوسط و ملكش دعوه بكلام الوكيل اللى بينصب على الناس و يجبرهم يغيروا على 20,000 كم و ساعات اقل

لكن اسعار قطع الغيار زى الفوانيس و الابواب و الاكصدامات مش عارف سعرها بس فاكر انها اقل شويه من زمان بس تعتبر غاليه لو هتقارنها بعربيات تانيه شعبيه زى اللانوس و الماتريكس