مساعدة لأول مرة :)

**egyptweed1** · 01-07-2010 01:52 AM

انا نويت باذن الله اجيب ريسنج مع العربية عايز اعرف الريس ال 250 العادى عامل كام انا مبفهمش اى حاجة فى الريسات حتى لسة هتعلم السواقة فعايز اعرف لو روحت لأيمن فوزى اللى الناس بتقول عليه لازم أخد حد فاهم او ميكانيكى ولا ايه ؟ و مين ممكن يعلمنى السواقة ؟؟

**omarken** · 01-07-2010 01:57 AM

ايمن راجل محترم وسمعته 100/100
ال 250 عاده هتلاقيها من 13000:15000 حسب الحاله
موضوع السواقه سهل جدا ان شاء الله
فى معانا عضو فاضل khaled2010
انا اتعلمت على ايديه .... وبصراحه أستاااااااذ

**omarken** · 01-07-2010 02:01 AM

وده موضوع التعليم اللى عامله خالد
http://www.nilemotors.net/Nile/156602-a.html

**M!NA** · 01-07-2010 02:03 AM

و أنا كمان اتعلمت من خالد... و هو فعلا انسان محترم جدا ... و صبور في التعليم...

و طلعت الرخصة كمان... و كان واقف معايا في كل الخطوات....

**egyptweed1** · 01-07-2010 03:15 AM

شكرا جدا لردودكو يا جماعة و يا تامر باشا انا معايا عربية يعنى النقلات فاهمها و بركب عجل و جربت قبا كده اركب موتسيكلات بس العادية عارف القواعد يعنى بس هو مفيش ريسنج اتوماتيك ؟؟ :)

**zoom2zoom** · 01-07-2010 03:38 AM

المشاركة الأصلية كتبت بواسطة egyptweed1

شكرا جدا لردودكو يا جماعة و يا تامر باشا انا معايا عربية يعنى النقلات فاهمها و بركب عجل و جربت قبا كده اركب موتسيكلات بس العادية عارف القواعد يعنى بس هو مفيش ريسنج اتوماتيك ؟؟ :)

لا مفيش ياباشا عموما خليك مع خالد 2010 وهو هيعمل معاك الواجب وفوقه حبه كمان

**tamertamer** · 01-07-2010 06:08 AM

المشاركة الأصلية كتبت بواسطة egyptweed1

شكرا جدا لردودكو يا جماعة و يا تامر باشا انا معايا عربية يعنى النقلات فاهمها و بركب عجل و جربت قبا كده اركب موتسيكلات بس العادية عارف القواعد يعنى بس هو مفيش ريسنج اتوماتيك ؟؟ :)

بص سيبك من حوار الاوتومتك دة انا اسمع انة فية بس فئات علية بس عمتا حلاوة الريس فى النقلات ياراجل النقلات سهلة جدا انت بس تتعود عليها وهتبقا اسهل من السهولة ولو انت بتسوق متسكلات عادية الريس بس الفرق فى النقلات ان الاولانى لتحت وباقى النقلات لفوق وتخلى بالك جدا من الفرامل الامامية عشان لو عملت زى العربية وكبست عليها جامد هتلقى نفسك انت والبيك فالارض بتسحف

**egyptweed1** · 02-07-2010 04:53 PM

طيب يا باشا لما اجى اشترى ان شاء الله اخد ميكانيكى مين معايا و اديلو كام تقريبا لو هشوف حاجة من النت ؟؟ ولو روحت لأيمن فوزى لو قاللى على حاجه حلوة اخدها وخلاص من غير موريها لحد ؟؟

**tamertamer** · 03-07-2010 10:52 AM

بص ياباشا انا هحكيلك تجربتى مع ايمن فوزى عشان تبقا على نور انا رحتلة من 3 اسبيع تقريبا كنت بسالة على وحدة 250 او 400 المهم فى هناك راجل كبير وقصير شوية ورانى وحدة 250 فير المهم ببص عليها فبقلة دية رشة قلى مستحيل قلتلة رشة وكمان الضفيرة بتعتها معمول فيها شغل ترميم قلى مستحيل قلتلة امال شريط اللحام دة بيعمل اة دا انا لسة مفكتش الفير وقلبت دة المنظر قلى مستحيل قلتلة هى جية من اليابان كدة على فكرة انا مش بتكلم فى رشة او كهربا بس انا بتكلم فى مصدقية الحوار نفسة وكمان المتور حالل وانا بتكلم مع الراجل دة دخل ايمن فوزى بقلة الريس دة راشش قلى اة الراجل جنبى وشة جاب الوان وسكت عن الكلام ويمن ورانى جوة 400 تعبانة جدا متسويش حاجة بجد متور مفشوخ وحاجة زفت وقلى دية بتاعت زبون قلتلة المفرود متعرضهاش فى معردك لان قلى هيخدها بيخدها من ايمن فوزى ودية تعبانة جدا الخلاصة

المكنيكى ممكن يسرئك ومحدش يقدر على كهن الصنيعية ممكن يبيعك للتاجر والتاجر بيبعلك لازم تسمع منة احلاء كلام لغاي لما ياخد الفلوس ايمن مزتة انة بيديك وقت كام يوم ممكن ترجعهالة هذا ما نسمعة لاكن محصلتش قدامى فمقدرش ااكدة فى ناس هنا اشترو منة متوسكلات زى احمد كمال بص خد معاك مكنيكى انا ممكن ابعتلك نمرة مكنيكى بسيطة وممكن تتفق معاة على الفلوس مش قصة ممكن تكلم خالد معانا هنا هو راجل شهم وبيفهم كويس يبصلك عليها ويديلك الموفقة المبدائية وتجيب المكنيكى زيادة اطمئنان وربنا معاك عشان انا نفسى من ساعت مبعت الموتسكل بتاعى وانا بندم اشد الندم الحالات قلى فى السوق وحشة جدا بالمقرنة بحالة المتسكل بتاعى