معلش يا شباب عاوز حد يقولي ازاي اركب الساعة في دفيرة التابلوه لاني لما فكيت الفبره اللي مكان الساعه في التابلوا ماقتش الفيشه اللي تركب في الساعة فا انا عاوز اوصلها على الدفيرة عاوز اعرف الالوان ايه اللي هيركب عليها الساعة بحيث تشتغل مع الكونتاك و ياريت لو فيه صورة توضح علشان الواحد ميعملش مشكلة
شكراً لاهتمامكوا
ايه يا شباب محدش عارف ولا ممدش عاوز يرد عليا
انا مستني الرد و متابع جداااااا
انا مش عارف التوصيله ازاى ، بس عاوز الفت نظر حضرتك ان الساعه بيكون ليها وصلتين كهرباء ، واحده مع الكونتاكت و ديه بتدى اقصى اضائة للساعه علشان تبان بالنهار ، و واحده تانيه مع نور التابلوه علشان لما تشغله ينخفض نور الساعه .
شكرا يا صحبي على الايضاح
طيب انا دلوقتي عاوز اعرف اوصلها ازاي ؟؟؟؟
ارجوكم حد يساعدني
متابع باهتمام
انا ماركبتها كانت في فيشة وركبتها على طوللللللل
اسال البشمهندس \محمد ممدوح
بيبقي موجود فيشة في الضفيرة
انا ركبتها عندي في 30 دقيقية لاني ما كنش عندي فيشة و الكهربائي اخد 20 جنيه
يا شباب طيب عاوزين حد يشرح لنا اكتر نركبها ازاي
كل الشباب اللي اشتركو في الرد ركبوها و الحمد لله
وانا طالب حد يساعدني او يساعدنا كلنا عموما في تركيبها
هو انتو بتغظونا ولا ايه يا شباب انكوا ركبتوهاو احنا لا يعني و لا ايه ؟؟؟ هههههههههههههههههه
ساعدونا يا شباب .. انا منتظر ردودكم بأهتمام شديد .. موضوع مهم فعلاص لان الاغلبية معنهاش الساعة دي في عربيته
ايه محدش عاوز يفيدنا يا جماعة و لا ايه ؟؟؟
فين المشرفين و اعضاء المنتدى
فين الناس الحلوة اللي ممكن تساعد
انا متابع بشده
بص انا ركبتها من غير فيشه بس انا مش فاكر الالون بصراحه لان الكلام ده في عربيه واحد صحبي من حوالي سنه ونص بس اللي انا فكره كويس في فرده سالب وفرده موجب بوصلها علي الموجب الثابته اللي داخل للكاسيت عشان يحافظ علي الساعه حتي وانت طافي الكونتاكت لغايه كده مش هاتشوف حاجه علي الساعه في موجب تاني بيتوصل علي موجب الكاسيت اللي بيشتغل مع الكونتاكت وده اول ما هاتوصله هتشوف الساعه اشتغلت وفي فرده تاني هاتوصلها علي اي فرده من نور التبلوه انا اخدتها ساعتها من نور مفاتيح التكيف ديه اول ما تتوصل هاتقلل اضائه الساعه وديه بيحافظ عليها شويه عشان ما تبظش بسرعه لانها بتسخن وهي شغاله وديه طبعا لما ها تفتح التبلوه معني كده انك باليل فالاضائه هاتقل شويه
لو جت فرصه اعرفلك الوان الفرادي هاقولك
يعني باختصار
سالب
موجب ثابت يحافظ علي الساعه مش هاينور الساعه
موجب مع الكونتاكت عشان الساعه تشتغل
موجب مع التابلوه عشان يقلل اضائه الساعه للنص وده مفيد للحفاظ علي عمر الساعه
شكراً يا غالي و بصراحة انت هايل لاننا عرفنا الاول الاطراف اللي خارجه للساعة فاضل بقا التركيب و ياريت لو في صور بقا كمان يبقا موضوع ممتاز.... انا منتظرك و متابع جدا
شكلك كده عايز تعملها بنفسك........؟؟؟؟؟؟؟؟؟؟
اقتباس:
المشاركة الأصلية كتبت بواسطة sala7
طيب معلش سؤال هو حضرتك قدرت تحدد الفرادي اللي خارجه من الساعه لو عرفت انا ممكن اكمل معاك خطوه خطوه موضوع الصور مش هايفيدك في التوصيل الكهربي هاتفيدك في التركيب في مكانها بس عمتا ممكن تشوف طريقه فك التبلوه في المواضيع الموجوده هاتعرف ازاي تفك وتركب في مكانها
بنسبه للتوصيل الكهربي انا ممكن ارسملك كده ديجرام بسيط للتوصل بس اهم حاجه انت جبت فيشه وحدت الفرادي عشان نعرف نكمل
والله يا معلم انا ممكن اعملها بنفسي بس الاول اتاكد انا هشتغل على ايه في الدفيرة بدل ما ابهدل الدنيا .. ياراجل ده انا بفكر اشيل الساعة و اركب بوصلة ....هههههههاقتباس:
المشاركة الأصلية كتبت بواسطة waleedrahmy
اقتباس:
المشاركة الأصلية كتبت بواسطة jojowork1
هايل موضوع الرسم ده يا باشا و فكرة ممتازة
على فكرة انا عارف طريقة فك التابلوه انا فكيته كتير قبل كده متشيلش هم الفك و التركيب .. لايمني انت بس على المخطط ..... ادييييني
هههههههههههه
الساعة ليها اربع وصلات
ارضى
وصلة كهرباء من الكونتاكت
وصلة كهرباء من البطارية
وصلة كهرباء من النور الصغير
MMamdouh
المفروض انك اول مابتفتح التابلوه,بتلاقى الفيشه قدامك على طول .مجرد انك بتحطها بس وخلاص.وانا عملت كده بنفسي فى 3 دقايق
الكلام ده هايل ....محتاجين بقا خبير يقولنا نعرف منين الاسلاك المتوصلة على الكونتاك و البطارية و النور الصغير و زي ما احنا محتاجينها على المخطط او رسمه كدا توضيحية علشان الناس اللي متعرفش في الدفيرة زي حلاتي كدا .. لان انا رحت لكذا واحد و معرفوشاقتباس:
المشاركة الأصلية كتبت بواسطة mmamdouh
انا مستعد اغامر و العب في الدفيرة عن طريق المخطط
بص بصراحه انا مش فاكر اللوان او الفرادي وحتي لو رسمتلك مخطط مش هاقدر احط عليه الوان اسلاك
بس هحاول اساعدك شويه
تعالي نمسك الفرادي واحده واحده
الارضي ممكن بمنتهي البساطه توصله في الارضي اللي في الكاسيت وده لونه اسود طبعا هاتقشر السلك بمكوه لحام او قطر من نصه بحيث ما تفصلهوش وتوصل فيه فرده السالب للساعه
نمسك تاني فرده وهي الموجب اللي هايفضل شغال علطول عشان يحافظ علي الوقت
انت هاتجيب افوميتر وهتفك الكاسيت ووش مفاتيح التكيف وبعدين هتكون فاصل الكونتاكت ومطلع المفتاح بره اصلا وهاتوصل فرده الافوميتر السالب في اي حاجه سالب حتي لو جسم العربيه او الفرده السوده وبعدين ها تبدي تقيس تقريبا هي فرده لونها اصفر داخله علي فيشه الكاسيت هتلاقي فيها موجب ديه اللي هاتروح للفرده الموجب اللي بتحافظ علي الساعه
وبعدين هاتفتح الكونتاكت وتقيس بنفس الطريقه هتلاقي تقريبا فرده لونها احمر وصله علي فيشه الكاسيت برده هتاخد منها الموجب اللي هايشغل الساعه مع الكونتاكت
وبعدين هتقيس علي فيشه اللي داخله علي وش التكيف وانت فاتح نور التبلوه هتلاقي كذا فرده عليها موجب هاتطفي نور التبلوه وتشوف الفرده اللي هاتطفي معاك وبكده هاتبقي هي التبلوه او هتلاقي برده في فرده داخله علي مفتاح الانتظار من تحت هما فردتين لوحديهم وحده منهم موجب بيشتغل مع التبلوه اللي بينور اللمبه اللي جوه مفتاح الانتظار مع التبلوه هتاخد من ده او من ده وهتوصل بنفس الطريقه انك بتقشر الفرده من النص وتوصل فيها ويفضل انك تلحم بمكوه لحام وترجع تقفل علي السلك بشريط لحام او الهيت كافر
طيب تعالي كده نرتب الخطوات
1- ارضي من ارضي الكاسيت او اي ارضي ديه سهله خالص وبرده كل الاحتملات هتلاقي ارضي داخل علي وش التيكف وعلي مفتاح الانتظار
2- الموجب اللي بيحافظ علي الساعه يعني لازم يكون موجب شغال طول الوقت هتلاقي عندك فرده صفره في فيشه الكاسيت او فرده احمر في اصفر في مفتاح الانتظار واتئكد بالقياس
3- الموجب اللي بيشغل الساعه مع الكونتاكت وبرده عندك ده موجود في فيشه الكاسيت لونه احمر او برتقالي اتئكد بالقياس
4 - الفرده اللي بتهدي الاضائه مع التبلوه هتلاقي عندك في وش التكيف عشان بينور مع التبلوه او مفتاح الانتظار او الضباب لان كل ده بينور مع التبلوه برده اتئكد بالقياس
طيب ازاي نعرف الفرادي ديه في الساعه
لو عندك الفيشه هتلاقي في فرده سوده ده الارضي القصه انتهت غالبا هيبقي اللون الاصفر الموجب المستمر الي بيحافظ علي الساعه واللون الاحمر الموجب اللي بيشتغل مع الكونتاكت والفرده الرابعه اللي مع التبلوه
طيب لو الفيشه الوانه مش واضحه هتلاقي السالب اسود اكيد وصله في السالب علي البطاريه او حتي محول 12 فولت في البيت قبل العربيه وبعدين هتوصل فرده فرده علي الموجب في فرده منهم هاتنور الساعه كده ديه اللي بتشتغل مع الكونتاكت هاتسيب الفرده ديه متوصله يبقي كده باقي عندك فردتين فرده للحفاظ علي الساعه وفرده اللي بتشتغل مع التبلوه
هتوصل واحده واحده من الاتنين الباقين واحد منهم هتلاقيها قللت من اضائه الساعه كده ديه فرده التبلوه والفرده الاخيره هي اللي بتحافظ علي الساعه
ياريت اكون عرفت اشرح لاني عارف اني مش تربوي او معنديش قدره علي توصيل معلومه
جرب وحاسب وربنا يسهل
اتئكد من الالوان بالقياس لاني ممكن جدا اكون ناسي الالوان او مختلفه من عربيه لعربيه
اقتباس:
المشاركة الأصلية كتبت بواسطة jojowork1
تسلم و تعيش يا كبير
انتظر ردي اخر الاسبوع كدا ان شاء الله علشان اعرف املص من الشغل و ابتدي اشتغل على الموضوع
و ان شاء الله خير و هحاول اصور الخطوات و اعملها موضوع جديد و النتيجة بعد التركيب ان شاء الله
يارب كلنا نستفيد
يلا شد حيلك بس علي مهلك وبهدوئ وركز وقيس وهات ورقه وقلم واكتب قلي اللي بتقيسه وواحد واحده براحه عشان ما تبوظش حاجه منك
اولا لازم تفك التبلوه من اسفل لاعلي يعني من عند حامل الاكواب حتي الجزء اللي في الانتظار وممكن ترجع لاي موضوع عن فك التبلوه
وبعدين هتلاقي الجزء اللي المفروض يركب فيه الساعه مكانه طبه سودا هتفكها وتركب مكنها الساعه بنفس مساميرها وبعدين بص جو التبلوه هتلاقي فيشه للساعه وصلها وهتلاقي الساعه اشتغلت زي الفل وارجع ركب تاني من الاخر للاول
تسلم ياباشا على مرورك الحلو ده ..
انا الحمد لله فكيت التابوله قلبل كدا كذا مرة و للاسف انا معنديش الفيشة دي فا هضطر اعمل الحوار اللي انتي قريته معنا ده
و ربنا يسهل انا بس مستني لما اخر الاسبوع يجي علشان ظروف الشغل و علشان ابقا في الامان و مايحصلش مشاكل لان العربية ايدي و رجلي و هي الوسيلة للذهاب و العوده من الشغل
و شكراً يا اخ رضا على ردك الف شكر
و متشكر جدا جدا يا أخ جوجو على المخطط الجامد و ان شاء الله ربنا يسهل و ابتدي فيه
تسلم يا حبي
علي ايه يا باشا انت تؤمر بس المهم نشوف الساعه بعد ما تركب عشان كل شويه اتصل بيك بقي اسئلك الساعه كام :ma:اقتباس:
المشاركة الأصلية كتبت بواسطة sala7
ههههههههههههههههههههههههه ههههههههه
ياباشا انت تامر
بجد المنتدى ده هايل بالشباب اللي فيه
السلام عليكم و رحمة الله يا شباب
انا اول امبارح فكيت التابلوه زي ما قلتكوا و حاولت اركب الساعة بس ما اشتغلتش بردوا يا ترى فيه ايه مع ان مشيت على القياسات الي موضحة في الموضوع
ده حتى في مشكله واجهتني ان سلك الساعة اللي موجود في الفيشة قصير و كمان في 3 كبلات خارجين من الدفيرة
واحد داخل على لوحة التحكم بتاعة على زرار المكيف و التاني على زرار الزجاج الحرار الخلفي و التالت على لمبة الانتظار و كل واحد فيهم مشدود بطريقة زي مايكون مستخصرين يحطوا سلك انا بالعافية جدا عارف امسك السلك علشان اقيس و اعرف ده ايه و دايه
الحاجة التانية .. هي ممكن الساعة تكون بايظة اساسا ؟؟؟؟
ولا ده احتمال بعيد ؟؟؟؟
عاوز اعرف ردكوا علشان يا انا يا الساعة دي ان شاء الله
اذا كنت شاكك في الساعة جربها اولا علي البطارية مباشرتا
جرب الساعه بره في الاول حتي لو علي محول 12 فولت هاتشتغل عادي
وبعدين راجع علي الخطواط براحه بعد ما تتئكد انها شغاله اصلا وتعرف اطرفها مظبوطه ولا لا
السلام عليكم و رحمة الله و بركاته
انا ركبت الساعةبفضل الله و اشتغلت يا شبااااااااااااااااااااااا ااااااااااااااااااااااب :unhappy:
و هنزلكم الطريقة كاملة ان شاء الله قريباً انا بس بحضر الشرح علشان الكل يستفيد و يكون الشرح واضح
بشكر كل الشباب اللي ساعدوا في الطريقة و على وجه الخصوص الاستاذ/جوجو باشا الكبير و الاستاذ م.زاهر المحترم لانه حط الديجرام بتاع الساعة و انا بعد اذنه طبعاً هنزل الديجرام تاني بس محطوط عليه الكبلات اللي رايحة للدفيرة
و على فكره يا شباب انا ركبت الساعة بدون قطع في اسلاك الدفيرة او حتى قربت لاسلاك الدفيرة خالص دي فكرة جتلي كدا و انا قاعد
اولا أحب اقول ان دى اول مشاركه ليا فى الموقع الرائع ده
حقيقى انا استفدت كتير منكم يا اساتذاتنا الكرام
انا عارف انى بسال على حاجه فات وقتها من زمان بس المشكله اللى انت قابلتها من 3 سنين انا بقابلها دلوقتى بالظبط
انا قريت الموضوع بالكامل بس حاليا واقف قدام مشكله محتاج مساعدتك فيها
اولا انا اشتريت الساعه جديده ومش معاها فيشه وبرده التابلوه مش موجود فيه فيشه
حبيت اعمل حركة نصاحه جبت فيشه قديمه بتاعت كاسيت قديم وقسمتها نصين بحيث تبقى على نفس مقاس الساعه وبالفعل نجحت فى كده لكن للاسف الشديد قابلتنى مشكله تانيه وهى ترتيب الاسلاك بحسب الكهرباء
للمعرفه الساعه ليها 6 مخارج مش 4
فاتمنى منك لو تعيد رفع الملف اللى فيه الشرح لانى حقيقى فى حاجه الى الوصف ده علشان اعرف الاسلاك الارضى على انهى مخرج والكهرباء على انهى مخرج وشكرآ جزيلا ليك يا استاذ صلاح وللاخ جوجو ورك اللى شارك فى المشاركه الاصليه اللى قبل دى