ممكن حد هنا يساعدنى لانى زهقت من العربية وشكلى هبعها

انا معايا لانوس كل اما ادورها مبدورش الا اجيب كام واحد يزقها المهم رحت امبارح عند الكهربائى وقلتلة على المشكلة انى العربية مبتدرش لما اجى اشغلها قلى العيب فى المارش قلتلة شوف اللاذم المهم فك المارش ونظفتة وقلى جبتلة حاجة كدة للمارش مش فاكر اسمها فيها ارفع سلوك نحاس مش فاكر اسمعا 20 جنية فعملة وركبة ودور العربية دارت فجيت النهاردة اشغل العربية مبتدرش بردك شغلت الكونتاك اول اول ضغطة مشتغلش تانى مرة مشتغلش تالت مرة اشتغل المم رحت بيها مشوار ورجعت بطلتها واشغلها بليل نفس العمل مش عارف بقا اروحله تانى واقلة اية انا زهقت من الصنايعية ممكن يكو العيب فى البطارية ولا المارش ولا الدينامو مع انة شحن البطارية وقلى البطارية كويسة البطارية جافة وجيت اشغل الانذار بيفتح ويقفل مبيعملش صوت لما حد مثلا يخيط العربية كان بيعمل صوت دلوقتى بشغلها الانذار من غير العربية متعمل صوت مش عارف بقا المشكلة فى اية انا زهقت وشكلى هبعها بسب الحوار دة انى هى مبتدرش:majd(4)::majd(4)::majd(4):

واضح من كلامك انك متعصب بس دلوقتي لانك تلاقيك جيت بره علي الكمبيوتر عدل فطلعت غيظك هنا واخدت قرار غلط وانك تبيع العربية
يعني لو مشينا علي مبدأك ده يبقي لما صبعك يورم تقطعه بدل ما تعالجه
يا عمنا روح لكهربائي بيفهم وعالج مشكلتك واطمن شكلها مشكلة بسيطة بس عايزة صنايعي شاطر
روق كدا وصلي علي النبي

لا والله مش كدة بس انا زهقت انا كنت عندى طول النهار وفك المارش وعملة وبردك ولا اكنة عمل حاجة بتعطل بردك

انت ساكن فين لو فى مدينة نصر ممكن ابعتلك عنوان مركز صيانة محترم جدا
و ماتبعش العربية انت تعاقبها و تسبها فى حتة صحراء و دة اكبر عقاب للعربية
بس سيب فيها المفتاح
وطبعا عقد بيع باسمى
وقلى هاتسبها فين
و انا هتصرف معاها
هاهاهاهاهاهاها
يا عم سيبها على الله
بسيطة

ههههههههههههههههههههههههه ههههههههههههههه فكرة ممتازه

بس يا باشا انا عندى كهربائى ممتاز اسمه م/ محمد السيد ده كهربائى متخصص بالدايو موجود فى شارع جابر بن حيان بالدقى عنده جهاز للكشف وعلى فكرة ده راجل فاهم مش ؟؟؟؟؟؟؟؟؟؟؟؟؟؟؟؟؟؟؟؟؟؟؟ رحله وهو هيقولك على اللازم ولو الموضوع محتاج ميكانيكى هو اللى هيدلك على الصح وانا فى الخدمة.

اقتباس:

---

المشاركة الأصلية كتبت بواسطة mazikagamda

انا معايا لانوس كل اما ادورها مبدورش الا اجيب كام واحد يزقها المهم رحت امبارح عند الكهربائى وقلتلة على المشكلة انى العربية مبتدرش لما اجى اشغلها قلى العيب فى المارش قلتلة شوف اللاذم المهم فك المارش ونظفتة وقلى جبتلة حاجة كدة للمارش مش فاكر اسمها فيها ارفع سلوك نحاس مش فاكر اسمعا 20 جنية فعملة وركبة ودور العربية دارت فجيت النهاردة اشغل العربية مبتدرش بردك شغلت الكونتاك اول اول ضغطة مشتغلش تانى مرة مشتغلش تالت مرة اشتغل المم رحت بيها مشوار ورجعت بطلتها واشغلها بليل نفس العمل مش عارف بقا اروحله تانى واقلة اية انا زهقت من الصنايعية ممكن يكو العيب فى البطارية ولا المارش ولا الدينامو مع انة شحن البطارية وقلى البطارية كويسة البطارية جافة وجيت اشغل الانذار بيفتح ويقفل مبيعملش صوت لما حد مثلا يخيط العربية كان بيعمل صوت دلوقتى بشغلها الانذار من غير العربية متعمل صوت مش عارف بقا المشكلة فى اية انا زهقت وشكلى هبعها بسب الحوار دة انى هى مبتدرش:majd(4)::majd(4)::majd(4):

---

بص يا استاذى كل شئ باراحة اولا السنتر شغال و الكاسيت و نور التابلوة يبقى البطاريه سليمة يبقى غالبآ العيب فى اتوماتيك المارش مش المارش ودة سهل اما بيتنظف بردة زى المارش او بيتغير خالص و مش غالى على فكرة اما بالنسبه لصوت الانذار ممكن يكون السلك بتاع السرينه بتاعته مفصول بص عليها فى الكبوت ممكن يكون الكهرائى فصله و هو بيصلح المارش ونسى يركبه بس كدة

السلام عليكم
ممكن احاول اساعدك بس قولى
1- هل بتسمع صوت للمارش اصلا ام لا و هل طبيعى و لا فيه تعتيله (اقصد اكنه بطيئ)
2- هل المشكلة ليها علاقة بــ حراره يعنى بعد مشوار و السياره سخنة و لا و هى بارده
و عموما ممكن تكون الكابلا ت بها فويت ارضى او كهرباء و ممكن تكون بطاريه لان الفولت لو منخفض احيانا الكنتروى مش بياخد الإشاره الا عند معدل معين اقولك احسن حاجه انت لو قريب منى انا ممكن اشوفهالك مساعده منى
qualified10@hotmail.com

جرب بطارية تانيه وشوف الوضع ايه

المارش حتى لو كان مش نافع تاني حلة مارش استيراد والمشكلة بسيطة مش للدرجة

لازم تشرح بالضبط ايه اللي بيحصل و انت بتدور العربية , صوت المرش عامل إزاي ,
ممكن تكون الكابلات , او جلب المارش ,

لو غلبت روح لمحمد السيد , ده كهربائي كويس .......

داه اكيييس كتاوت دينامو ب 160 جنيه بس لازم كهربائي برنس

مع احترامى لحضرتك
ولكل الزملاء
اللى بيتعملوا مع صنيعية كسر ومبيفهموش
الانوس من العربيات محفوظة الاعطال
اتعامل مع كهربائى محترم زى محمد السيد
وميكانيكى زى محمد هاشم وعبده
ناس حافظة العربية ومش مستنية منها علام

طالما المارش احيانا يشتغل و احيانا مينطقش يبقى شربون المارش خلص و لازم يتغير و ده رخيص و مش بياخد فى ايد الصنايعى نص ساعه

لو عايز تحافط عل عمر الموتور دور العربية بعد ماتسمع صوت الجرس وتدور بعد ما الجرس يخلص
انا حصلت معايا قبل كدة مرة واحد انها ما درتش بعد كدة سبتها لما الصوت يخلص بتاع لجرس ودرت دارت يا معلم
انا سألت عل صوت الجرس دة فايدته ايه قالى
ان العربيه بجهز نفسها يعنى بتوزع زيت الموتور والباور بتاع الدريكسيون ومياه التبريد وطلمبة البنزين وزيت الباكم بتاع الفرامل
فلازم العربية تحضر نفسها الاول عشان حضرتك تدورها ودة بيحافظ على عمر الموتور

اقتباس:

---

المشاركة الأصلية كتبت بواسطة weka_sa

انا سألت عل صوت الجرس دة فايدته ايه قالى
ان العربيه بجهز نفسها يعنى بتوزع زيت الموتور والباور بتاع الدريكسيون ومياه التبريد وطلمبة البنزين وزيت الباكم بتاع الفرامل
فلازم العربية تحضر نفسها الاول عشان حضرتك تدورها ودة بيحافظ على عمر الموتور

---

اللى سالتة و جاوبك الاجابة دى اكيد كان منجد عربى او فران او بتاع عصير قصب... لان اللى قالهولك هجس موديل 2011

1- صوت الجرس بيشتغل لما تفتح الكونتاكت و انت مش لابس الحزام... لو لبست الحزام قبل ما تدور الجرس مش حيشتغل... حسب نظرية الاستاذ المنجد يبقى تركيب الحزام قام بتحضير زيت الباور و الموتور و ميه التبريد

2- "تحضير" دى اول مرة اسمعها... اساسا زيت الموتور و الباور و مية التبريد بيشتغلوا بطلمبة ميكانيكية... و معنى ميكانيكية يعنى الموتور لازم يبقى داير عشان يحصل توليد للضغط و النظام يشتغل... التحضير الوحيد اللى بيحصل هو تحضير طلمبة البنزين لانها كهرباء و بتشتغل بناء على امر من الكونترول لما تفتح كونتاكت... و دة ملوش علاقة بالجرس

زيت الباكم ملوش اى نوع من انواع التحضير اصلا

3- من الواضح ان اللى قالك كدة معندوش فكرة عن مبادىء ميكانيكا السيارات و طبعا مشافش عربية دايو فى حياتة اساسا لان اللى قالة مش موجود فى اى عربية طبيعية خلقها ربنا ولا موجود فى الدايو... واضح ان كان عندة شوية وقت فراغ و عندة خيال خصب فا حب يشتغلك شويتين و قال فى نفسة "فرصة اهجس على الراجل و اعمل فيها بفهم فى اى حاجة و السلام"

اللهم ارحمنا من الفتى و الفتايين و محترفى الهجس :majd(4):

MMamdouh

هههههههه
تعليقك تحفة يا إستشارينا العزيز
بس الفتايين دول موجودين في كل حتة وكل مجال
جرب كده وانزل اسأل علي اي عنوان وشوف الإجابات المنجة إلي هتسمعها
انا مرة سألت واحد علي محل والحظ انه كان ساند علي باب المحل إلي انا بسأل عليه (والمحل كان مغلق)
موش يقول لي انه ما يعرفش
ما اقولكش فسحني حته تفسيحة
ياله ربنا يسامحه

أسف وشكرااااااااااااااااااااا ااااااااا

اقتباس:

---

المشاركة الأصلية كتبت بواسطة weka_sa

أسف وشكرااااااااااااااااااااا ااااااااا

---

الراجل لا يقصدك انت بل يقصد من اعطاك المعلومة
وارجو الا يجعلك الموقف تبخل بأى معلومة ودة هيخلينا نستفاد لو كانت صحيحة او تصلحها لو كانت خاطئة:b4_388:
فالاستفادة مشتركة
وشكرا

اقتباس:

---

المشاركة الأصلية كتبت بواسطة MMamdouh

اللى سالتة و جاوبك الاجابة دى اكيد كان منجد عربى او فران او بتاع عصير قصب... لان اللى قالهولك هجس موديل 2011

1- صوت الجرس بيشتغل لما تفتح الكونتاكت و انت مش لابس الحزام... لو لبست الحزام قبل ما تدور الجرس مش حيشتغل... حسب نظرية الاستاذ المنجد يبقى تركيب الحزام قام بتحضير زيت الباور و الموتور و ميه التبريد

2- "تحضير" دى اول مرة اسمعها... اساسا زيت الموتور و الباور و مية التبريد بيشتغلوا بطلمبة ميكانيكية... و معنى ميكانيكية يعنى الموتور لازم يبقى داير عشان يحصل توليد للضغط و النظام يشتغل... التحضير الوحيد اللى بيحصل هو تحضير طلمبة البنزين لانها كهرباء و بتشتغل بناء على امر من الكونترول لما تفتح كونتاكت... و دة ملوش علاقة بالجرس

زيت الباكم ملوش اى نوع من انواع التحضير اصلا

3- من الواضح ان اللى قالك كدة معندوش فكرة عن مبادىء ميكانيكا السيارات و طبعا مشافش عربية دايو فى حياتة اساسا لان اللى قالة مش موجود فى اى عربية طبيعية خلقها ربنا ولا موجود فى الدايو... واضح ان كان عندة شوية وقت فراغ و عندة خيال خصب فا حب يشتغلك شويتين و قال فى نفسة "فرصة اهجس على الراجل و اعمل فيها بفهم فى اى حاجة و السلام"

اللهم ارحمنا من الفتى و الفتايين و محترفى الهجس :majd(4):

MMamdouh

---

:Ta_clap[1]: :Ta_clap[1]: :Ta_clap[1]: :Ta_clap[1]: :36_1_8[1]: