نيسان تيدا أم ميتسوبيشي لانسر أم كيا سيراتو ؟!!! - حاجة تحير

**Alios** · 01-07-2010 02:59 AM

سلام عليكم

دلوقتي انا محتار جداً جداً جداً جداً ......

انا عاوز عربية في حدود 120 - 130 ألف و اللي عاجبني العربيات دي :

- كيا سيراتو 2011 ( آخر فئة أوتوماتيك كوري - فول اوبشن ) و هيا ممتازة جداً من حيث الشكل الخارجي , و كمان من جوه تحفة برده .... السعر : 123 ألف جنيه .
- ميتسوبيشي لانسر ( الشكل القديم ) زيرو .... اي نعم الشكل القديم , بس الصالون من جوه حاجة تانية ... مكونات ياباني و تقفيل ياباني ... و السعر 125 ألف جنيه .
- نيسان تيدا .... يمكن الشكل بتاعها مش روش , بس واسعة من جوه و الصالون بتاعها يمكن احسن من الميتسوبيشي و أرقى شويه - مكونات ياباني - تقفيل ياباني .... السعر : 127.5 ألف جنيه .

و الآراء اللي سمعتها لحد دلوقتي تتلخص في ان :
- الياباني يكسب عن الكوري .
- اللانسر بيعه أحسن من النيسان ( و لو ان في رأيي لو التيدا ح تتباع , ح تبقى بيعتها احسن برده ) .

انا عاوز بس قبل ما اقرر ... اخد رأيكم ....

يعني اعرف عيوب التلات عربيات ايه .... قطع الغيار نظامها ايه ..... التوكيل نظامه ايه .... و ياريت اعرف آرائكم عن تجربة شخصية مع العربيات التلاتة دي ......

و أنا رأيي لحد دلوقتي : التيدا ...... انا شايفها واسعة , يعني قعدت قدام لقيتها مريحة و واسعة و قعدت ورا برده واسعة و في مساحة ..... صالونها محترم .... و يكفي انها ياباني و تقفيلها ياباني برده ( و دي اهم ميزة يعني ) ..

لكن انا قلت ما اتسرعش و اخد آرائكم الأول .... :)

**M.Osman** · 01-07-2010 03:41 AM

حضرتك عايز اية من العربية ؟

اعتقد اهم ما يميز التيدا عن التانيين الإتساع و النعومة و الهدوء

**Alios** · 01-07-2010 03:47 AM

بص يا باشا ....

انا بلم الموضوع من كل الجوانب ...

يعني قطع الغيار متوفرة و لا لأ ..... اسعارها عاملة ازاي ...... عيوب العربية ايه .....

و رأيك بيقول ان التيدا مميزة بالراحة و الهدوء ... و انا مع حضرتك في النقطة دي ....

لكن عيوبها كتيرة و لا قليلة ..... ليها سوق و لا لأ ...... توكيلها نظامه ايه ....... ده اللي عاوز اعرفه ....

و شكراً لرأي حضرتك المتواضع :)

**BrainStorm** · 01-07-2010 05:29 AM

أنا رأيي التيدا علشان حاجات كتير
أول حاجة هي اوسع هتشباك في الفئة دي
تاني حاجة هي برده اوسع سيدان في فئة السيدان حتى اوسع من السيراتو وعن تجربة شخصية
تالت حاجة العربية دي بجد من أقوى المواتير اللي جربتها في فئة el-1600 وكان في تجربة شد مع السيراتو وطلعت منها بفرق كبير و برده طلعت من السيفيك وعلى الرغم من كده تتميز بالهدوء في النقلات بس هي عافشتها مش نعمة قوي زي بقيت الياباني يعني هي زي الصني تقريبا
رابع حاجة العربية كلها تقفيل ياباني وخاماتها زي الفل وفيها كماليات من جوه الصالون مش هتعرف قيمتها غير لما تاخد على العربية
خامس حاجة العربية استهلاكها للبنزين قليل جدا زي الكورولا el-1600 تقريبا حتى مع التكييف اللي طبعا مش هأتكلم عليه
سادس حاجة التوكيل بتاع نيسان محترم جدا وقطع الغيار بتاعتها متوفرة واسعارها كويسة

**Alios** · 01-07-2010 05:38 AM

المشاركة الأصلية كتبت بواسطة brainstorm

أنا رأيي التيدا علشان حاجات كتير
أول حاجة هي اوسع هتشباك في الفئة دي
تاني حاجة هي برده اوسع سيدان في فئة السيدان حتى اوسع من السيراتو وعن تجربة شخصية
تالت حاجة العربية دي بجد من أقوى المواتير اللي جربتها في فئة el-1600 وكان في تجربة شد مع السيراتو وطلعت منها بفرق كبير و برده طلعت من السيفيك وعلى الرغم من كده تتميز بالهدوء في النقلات بس هي عافشتها مش نعمة قوي زي بقيت الياباني يعني هي زي الصني تقريبا
رابع حاجة العربية كلها تقفيل ياباني وخاماتها زي الفل وفيها كماليات من جوه الصالون مش هتعرف قيمتها غير لما تاخد على العربية
خامس حاجة العربية استهلاكها للبنزين قليل جدا زي الكورولا el-1600 تقريبا حتى مع التكييف اللي طبعا مش هأتكلم عليه
سادس حاجة التوكيل بتاع نيسان محترم جدا وقطع الغيار بتاعتها متوفرة واسعارها كويسة

الف شكر يا باشا على ردك المفيد جداً
و لو اني ملاحظ ان اسعار قطع الغيار بتاعتها يعني صعبة حبتين .....

الا اني برده انا عاوز فعلاً اجيب التيدا .... بس يعني لازم اخد القرار و انا مستريح و مقتنع ان التيدا دي هيا انسب حاجة ....

و الف شكر مرة تانية على ردك اللي أفادني كتير .. :)

**ahmedbibo** · 01-07-2010 05:56 AM

انا رأى لو حضرتك بتاع شد و حركات و شغل جامد وهرى يبقى متفكرش غير فى الانسر مفيش حاجه تنفعك فى الحاجات الى فاتت ديه بقى غيرها وبياعه وسوقها حلوه وقطع غيارها موجوده وبقالها سبع سنين فى مصر ومحدش اشتكى منها ياعنى مضمونه 100 %

التيدا لو حضرتك معاك اسره كبيره وبتحب تركب ناس كتير وعايز عربيه مريحه وشيك و توكيل كويس يبقى النيسان تيدا اكتر تميزا

لو عايز بقى تتمنظر وشكل وخلاص يبقى السيراتو بس مش هتحس انك مميز خالص بس عايز عربيه تبعها بعد سناتين واقلب بس عفشه ناشفه يبقى السيراتو

بنسبه لقطع الغيار المتوفره

لانسر
تيدا
سيراتو

بالنسبه للتوكيل 3 كويسين وعلى فكره لو جبت الانسر مش هتغلب قع غيارها موجوده بره التوكيل على ما اعتقد اصحاب لانسر هيفيدوك برده

بس انا برشحلك التيدا بصراحه عربيه ممتازه

واركب 3 عربيات هتعرف الفرق

**ahmedbibo** · 01-07-2010 05:58 AM

المشاركة الأصلية كتبت بواسطة brainstorm

أنا رأيي التيدا علشان حاجات كتير
أول حاجة هي اوسع هتشباك في الفئة دي
تاني حاجة هي برده اوسع سيدان في فئة السيدان حتى اوسع من السيراتو وعن تجربة شخصية
تالت حاجة العربية دي بجد من أقوى المواتير اللي جربتها في فئة el-1600 وكان في تجربة شد مع السيراتو وطلعت منها بفرق كبير و برده طلعت من السيفيك وعلى الرغم من كده تتميز بالهدوء في النقلات بس هي عافشتها مش نعمة قوي زي بقيت الياباني يعني هي زي الصني تقريبا
رابع حاجة العربية كلها تقفيل ياباني وخاماتها زي الفل وفيها كماليات من جوه الصالون مش هتعرف قيمتها غير لما تاخد على العربية
خامس حاجة العربية استهلاكها للبنزين قليل جدا زي الكورولا el-1600 تقريبا حتى مع التكييف اللي طبعا مش هأتكلم عليه
سادس حاجة التوكيل بتاع نيسان محترم جدا وقطع الغيار بتاعتها متوفرة واسعارها كويسة

باشا بصراحه انت جبت المفيد افضلهم فعلا النيسان تيدا وبننصحك بشرائها عربيه ممتازه جدا وواسعه جدا

**Alios** · 01-07-2010 06:08 AM

المشاركة الأصلية كتبت بواسطة ahmedbibo

انا رأى لو حضرتك بتاع شد و حركات و شغل جامد وهرى يبقى متفكرش غير فى الانسر مفيش حاجه تنفعك فى الحاجات الى فاتت ديه بقى غيرها وبياعه وسوقها حلوه وقطع غيارها موجوده وبقالها سبع سنين فى مصر ومحدش اشتكى منها ياعنى مضمونه 100 %

التيدا لو حضرتك معاك اسره كبيره وبتحب تركب ناس كتير وعايز عربيه مريحه وشيك و توكيل كويس يبقى النيسان تيدا اكتر تميزا

لو عايز بقى تتمنظر وشكل وخلاص يبقى السيراتو بس مش هتحس انك مميز خالص بس عايز عربيه تبعها بعد سناتين واقلب بس عفشه ناشفه يبقى السيراتو

بنسبه لقطع الغيار المتوفره

لانسر
تيدا
سيراتو

بالنسبه للتوكيل 3 كويسين وعلى فكره لو جبت الانسر مش هتغلب قع غيارها موجوده بره التوكيل على ما اعتقد اصحاب لانسر هيفيدوك برده

بس انا برشحلك التيدا بصراحه عربيه ممتازه

واركب 3 عربيات هتعرف الفرق

طيب الأول .... يعني الف شكر على ردك المفيد و الجميل جداً .....

هوا أولاً ... والدي اللي عايز يشتري العربية مش أنا ......

و اكيد الوالد ح يشتري للعيلة .....

فيعني بياخد رأينا , قبل ما يقرر قراره بنفسه يعني ....

هوا في الأول كانت عاجباه السيراتو .... و اكتشفنا فيها عيوب , برغم شكلها الجميل .... الا ان قطع غيارها اسعارها معقولة , و لو ان الواحد مش ح يلاقيها بسهولة .....

حالياً شلنا السيراتو من دماغنا ....

و مقدمناش غير اللانسر و التيدا .... مع ان اللانسر صراحة سعرها مبالغ فيه حبتين .... الفرق في السعر ما بين اللانسر و التيدا يعتبر مش كبير قوي ....

اللانسر الجديدة بالوش القديم 125 ألف جنيه , و التيدا 127 ألف و نص .....

في ناس كتير نصحونا باللانسر , و ناس كتير برده نصحونا بالتيدا ....

و والدي عاجباه التيدا اكتر باستثناء الشكل .... الا انه خايف من : قطع الغيار - اعادة البيع ..... و لو ان سوق النيسان ماشي زي التويوتا و الميتسوبيشي برده - على حد معلوماتي يعني - .....

في انتظار آراء أخرى .... و الف شكر مرة تانية على ردك الجميل .....

**Alios** · 01-07-2010 06:11 AM

المشاركة الأصلية كتبت بواسطة ahmedbibo

باشا بصراحه انت جبت المفيد افضلهم فعلا النيسان تيدا وبننصحك بشرائها عربيه ممتازه جدا وواسعه جدا

:)

و الله احنا عاوزين التيدا فعلاً .......

بس زي ما قلت لحضراتكم الموضوع فيه قلق من نحية اسعار قطع الغيار و توافرها ... و من نحية اعادة البيع كمان ....

في انتظار آرائكم

**Ahmed Samy** · 01-07-2010 06:42 AM

التلات عربيات كويسين

بس التيدا خيار مناسب لكم أكتر

عربية محترمة و حمولة استهلاكها قليل و مساحاتها واسعة أعطالها قليلة (معدومة) تقريبا زي غالبية الياباني

قطع غيارها و مراكز صيانتها كويسة و اسمع خير عن السبع مودرن موتورز تقريبا

العربية مش معقدة أساسا ...

موتور قوي و كويس

ربنا يملاهالك بركة